Juezob 4:10 - Chol: I T’an Dios

¹⁰ Barac tsi' tempa majlel lujump'ejl mil winicob i p'olbal Zabulón yic'ot Neftalí. Débora tsa' majli yic'otob.

Chol de Tumbalá Bible

¹⁰ Barac tsi' tempa majlel lujump'ejl mil winicob i p'olbal Zabulón yic'ot Neftalí. Débora tsa' majli yic'otob.

Juezob 4:10 Iomraidhean Croise

1 Reyob 20:11

Acab jini rey ti Israel tsi' choco majlel i q'uexol i t'an: Yom ma' suben Benadad: “¿Yom ba ma' chañ'esan a bʌ che' maxto tsiquilic mi mux i mʌjlel a cha'an?” che'en.

Salmos 68:28

C Dios, aq'ueñon lojon a p'ʌtʌlel. Xuc'chocoñon lojon, Dios, come a melbalon lojon.

Exodo 11:8

Pejtelel a pi'ʌlob ti e'tel mi caj i tilelob ba' añon. Mi caj i c'uchchocoñob i bʌ tic tojlel. Mi caj i yʌlob: “Loq'uen tic tojlel lojon yic'ot pejtel a pi'ʌlob mu' bʌ i tsajcañetob”. Che' jini mi caj c loq'uel, che'en Moisés. Wen mich'atax tsa' loq'ui Moisés ti' tojlel Faraón.

Juezob 4:14

Débora tsi' sube Barac: Ch'ojyen come ti ili q'uin lac Yum mi caj i yʌc' ti a c'ʌb jini Sísara. ¿Mach ba wolic i majlel lac Yum ti ñaxan ti' tojel a wut? che'en. Barac tsa' jubi ya' ti' wits Tabor yic'ot lujump'ejl mil winicob.

Juezob 4:6

Débora tsi' choco ti pʌyol Barac i yalobil Abinoam am bʌ ti Cedes ti Neftalí. Tsi' sube: Lac Yum, i Dios Israel, woli' subeñet: “Tempan a winicob ya' ti wits i c'aba' Tabor. Tempan lujump'ejl mil winicob i p'olbal Neftalí yic'ot i p'olbal Zabulón.

Juezob 5:15

Jini yumʌlob loq'uemo' bʌ ti Isacar tsa' majliyob yic'ot Débora yic'ot Barac. Tsa' ochi Barac ti joctʌl ti' tojlel jini soldadojob. Pero ma'anic tsa' majliyob i p'olbal Rubén. Cabʌl tsi' yʌc'ʌyob i t'an tilem bʌ ti pusic'al.

Juezob 5:18

I p'olbalob Zabulón tsi' yʌc'ʌyob i bʌ cha'an mi' chʌmelob. Neftalí ja'el tsi' yʌc'ʌ i bʌ ti chʌmel ti bujtʌl tac.

Juezob 6:35

Tsi' choco majlel suboñelob tac ti lumal Manasés. Tsa' caji i much'quiñob i bʌ ti' tojlel ja'el. Che' ja'el tsi' choco majlel suboñelob ti Aser, yic'ot ti Zabulón, yic'ot ti Neftalí. Jini ya' bʌ chumulob tsa' tiliyob ti' tojlel ja'el.

1 Samuel 25:27

Q'uele ja'el a majtan, c yum. Tsac chajpʌbeyet ja'el pejtelel jini majtañʌl. La' aq'uenticob a winicob woli bʌ i coltañetob.