Juezob 3:3 - Chol: I T’an Dios

³ Jiñobʌch i contrajob: jini filisteojob yic'ot jo'tiquil i yumob, jini cananeojob, yic'ot jini sidoniojob, yic'ot jini heteojob chumulo' bʌ ti wits i c'aba' Líbano ya' ti jini wits Baal Hermón c'ʌlʌl ti Hamat.

Chol de Tumbalá Bible

³ Jiñobʌch i contrajob: jini filisteojob yic'ot jo'tiquil i yumob, jini cananeojob, yic'ot jini sidoniojob, yic'ot jini heteojob chumulo' bʌ ti wits i c'aba' Líbano ya' ti jini wits Baal Hermón c'ʌlʌl ti Hamat.

Juezob 3:3 Iomraidhean Croise

Genesis 49:13

Zabulón mi caj i chumtʌl ti' ti' colem ñajb, ba' mi' tilel barco tac. Ya' jaxʌl i cayajon Zabulón lʌc'ʌl ti Sidón.

2 Samuel 24:7

Tsa' majliyob ti Tiro jini ts'ajquibil bʌ tejclum. Tsa' ñumiyob ba'an pejtelel i lumalob jini heveojob yic'ot jini cananeojob. Che' jini tsa' c'otiyob c'ʌlʌl ti Neguev ti Judá c'ʌlʌl ti Beerseba.

1 Reyob 8:65

Ti jim bʌ ora Salomón tsi' mele ñuc bʌ q'uiñijel temel yic'ot pejtelel israelob. Cabʌl winicob tsi' tempayob i bʌ tilemo' bʌ ti' joytilel Israel. Cha'p'ejl semana tsi' cha'leyob q'uiñijel ti' tojlel lac Yum Dios cha'an jini Templo.

1 Reyob 9:20

Ti jujump'ejl lum ba' tsa' mʌjli i cha'an, Salomón tsi' wets'e tilel winicob ti e'tel. Jiñobʌch tsa' bʌ colobajiyob ti' tojlel i pi'ʌlob, amorreojob, yic'ot heteojob, yic'ot ferezeojob, yic'ot heveojob, yic'ot jebuseojob. Come jini israelob ma'anic tsi' lu' jisayob che' bʌ tsi' cha'leyob guerra ti Canaán. C'ʌlʌl wʌle che'ʌch mi' melob israelob.

Ezequiel 47:20

I cayajonlel am bʌ ti' bʌjlibal q'uin jiñʌch ñajb i c'aba' Mediterráneo c'ʌlʌl ti sur c'ʌlʌl ti norte.

Numeros 13:29

Ya' chumulob i yalobilob Amalec ti Neguev. Jini heteojob, yic'ot jebuseojob, yic'ot amorreojob, chumulob ti wits. Jini cananeojob chumulob ti' ti' colem ñajb, yic'ot ti' ti' Jordán ja', che'ob.

Deuteronomio 1:7

Cha' cucuxla ya' ti' lumalob amorreojob yic'ot ti' joytʌlel. Cucuxla ti Arabá jini joctʌl bʌ lum, yic'ot ti wits ya' ti Neguev, yic'ot ti' ti' ja'. La' cha'añʌch pejtel i lumal cananeojob, yic'ot Líbano c'ʌlʌl ti colem ja' i c'aba' Eufrates.

Deuteronomio 3:9

(Jini sidoñob mi' pejcañob ti Sirión jini wits Hermón. Jini amorreojob mi' pejcañob ti Senir.)

Josue 11:19

Jini jach jini heveojob año' bʌ ti Gabaón tsi' lajayob i t'an yic'ot Josué. Ma'anic yambʌ tejclum tsa' bʌ i yʌc'ʌ i bʌ ti' wenta Josué. Josué tsi' jisayob ti pejtelelob.

Josue 11:3

Tsi' choco ti subentel jini cananeojob am bʌ ti' pasibal q'uin yic'ot ti' bʌjlibal q'uin, yic'ot jini amorreojob, yic'ot jini heteojob, yic'ot jini ferezeojob, yic'ot jini jebuseojob am bʌ ti wits, yic'ot jini heveojob am bʌ ti yentʌlal Hermón ti' lumal Mizpa.

Josue 13:3

am bʌ ti Sihor, am bʌ ti' tojel Egipto ba' mi' pasel q'uin, c'ʌlʌl ti' cayajon Ecrón am bʌ ti norte. Jiñʌch i lumal cananeojob. An jo'tiquil i yumob filisteojob, jini año' bʌ ti Gaza, Asdot, Ascalón, Gat, yic'ot Ecrón, yic'ot pejtelel i lum aveojob am bʌ ti sur.

