Juezob 3:10 - Chol: I T’an Dios

¹⁰ I yEspíritu lac Yum tsi' yʌq'ue i p'ʌtʌlel cha'an mi' coltan Israel. Tsa' loq'ui majlel ti guerra. Lac Yum tsi' yʌq'ue i jisan Cusan Risataim jini i rey Siria. Otoniel tsi' mʌlbe jini Cusan Risataim.

Chol de Tumbalá Bible

¹⁰ I yEspíritu lac Yum tsi' yʌq'ue i p'ʌtʌlel cha'an mi' coltan Israel. Tsa' loq'ui majlel ti guerra. Lac Yum tsi' yʌq'ue i jisan Cusan Risataim jini i rey Siria. Otoniel tsi' mʌlbe jini Cusan Risataim.

Juezob 3:10 Iomraidhean Croise

1 Cronicas 12:18

Che' jini tsa' c'oti jini Ch'ujul bʌ Espíritu ti' tojlel Amasai, i yum jini Lujuntiquil i Cha'c'al. Amasai tsi' yʌlʌ: David, i yalobilet Isaí, tsa' tili j coltañet lojon. La' ñʌch'lec a pusic'al. La ajnic ti tijicña a pusic'al temel yic'ot a winicob, come an a wic'ot jini Dios, che'en. Che' jini David tsi' ch'ʌmʌyob ti' wenta. Tsa' caji i yotsañob ti' yumob soldadojob.

2 Cronicas 15:1

I yEspíritu Dios tsa' c'oti ti' tojlel Azarías (i yalobil Obed).

2 Cronicas 20:14

Ya'an ja'el Jahaziel (i yalobil Zacarías, i yalobil Benaía, i yalobil Jeiel, i yalobil Matanías jini leví, i yalobil bʌ Asaf). Tsa' c'oti Ch'ujul bʌ i yEspíritu lac Yum ti' tojlel Jahaziel ya' ba' tempʌbilob pejtel winicob.

Salmos 51:11

Mach a chocon loq'uel ti a tojlel. Mach ma' chilbeñon loq'uel jini Ch'ujul bʌ a wEspíritu.

Numeros 11:17

Che' jini mi caj c jubel tilel cha'an mic pejcañet. Mi caj cʌq'ueñob jini Espíritu che' bajche' tsa cʌq'ueyet. Che' jini temel mi caj la' cuch ili wocol. Mi caj i coltañetob ili lujuntiquil i chʌnc'al winicob.

Numeros 11:25

Lac Yum tsa' jubi tilel ti Tocal. Tsi' pejca Moisés. Tsi' ch'ʌmʌ jini Espíritu am bʌ ti' tojlel Moisés. Tsi' yʌq'ueyob ja'el jini lujuntiquil i chʌnc'al xñoxob. Che' bʌ tsa' tili i yEspíritu ti' tojlelob, tsa' cajiyob ti sub t'an. Jal tsi' chʌn cha'leyob.

Numeros 11:29

Moisés tsi' jac'be: ¿Yom ba tsʌytsʌyña a pusic'al tic tojlel? Ma' lon ña'tan mach uts'atic mi' cha'leñob subt'an winicob, pero yomcu. Uts'at muq'uic i yʌq'ueñob i yEspíritu lac Yum pejtelel winicob x'ixicob, che'en.

Numeros 24:2

Che' bʌ tsi' can q'uele pañimil, tsi' q'uele israelob ti mojt ti mojt ya' ba' chumulob ti joctʌl. I yEspíritu lac Yum tsa' c'oti ba'an Balaam. Tsi' yʌc'ʌ ti t'an:

Numeros 27:18

Lac Yum tsi' sube Moisés: Pʌyʌ Josué (i yalobil Nun), jini am bʌ i cha'an quEspíritu ti' pusic'al. Ac'ʌ a c'ʌb ti' jol.

Hebreos 6:4

Jini mu' bʌ i junyajlel cʌyob Dios, ¿bajche' mi caj i cha' ñopob? Tsa'ix i cʌn q'ueleyob i sʌclel. Tsa'ix i cʌn tajayob i wenlel ti Dios yic'ot ti Ch'ujul bʌ Espíritu.

