Juezob 20:3 - Chol: I T’an Dios

³ Jini benjamiñob tsi' yubiyob tsa'ix letsiyob tilel jini israelob ti Mizpa. Jini israelob tsi' c'ajtiyob: ¿Bajche' tsa' tejchi ili wocol? che'ob.

Chol de Tumbalá Bible

³ Jini benjamiñob tsi' yubiyob tsa'ix letsiyob tilel jini israelob ti Mizpa. Jini israelob tsi' c'ajtiyob: ¿Bajche' tsa' tejchi ili wocol? che'ob.

Juezob 20:3 Iomraidhean Croise

Proverbios 22:3

Jini cʌntesʌbil bʌ mi' wʌn ña'tan chuqui bʌbʌq'uen mi' yujtel. Mi' chajpan i bʌ. Jini tonto bʌ ma'anic mi' yotsan ti' pusic'al. Muq'uix i toj.

Mateo 5:25

Yom ma' bʌc' pejcan ti uts'at jini woli bʌ i contrajiñet che' wola' majlel ba'an melobʌjʌl ame cajic i yʌq'uet ti' c'ʌb xmel mulil. Jini xmel mulil mi caj i yʌq'uet ti' c'ʌb xcʌnta cárcel. Mi caj a wochel ti mʌjquibʌl.

Deuteronomio 13:15

wersa yom mi la' tsʌnsan pejtel chumulo' bʌ ti jini tejclum. Yom mi la' laj jisañob ti pejtelob yic'ot pejtel chuqui an i cha'añob, yic'ot i yʌlac'.

Juezob 20:12

Jini israelob tsi' chocoyob majlel winicob ba' anob jini benjamiñob. Tsi' subeyob: ¿Chuqui jini mulil tsa' bʌ ujti ti la' tojlel? che'ob.

Juezob 20:2

Pejtelel jini ñuc taco' bʌ i ye'tel loq'uemo' bʌ ti jujunmojt israelob tsi' tempayob i bʌ ti' tojlel Dios. Ti pejtelelob añob jumbajc' mil winicob chajpʌbilo' bʌ cha'an guerra.

Juezob 20:4

I ñoxi'al jini chʌmen bʌ x'ixic tsi' jac'be: Tsa' c'otiyon ti Gabaa ti' lum jini benjamiñob cha'an mic poj ñusan ac'ʌlel ya'i temel quic'ot jini quixic.