Juezob 20:1 - Chol: I T’an Dios

¹ Tsa' cajiyob ti loq'uel pejtelel jini israelob ti jump'ejl jach i pusic'al. Tsa' caji i tempañob i bʌ c'ʌlʌl ti Dan c'ʌlʌl ti Beerseba yic'ot ya' ti' lumal Galaad. Tsa' c'oti i tempañob i bʌ ti' tojlel lac Yum ya' ti Mizpa.

Chol de Tumbalá Bible

¹ Tsa' cajiyob ti loq'uel pejtelel jini israelob ti jump'ejl jach i pusic'al. Tsa' caji i tempañob i bʌ c'ʌlʌl ti Dan c'ʌlʌl ti Beerseba yic'ot ya' ti' lumal Galaad. Tsa' c'oti i tempañob i bʌ ti' tojlel lac Yum ya' ti Mizpa.

Juezob 20:1 Iomraidhean Croise

2 Samuel 19:14

Che' jini Amasa tsi' wersa ac'ʌyob i ñopben i t'an David ti junsujm jach i pusic'al. Tsi' chocbeyob majlel t'an jini rey cha'an mi' sujtel yic'ot pejtelel i winicob.

2 Samuel 2:9

Ya'i tsi' wa'choco ti rey ti' tojlel año' bʌ ti Galaad, yic'ot Gesuri, yic'ot Jezreel, yic'ot Efraín, yic'ot Benjamín, yic'ot pejtelel jini israelob.

2 Samuel 24:2

Jini cha'an jini rey tsi' sube Joab yic'ot jini soldadojob ñuco' bʌ i ye'tel cha'an mi' ñumelob ti pejtelel i lumal Israel c'ʌlʌl ti Dan c'ʌlʌl ti Beerseba, cha'an mi' q'uelob jaytiquilob jini winicob cha'an yom i ña'tan David.

2 Samuel 3:10

Come lac Yum tsi' yʌq'ue David i yumʌntel Saúl. Mi caj i yochel ti' wenta. David mi caj i cha'len yumʌl ti Israel yic'ot ti Judá c'ʌlʌl ti Dan c'ʌlʌl ti Beerseba. Che' tsi' yʌlʌ Abner.

1 Reyob 5:5

Jini cha'an joñon mi caj c wa'chocoben i yotot lac Yum Dios che' bajche' tsa' subenti c tat David: “Jini a walobil mu' bʌ caj i cha'len yumʌntel ti a q'uexol mi caj i wa'chocobeñon cotot”. Che' tsi' yʌlʌ c Yum.

2 Reyob 25:23

Che' bʌ tsi' yubiyob i yumob soldadojob woli ti gobernador Gedalías, tsa' majli i q'uelob ya' ti Mizpa. Jiñobʌch Ismael (i yalobil Netanías), Johanán (i yalobil Carea), Seraías (i yalobil Tanhumet jini ch'oyol bʌ ti Netofat), yic'ot Jaazanías (i yalobil winic ch'oyol bʌ ti Maaca) yic'ot pejtelel i pi'ʌlob ili winicob.

1 Cronicas 21:2

Che' jini David tsa' caji i suben Joab yic'ot jini ñuc taco' bʌ i ye'tel: Cucula c'ʌlʌl ti Beerseba yic'ot c'ʌlʌl ya' ti Dan cha'an mi la' chuc ti censo jini israelob. Che' ujtemix ti pejtelel, yom mi la' tilel la' subeñon, che'en David.

2 Cronicas 30:5

Tsi' chocoyob ñumel x'ac'juñob ti pejtelel Israel c'ʌlʌl ti Beerseba c'ʌlʌl ti Dan, cha'an mi' pʌyob tilel ti Jerusalén ti pejtelelob cha'an mi' melob jini Pascua i cha'an lac Yum, i Dios israelob. Come anix ora tsi' cʌyʌ i melob che' bajche' ts'ijbubil.

Esdras 3:1

Che' ti septiembre tsi' tempayob i bʌ ti Jerusalén jini israelob chumulo' bʌ ti pejtelel tejclum tac. Tsa' tejchiyob ti e'tel Jesúa i yalobil Josadac, motomaj yic'ot i pi'ʌlob ti motomajil yic'ot Zorobabel, i yalobil Salatiel yic'ot i yijts'iñob. Tsi' cha' melbeyob i pulʌntib i majtan i Dios Israel. Tsi' pulbeyob i majtan tac che' bajche' ts'ijbubil ti' mandar Moisés i winic lac Yum.

Nehemias 8:1

Pejtel jini winicob x'ixicob tsi' tempayob i bʌ ti jump'ejl i pusic'al ya' ti' ti' tejclum i c'aba' Ja' Ti'. Tsi' c'ajtibeyob Esdras, jini sts'ijbujel, cha'an mi' ch'ʌm tilel i juñilel mandar ts'ijbubil bʌ i cha'an Moisés tsa' bʌ i yʌq'ueyob israelob lac Yum.

Jeremias 40:6

Jini cha'an Jeremías tsa' sujti ti Mizpa ba'an Gedalías (i yalobil Ahicám). Tsa' chumle yic'ot Gedalías yic'ot jini winicob tsa' bʌ cʌleyob ti jini lum.

Numeros 32:1

Wen cabʌl jax i wacax i yalobilob Rubén yic'ot i yalobilob Gad. Jini cha'an tsa' caji i ña'tañob majlel ya' ti' lum Jazer yic'ot ti Galaad, come tsi' q'ueleyob uts'atax mi' colel wacax ya'i.

