Juezob 21:1 - Chol: I T’an Dios

¹ Che' ya'to añob jini israelob ti Mizpa, che' maxto loq'uemobic ti guerra, tsi' cha'leyob trato. Tsi' yʌlʌyob: Ma'anic mi caj lac sijibeñob la quixic'al jini benjamiñob, che'ob.

Chol de Tumbalá Bible

¹ Che' ya'to añob jini israelob ti Mizpa, che' maxto loq'uemobic ti guerra, tsi' cha'leyob trato. Tsi' yʌlʌyob: Ma'anic mi caj lac sijibeñob la quixic'al jini benjamiñob, che'ob.

Juezob 21:1 Iomraidhean Croise

Eclesiastes 5:2

Mach a bʌc' ac' a t'an che' maxto anic tsa' wen ña'ta mi che'ʌch yom. Yom xuc'ul a pusic'al ma' ts'ʌctesan chuqui tsa' subu. Come lac Yum an ti panchan, wʌ' añet ti pañimil. Jini cha'an mach yomic ma' p'ojlesan a t'an.

Jeremias 4:2

Wa'chocon a t'an tic tojlel ti' c'aba' jini cuxul bʌ a Yum. Subu chuqui isujm. Cha'len toj bʌ meloñel. Ñopox chuqui uts'at tic wut. Che' jini pejtel winicob ti yan tac bʌ lum mi caj i cʌñoñob cha'an a Yumon. Mi caj i q'ueloñob ti ñuc, che'en lac Yum.

Jeremias 40:6

Jini cha'an Jeremías tsa' sujti ti Mizpa ba'an Gedalías (i yalobil Ahicám). Tsa' chumle yic'ot Gedalías yic'ot jini winicob tsa' bʌ cʌleyob ti jini lum.

Marcos 6:23

Tsi' wersa wa'choco i t'an. Tsi' sube: Chuqui jach ma' c'ajtibeñon mi caj cʌq'ueñet c'ʌlʌl ti yojlil c yumʌntel, che'en.

Hechos 23:12

Ti sʌc'ajel cabʌl judíojob tsi' tempayob i bʌ. Tsi' temeyob i t'an cha'an mi' tsʌnsañob Pablo. Tsi' bajñel ch'ʌcʌyob i bʌ cha'an ma'anic chuqui mi caj i c'uxob, ma'anic chuqui mi caj i japob jinto mi' tsʌnsañob Pablo.

Romanos 10:2

Come mic sub ti isujm, anquese ch'ejlob cha'an Dios, mach yujilobic chuqui yom Dios.

Juezob 20:1

Tsa' cajiyob ti loq'uel pejtelel jini israelob ti jump'ejl jach i pusic'al. Tsa' caji i tempañob i bʌ c'ʌlʌl ti Dan c'ʌlʌl ti Beerseba yic'ot ya' ti' lumal Galaad. Tsa' c'oti i tempañob i bʌ ti' tojlel lac Yum ya' ti Mizpa.

Juezob 20:10

Mi caj lac loc'san lujuntiquil winicob ti jo'jo'c'al israelob, yic'ot jo'jo'c'al ti jujump'ejl mil, yic'ot jujump'ejl mil ti lujump'ejl mil, cha'an mi' sʌclʌbeñob i bʌl i ñʌc' jini soldadojob, cha'an ma'anic chuqui yom i cha'añob che' mi' majlelob ti Gabaa ti' lum jini benjamiñob. Che' jini mi mejlel i melbenob che' bajche' yom cha'an cabʌl i mul tsa' bʌ i meleyob ti' tojlel israelob, che'ob.

Juezob 20:48

Pero jini israelob tsa' cha' cajiyob ti guerra yic'ot jini benjamiñob tsa' bʌ i tajayob. Tsi' laj jisayob jini winicob yic'ot i yʌlac'. Tsi' puluyob pejtelel i tejclum.

Juezob 20:8

Jini cha'an pejtelel jini winicob ti junsujm bʌ t'an tsi' yʌlʌyob: Ti jujuntiquilonla ma'anic mi caj lac bʌc' sujtel ti lac lumal cha'an mi lac majlel ti la cotot.

Juezob 21:18

Pero ti lac tojlel mach mejlic lac sijibeñob la quixic'al cha'an i yijñamob. Come tsa'ix lac mele trato. Jini israelob tsi' yʌlʌyob: “La' aq'uentic i wocol jini mu' bʌ i sijibeñob i yixic'al jini benjamiñob”, che'ob.

Juezob 21:22

Mi tsa' tiliyob i tatob mi i yerañob cha'an mi' letsañob i t'an, mi caj c subeñob: “La'ix majlicob ili xch'ocob, come ma'anic tsa' jastiyi jini xch'ocob ya' ti Jabes Galaad cha'an i yijñamob benjamiñob. Ma'anic tsa' la cʌq'ueyob i yijñam. Tsa'ic la cʌq'ueyob, an lac mul”, che'ob.

Juezob 21:5

Jini israelob tsi' yʌlʌyob: ¿Am ba juntiquil winic, i p'olbal Israel, mach bʌ anic tsajni ti' yotot lac Yum? che'ob. Come tsa'ix i cha'leyob trato. Tsi yʌlʌyob wersa mi' cajelob ti chʌmel pejtelel jini mach bʌ anic mi' letselob ba'an lac Yum ya' ti Mizpa.

Juezob 21:7

Jini cha'an tsi' c'ajtibeyob: ¿Bajche' mi caj laj coltan jini winicob tsa' bʌ cʌleyob cha'an mi' tajob i yijñam? Come tsa'ix lac cha'le trato ti' tojlel lac Yum cha'an ma'anic mi caj lac sijibeñob la quixic'al, che'ob.

1 Samuel 14:24

Pero pejtelel jini israelob tsi' yubiyob wocol ti jini q'uin, come Saúl tsi' wʌn subeyob: Majqui jach mi' c'ux i bʌl i ñʌc' che' anto q'uin, che' maxto anic tsa' mʌjli lac cha'an ti guerra, mux i chojquel ti Dios jini winic, che'en. Jini cha'an ma'anic chuqui tsi' wis c'uxuyob ti jini q'uin.