Josue 13:5

I lum jini giblajob, pejtelel jini Líbano am bʌ ti pasibal q'uin ti Baalgad am bʌ ti yentʌlal jini wits i c'aba' Hermón c'ʌlʌl ti yochib Hamat.

Josue 19:28

Tsa' ochi Hebrón, Rehob, Hamón yic'ot Caná c'ʌlʌl ti colem Sidón.

Josue 9:7

Jini israelob tsi' subeyob jini heveojob: ¿Mach ba wʌ'ic chumuletla ti lʌc'ʌl? ¿Bajche' mi mejlel c laj lojon c t'an la' wic'ot? che'ob.

Juezob 10:12

ti' tojlel año' bʌ ti Sidón, ti' tojlel Amalec, yic'ot ti' tojlel Maón? Che' c'am tsa' la' pejcayon, tsaj coltayetla.

Juezob 10:7

Jini cha'an lac Yum tsa' caji i contrajiñob. Tsi' yʌc'ʌyob ti c'ʌb filisteojob yic'ot ti' c'ʌb amoñob.

Juezob 14:4

Pero mach yujilobic i tat i ña' mi ch'oyolʌch ti lac Yum pejtelel iliyi, come Dios tsi' ña'ta i yʌq'ueñob wocol jini filisteojob. Come ti jim bʌ ora jini filisteojob woli' p'ump'un tic'lañob israelob.

Juezob 18:7

Che' jini tsa' loq'uiyob majlel jini jo'tiquil winicob. Tsa' c'ʌlʌl c'otiyob ti Lais. Tsi' q'ueleyob wen tijicñayob jini ya' bʌ chumulob. Wen chumulob, wen ñʌch'ʌlob. Mach chajpʌbilobic cha'an guerra, come ma'añobic i contrajob. Che' ja'el ñajt to añob i pi'ʌlob ti Sidón. Ma'anic woli' wen pejcañob i bʌ yic'ot yambʌ tejclum.

Juezob 3:2

Jini cha'an lac Yum tsi' yʌq'ueyob i ñop guerra cha'an mi' pʌsbeñob i ñuclel maxto bʌ anic tsi' q'ueleyob.

Juezob 4:2

Jini cha'an lac Yum tsi' yʌc'ʌyob ti' wenta Jabín jini rey ti Canaán tsa' bʌ i mele i ye'tel ya' ti Hazor. I yum soldadojob ti Canaán jiñʌch Sísara tsa' bʌ chumle ti Harosetgoim.

1 Samuel 13:5

Jini filisteojob ja'el tsa' caji i tempañob i bʌ cha'an mi' cha'leñob guerra ti' contra Israel. An i cha'añob lujump'ejl i cha'c'al mil (30,000) carreta, yic'ot wʌcp'ejl mil (6,000) winicob c'ʌchʌlo' bʌ ti caballo, yic'ot cabʌl winicob lajal bʌ i yonlel bajche' i ji'il colem ja'. Tsa' caji' ñochtañob tilel jini israelob año' bʌ ti Micmas ti' tojel Betavén ba' mi' pasel q'uin.

1 Samuel 29:2

Jini yumʌlob i cha'an filisteojob tsi' techeyob marcha yic'ot jini soldadojob ti mojt ti mojt ti jo'jo'c'al yic'ot ti jujump'ejl mil. David yic'ot i winicob woli' tilelob ti wi'il pat yic'ot Aquis.

1 Samuel 6:16

Jini jo'tiquil filisteojob ñuco' bʌ i ye'tel che' bʌ tsi' wen q'ueleyob chuqui tsa' ujti, tsa' sujtiyob c'ʌlʌl ti Ecrón ti jini jach bʌ q'uin.

1 Samuel 6:18

Lajal ja'el tsi' yʌc'ʌyob i yejtal tac tsuc melbil bʌ ti oro ti jujump'ejl tejclum am bʌ ti' wenta jini jo'tiquil yumʌlob, jini ts'ajquibil bʌ tejclum tac joy mʌcbil bʌ ti xajlel yic'ot xchumtʌl tac am bʌ ti' joytʌlel mach bʌ joy mʌcbilic. Ya'to an jini colem xajlel ba' tsi' c'ʌcchocoyob jini Arca i cha'an bʌ lac Yum ya' ti Betsemes ti' lum Josué.

1 Samuel 6:4

Tsi' c'ajtibeyob: ¿Chuqui yom mi cʌq'uen lojon jini Dios cha'an mi' ñusʌbeñon lojon c mul? che'ob. Tsi' jac'beyob: Yom mi la' wʌq'uen jo'p'ejl chʌcajl melbil bʌ ti oro, yic'ot jo'cojt colem tsuc melbil bʌ ti oro come jo'tiquilob i yumob filisteojob. Junlajal tsa' la' wubi jini c'amʌjel.