Juezob 3:11 - Chol: I T’an Dios

¹¹ Cha'c'al jab tsa' lajmi i tic'lʌntelob jini israelob che' cuxul to Otoniel. Tsa' chʌmi Otoniel i yalobil Cenaz.

Chol de Tumbalá Bible

¹¹ Cha'c'al jab tsa' lajmi i tic'lʌntelob jini israelob che' cuxul to Otoniel. Tsa' chʌmi Otoniel i yalobil Cenaz.

Juezob 3:11 Iomraidhean Croise

1 Cronicas 4:13

I yalobilob Cenaz jiñobʌch Otoniel yic'ot Seraías. I yalobilob Otoniel jiñobʌch Hatat yic'ot Meonotai.

Nehemias 9:28

Che' bʌ cha' tijicñayix pañimil, tsi' cha' cha'leyob jontolil ti a wut. Jini cha'an tsa' cʌyʌyob ti' wenta i contrajob cha'an mi' yumañob. Che' bʌ tsi' sutq'uiyob i bʌ, che' bʌ c'am tsi' pejcayetob, tsa' wubibeyob i t'an ya' ti panchan. Ma'anic tsa' cʌyʌ a coltañob come wen a wujil p'untaya.

Ester 9:22

Come jini q'uin tac i yorajlelʌch i coltʌntel che' bʌ tsi' t'uchtayob i contrajob. Ti jini q'uin tsa' lajmi i ch'ijiyemlel i pusic'al. Tsa' q'uextiyi ti tijicña bʌ. Tsi' cʌyʌyob i yuq'uel cha'an mi' to'ol ñusañob q'uin. Jini cha'an la' i cha'leñob q'uiñijel che' bajche' yom cha'an tijicñayob i pusic'al. La' i chocbeñob majlel i pi'ʌlob chuqui tac sumuc ti c'uxol. La' i yʌq'ueñob i majtan jini p'ump'uño' bʌ, che'en.

Josue 11:23

Che' jini Josué tsi' ch'ʌmʌ ti' wenta pejtelel jini lum. Tsa' ts'ʌctiyi pejtelel jini mandar che' bajche' lac Yum tsi' sube Moisés. Josué tsi' yʌq'ueyob jini lum israelob che' bajche' wʌn albil. Tsi' t'oxbeyob lum ti mojt ti mojt. Tsa' lajmi guerra. Ñʌch'ʌl tsa' ajniyob.

Josue 15:17

Tsi' ch'ʌmʌ Otoniel i yalobil Cenez i yeran Caleb. Caleb tsi' yʌq'ue i pʌy jini xch'oc i c'aba' Acsa.

Juezob 3:10

I yEspíritu lac Yum tsi' yʌq'ue i p'ʌtʌlel cha'an mi' coltan Israel. Tsa' loq'ui majlel ti guerra. Lac Yum tsi' yʌq'ue i jisan Cusan Risataim jini i rey Siria. Otoniel tsi' mʌlbe jini Cusan Risataim.

Juezob 3:12

Jini israelob tsa' caji' cha' melob chuqui jontol ti' wut lac Yum. Jini cha'an lac Yum tsi' yʌc'ʌyob ti' c'ʌb Eglón, i rey Moab.

Juezob 3:30

Che'ʌch tsa' peq'uesʌnti Moab ti jim bʌ ora ti' p'ʌtʌlel Israel. Chʌnc'al jab ma'anix i tic'lʌntelob jini israelob.

Juezob 3:9

Che' jini c'am tsi' pejcayob lac Yum. Lac Yum tsi' yʌc'ʌ juntiquil juez cha'an mi' coltañob, jiñʌch Otoniel i yalobil Cenaz, i yijts'in Caleb.

Juezob 5:31

Che'ʌch yom mi' laj jilelob a contrajob c Yum. Pero jini mu' bʌ i c'uxbiñetob yom lajal i p'ʌtʌlel bajche' q'uin che' mi' pasel. Che'ʌch tsi' cha'leyob c'ay. Cha'c'al jab ma'anic tsi' yubiyob i tic'lʌntel jini israelob.

Juezob 8:28

Che'i tsa' jisʌntiyob jini madiañob ti' tojlel israelob. Ma'anix tsa' mejli i chʌn ch'ejlesañob i bʌ. Cha'c'al jab ma'anix tsa' tic'lʌntiyob jini israelob che' cuxul to Gedeón.