Juezob 11:29

Pero jini Ch'ujul bʌ i yEspíritu lac Yum tsa' c'oti ti' tojlel Jefté. Tsa' ñumi majlel Jefté ti Galaad yic'ot ti Manasés. Tsa' ñumi ti Mizpa am bʌ ti Galaad. Tsa' c'oti ba'an jini amoñob.

Juezob 11:32

Che' jini Jefté tsa' majli ti guerra ti' contra jini amoñob. Awilan lac Yum tsi' yʌc'ʌyob ti jilel ti' tojlel Jefté.

Juezob 13:25

Awilan i yEspíritu lac Yum tsa' caji' mel i ye'tel ti' tojlel ya' ba' chumul ti Dan, ti' yojlil Zora yic'ot Estaol.

Juezob 14:19

Awilan tsa' c'oti i yEspíritu lac Yum ti' tojlel Sansón yic'ot cabʌl i p'ʌtʌlel. Tsa' jubi majlel ya' ti Ascalón. Tsi' tsʌnsa lujuntiquil i cha'c'al winicob. Tsi' ch'ʌmbeyob i pislelob yic'ot chuqui tac an i cha'añob. Tsi' yʌq'ueyob jini ch'itoñob tsa' bʌ i ña'tayob i sujmlel jini t'an. Tsa' wen mich'a. Tsa' cha' majli ti' yotot i tat.

Juezob 14:6

Awilan i yEspíritu lac Yum tsa' c'oti ti' tojlel Sansón. Tsi' bic'ti jisa jini bajlum che' bajche' mi' bic'ti t'ojtʌl alʌ chivo. Pero ti jim bʌ ora ma'anic chuqui wisil an ti' c'ʌb Sansón. Ma'anic tsi' sube i tat i ña' chuqui tsa' ujti.

Juezob 15:14

Che' wolix i c'ʌlʌl c'otel ti Lehi, jini filisteojob tsa' tili i tajob. C'am tsi' cha'leyob t'an, pero tsa' c'oti i yEspíritu lac Yum ti' tojlel Sansón yic'ot cabʌl i p'ʌtʌlel. Jini chij tac cʌchbil bʌ ya' ti' c'ʌb tsa' c'uñ'a. Tsa' ts'ojqui jini lazo tac. Pejtelel i cʌjchil tac tsa' laj p'ajti jubel ti' c'ʌb.

Juezob 3:11

Cha'c'al jab tsa' lajmi i tic'lʌntelob jini israelob che' cuxul to Otoniel. Tsa' chʌmi Otoniel i yalobil Cenaz.

Juezob 3:8

Jini cha'an lac Yum tsi' wen mich'leyob. Tsi' yʌc'ʌyob ti' c'ʌb jini rey Cusan Risataim, am bʌ ti Mesopotamia. Waxʌcp'ejl jab jini israelob tsa' ajniyob ti' wenta Cusan Risataim.

Juezob 6:34

Ti jim bʌ ora i yEspíritu lac Yum tsa' c'oti ti' tojlel Gedeón. Tsi' wusu jini xulub. Pejtelel jini abiezerob tsa' laj tiliyob.

1 Samuel 10:10

Che' bʌ wolix i c'otelob ya' ti bujtʌl, awilan tsa' tili i tajob junmojt x'alt'añob. Che' jini i yEspíritu Dios tsa' tili yic'ot i p'ʌtʌlel ti' tojlel. Tsa' caji ti alt'an temel yic'otob.

1 Samuel 10:6

I yEspíritu lac Yum mi caj i tilel ti a tojlel yic'ot i p'ʌtʌlel. Mi caj a cha'len alt'an temel yic'otob. Mach chʌn lajalix mi caj a wajñel che' bajche' ti ñaxan.

1 Samuel 11:6

Che' bʌ tsi' yubi jini t'an Saúl, i yEspíritu Dios tsa' tili ti' tojlel yic'ot i p'ʌtʌlel. Tsa' wen mich'a.

1 Samuel 16:13

Samuel tsi' ch'ʌmʌ jini xulub but'ul bʌ ti aceite. Tsi' bombe i jol ti' tojlel i yʌscuñob. Ti jim bʌ ora jini Ch'ujul bʌ Espíritu i cha'an lac Yum tsa' c'oti ti' tojlel David. Samuel tsa' cha' sujti ti Ramá.