Numeros 32:40

Moisés tsi' yʌq'ueyob i lum Galaad pejtelel i yalobilob Maquir i p'olbal bʌ Manasés. Jini cha'an ya' tsa' cajiyob ti chumtʌl.

Josue 17:1

Jiñʌch i lumal Manasés, jini ascuñʌl bʌ i yalobil José. Maquir jiñʌch ascuñʌl bʌ i yalobil Manasés. I tatʌch Galaad. Wen yujil guerra. Tsa' aq'uenti Maquir jini lum i cha'an Galaad yic'ot Basán.

Josue 22:12

Che' bʌ tsi' yubiyob jini israelob, tsi' laj tempayob i bʌ ya' ti Silo cha'an mi' contrajiñob ti guerra.

Josue 22:9

Jini rubeñob, yic'ot jini gadob, yic'ot i cha'año' bʌ Manasés tsa' loq'uiyob ti' tojlel jini israelob año' bʌ ti Silo am bʌ ti Canaán. Tsa' majliyob ti jini lum am bʌ ti Galaad tsa' bʌ aq'uentiyob. Come tsa'ix i ch'ʌmʌyob ti' wenta jini lum che' bajche' lac Yum tsi' wʌn sube Moisés.

Josue 4:13

Cha'c'al ti mil soldadojob tsolocña tsa' ñumiyob majlel ti mojt ti mojt. Tsa' c'otiyob ti jini joctʌl am bʌ ti' tojel Jericó.

Juezob 10:17

Tsa' caji i tempañob i bʌ jini amoñob. Tsa' majliyob ti much'tʌl ya' ti Galaad. Che' ja'el tsa' caji i tempañob i bʌ jini israelob. Tsa' majliyob ti much'tʌl ya' ti Mizpa.

Juezob 11:11

Jini cha'an Jefté tsi' jac'ʌ. Temel tsa' majliyob. Pejtelel jini winicob tsi' wa'chocoyob cha'an mi' yumañob. Jefté tsi' cha' ac'ʌ i t'an ti' tojlel lac Yum ti Mizpa.

Juezob 11:34

Tsa' cha' sujti Jefté ti' yotot ya' ti Mizpa. Awilan woli' loq'uel tilel jini xch'oc bʌ i yalobil cha'an mi' taje'. Woli ti ñuqui tijp'ejl tilel yic'ot i t'an música cha'an i tijicñʌyel. Jiñʌch cojach bʌ i yalobil. Ma'anic yambʌ xch'oc mi ch'iton.

Juezob 18:29

Jini cha'an tsi' yotsʌbeyob i c'aba' jini tejclum Dan, che' bajche' i c'aba' i ñojte'el, i yalobil Israel. I c'aba' jini lum ti ñaxan jiñʌch Lais.

Juezob 20:11

Che' jini tsi' tempayob i bʌ pejtelel jini israelob cha'an mi' majlelob ti guerra ti' contra jini tejclum Gabaa. Junsujm jach i pensarob jini winicob. Tsa' cajiyob ti majlel.

Juezob 20:18

Ti ora jach tsa' majliyob ti Betel jini israelob cha'an mi' c'ajtibeñob Dios: ¿Majqui ñaxan mi' majlel ti guerra ti' contra jini benjamiñob? che'ob. Lac Yum tsi' jac'beyob: Yom ñaxan mi' letselob jini ch'oyolo' bʌ ti Judá, che'en.

Juezob 20:2

Pejtelel jini ñuc taco' bʌ i ye'tel loq'uemo' bʌ ti jujunmojt israelob tsi' tempayob i bʌ ti' tojlel Dios. Ti pejtelelob añob jumbajc' mil winicob chajpʌbilo' bʌ cha'an guerra.

Juezob 20:26

Jini cha'an pejtelel jini israelob tsa' majliyob ti Betel. C'am tsi' cha'leyob uq'uel. Ya' tsa' buchleyob ti' tojlel lac Yum. Ma'anic chuqui tsi' c'uxuyob ti jini q'uin c'ʌlʌl ti ic'ajel. Tsi' yʌq'ueyob pulbil tac bʌ i majtan lac Yum yic'ot i majtan cha'an i ñʌch'tilel i pusic'al.

Juezob 20:8

Jini cha'an pejtelel jini winicob ti junsujm bʌ t'an tsi' yʌlʌyob: Ti jujuntiquilonla ma'anic mi caj lac bʌc' sujtel ti lac lumal cha'an mi lac majlel ti la cotot.

Juezob 21:5

Jini israelob tsi' yʌlʌyob: ¿Am ba juntiquil winic, i p'olbal Israel, mach bʌ anic tsajni ti' yotot lac Yum? che'ob. Come tsa'ix i cha'leyob trato. Tsi yʌlʌyob wersa mi' cajelob ti chʌmel pejtelel jini mach bʌ anic mi' letselob ba'an lac Yum ya' ti Mizpa.

1 Samuel 10:17

Samuel tsi' tempa tilel pejtelel israelob ti' tojlel lac Yum ya' ti Mizpa.

1 Samuel 3:20

Pejtelel israelob ya' ti Dan c'ʌlʌl ti Beerseba tsi' ña'tayob jiñʌch xuc'ul bʌ x'alt'an i cha'an lac Yum.