Juezob 3:12 - Chol: I T’an Dios

¹² Jini israelob tsa' caji' cha' melob chuqui jontol ti' wut lac Yum. Jini cha'an lac Yum tsi' yʌc'ʌyob ti' c'ʌb Eglón, i rey Moab.

Chol de Tumbalá Bible

¹² Jini israelob tsa' caji' cha' melob chuqui jontol ti' wut lac Yum. Jini cha'an lac Yum tsi' yʌc'ʌyob ti' c'ʌb Eglón, i rey Moab.

Juezob 3:12 Iomraidhean Croise

2 Reyob 5:1

Naamán jiñʌch i yum soldadojob ya' ti Siria. Tsi' q'uele ti ñuc jini rey. Lac Yum tsi' colta Naamán ti guerra cha'an mi' mʌjlel i cha'an. Wen ñuc Naamán, pero tsa' coli leco bʌ i c'amʌjel ti' pʌchʌlel.

Isaias 10:15

Lac Yum woli' yʌl: ¿Mu' ba mejlel i sub i ñuclel jini jacha che' woli' c'ʌjñel ti' c'ʌb i yum? ¿Mejl ba i sub i bʌ ti ñuc jini sierra che' woli' p'el te' i yum? Jini te' ¿mejl ba i cha' sujtel i jats' jini woli bʌ i chuc majlel? Asiria jiñʌch te' am bʌ i c'ʌñol tij c'ʌb, che'en.

Isaias 37:26

Yomix ma' ña'tan, ili tac tsa' bʌ a mele tsac ña'ta c'ʌlʌl wajali. Joñon, Dioson, tsac lu' ac'ʌ ti melol che' bajche' tsac wʌn ña'ta wajali. Tsa'ix ujti che' bajche' tsa cʌlʌ tic pusic'al. Cha'an tic p'ʌtʌlel tsa' mejli a jisan jini joy ts'ajquibil bʌ tejclum tac. Laj jembilix tsa' cʌle.

Ezequiel 38:16

Che' jini mi caj a lon tilel ti' contra c tejclum Israel che' bajche' tocal mu' bʌ i mʌc pañimil. Ti jini cojix bʌ q'uin tac mi caj c pʌyet tilel tic tejclum. Che' jini mi caj i cʌñoñob yambʌ tejclumob ti pañimil che' mi' q'uelob bajche' mic jisañet. Mi caj i ña'tañob ch'ujulon.

Daniel 4:22

Jini te' jiñʌch jatet, c rey. Tsa' coliyet. Tsa' p'ʌtesa a bʌ. Tsa' wen coli a ñuclel c'ʌlʌl tsa' c'oti ti panchan. A yumʌntel tsa' tsictiyi ti pejtelel pañimil.

Daniel 5:18

Jini Dios am bʌ ti Chan tsi' yʌq'ue i yumʌntel yic'ot i ñuclel yic'ot i p'ʌtʌlel a tatuch Nabucodonosor.

Oseas 6:4

Efraín yic'ot Judá, ¿chuqui mi caj c tumbeñetla? Come lajal la' c'uxbiya bajche' tocal ti sʌc'ajel yic'ot jini ye'eb, ora jach bʌ mi' jilel.

Juan 19:11

Jesús tsi' jac'ʌ: Machic tsi' yʌq'ueyet a p'ʌtʌlel jini am bʌ ti chan, ma'anic a p'ʌtʌlel cha'an ma' contrajiñon. Jini cha'an jini tsa' bʌ i yʌc'ʌyon ti a c'ʌb ñumen an i mul, che'en.

Juezob 2:11

Jini israelob tsi' cha'leyob jontolil ti' tojlel lac Yum. Tsa' caji i ch'ujutesañob jini dios Baal.

Juezob 2:14

Tsa' tili i mich'ajel lac Yum ti' contra Israel. Tsi' yʌc'ʌyob ti' c'ʌb xujch'ob tsa' bʌ i chilbeyob i chubʌ'an. Tsi' choñoyob ti' c'ʌb i contrajob año' bʌ ti' joytilel. Ma'anic tsa' mejliyob ti leto yic'otob i contra.

Juezob 2:19

Che' bʌ tsa' chʌmi jini juez, tsa' caji i cha' melob ñaxan bʌ i melbal. Ñumen leco tsi' cha'leyob bajche' i ñojte'elob. Tsi' tsajcayob yan tac bʌ dios. Tsi' ñocchocoyob i bʌ ti' tojlel. Ma'anic tsi' cʌyʌyob jontol bʌ i melbalob. Mach yomobic i cʌy jini bij woli bʌ i tsajcañob.

Juezob 3:11

Cha'c'al jab tsa' lajmi i tic'lʌntelob jini israelob che' cuxul to Otoniel. Tsa' chʌmi Otoniel i yalobil Cenaz.

1 Samuel 12:9

Pero tsa' ñajʌyi i cha'añob lac Yum Dios. Jini cha'an Dios tsi' yʌc'ʌyob ti' c'ʌb Sísara i yum jini soldadojob loq'uemo' bʌ ti Hazor, yic'ot ti' c'ʌb filisteojob, yic'ot ti' c'ʌb jini moabob tsa' bʌ i contrajiyob ti guerra.