Juezob 21:4 - Chol: I T’an Dios

⁴ Che' ti yijc'ʌlal seb to tsa' ch'ojyiyob pejtelel jini israelob. Tsi' meleyob pulʌntib cha'an mi' pulbeñob i majtan lac Yum, cha'an mi' yʌq'ueñob majtañʌl cha'an i ñʌch'tʌlel i pusic'al.

Chol de Tumbalá Bible

⁴ Che' ti yijc'ʌlal seb to tsa' ch'ojyiyob pejtelel jini israelob. Tsi' meleyob pulʌntib cha'an mi' pulbeñob i majtan lac Yum, cha'an mi' yʌq'ueñob majtañʌl cha'an i ñʌch'tʌlel i pusic'al.

Juezob 21:4 Iomraidhean Croise

2 Samuel 24:18

Gad tsa' tili ba'an David ti jini jach bʌ q'uin cha'an mi' suben: Yom ma' majlel cha'an ma' ts'ʌlben letsel i pulʌntib lac Yum ya' ti patio i cha'an bʌ Arauna jini jebuseo, ya' ba' mi' jajts'el trigo, che'en.

2 Samuel 24:25

Che' jini David tsi' wa'chocobe i pulʌntib lac Yum. Tsi' pulbe i majtan tac lac Yum. Tsi' yʌq'ue majtañʌl ja'el cha'an mi' yuts'esʌben i pusic'al. Che' jini tsa' lajmi jini c'amʌjel woli bʌ i tsʌnsañob.

1 Reyob 8:64

Ti jini jach bʌ q'uin jini rey tsi' yʌq'ue lac Yum jini patio am bʌ ti' tojel i yotot lac Yum cha'an ya' mi' pulbentel i majtan, come ch'o'ch'oc jax jini pulʌntib melbil bʌ ti bronce am bʌ ti' tojel lac Yum. Mach ochic ti pejtelel. Tsi' yʌq'ue lac Yum ja'el jini majtañʌl melbil bʌ ti trigo, yic'ot cha'an i ñʌch'tilel i pusic'al. Wen on jini majtañʌl.

Oseas 5:15

Jini cha'an joñon mi caj cʌyob. Mi caj c cha' majlel ba' tsa' tiliyon jinto mi' ña'tañob i mul. Che' jini mi caj i cha' sʌclañoñob. Che' cabʌlobix i wocol mi caj i cha' ña'tañoñob.

Deuteronomio 12:5

Dios mi caj i yajcan i yajñib ba' mi caj i pʌs i ñuclel. Ya' yom mi la' majlel la' ch'ujutesan ya' ba' mi caj i chumtʌl lac Yum.

Hebreos 13:10

An pulʌntib lac cha'an, jiñʌch i cruz Cristo ba' mach mejlic i coltʌntel jini mu' bʌ i chʌn ñop i coltan i bʌ ti' jac'ol jini mandar.

Juezob 20:26

Jini cha'an pejtelel jini israelob tsa' majliyob ti Betel. C'am tsi' cha'leyob uq'uel. Ya' tsa' buchleyob ti' tojlel lac Yum. Ma'anic chuqui tsi' c'uxuyob ti jini q'uin c'ʌlʌl ti ic'ajel. Tsi' yʌq'ueyob pulbil tac bʌ i majtan lac Yum yic'ot i majtan cha'an i ñʌch'tilel i pusic'al.

Juezob 21:3

C Yum i Dioset bʌ Israel, ¿chucoch leco jax chuqui woli' yujtel ti' tojlel jini israelob? come tsa'ix jili junmojt i p'olbal Israel, che'ob.

Juezob 6:24

Jini cha'an Gedeón tsa' caji i melben lac Yum i pulʌntib i majtan. Tsi' yotsʌbe i c'aba' c Yum Salom mu' bʌ i yʌl ti lac t'an: “Lac Yum mi' ñʌch'tesañonla”. C'ʌlʌl wʌle ya'to an ili pulʌntib ya' ti Ofra ba'an jini abiezerob.

Juezob 6:26

Cha' wa'chocobeñon pulʌntib cha'an ma' wʌq'uen i majtan a Yum Dios ti' pam jini xuc'ul bʌ xajlel. Tsolol yom jini xajlel tac. Pʌyʌ tilel jini wacax. Yom ma' pulbeñon c majtan ya' ti pulʌntib. Pulu jini dioste' Asera che' bajche' si', che'en.

1 Samuel 7:17

Tsa' cha' sujti ti' yotot ti Ramá ya' ba' chumul. Ya' tsi' cha'le meloñel ja'el ti' tojlel israelob. Ya' tsi' wa'chocobe i pulʌntib i majtan lac Yum.