Juezob 2:10 - Chol: I T’an Dios

¹⁰ Tsa' chʌmiyob pejtelel jini winicob x'ixicob año' bʌ ti jini ora. Ti wi'il tsa' p'ojliyob yaño' bʌ mach bʌ cʌñʌlobic i cha'an lac Yum. Ma'anic tsi' cʌñʌyob i ye'tel lac Yum tsa' bʌ i mele ti' tojlel israelob.

Chol de Tumbalá Bible

¹⁰ Tsa' chʌmiyob pejtelel jini winicob x'ixicob año' bʌ ti jini ora. Ti wi'il tsa' p'ojliyob yaño' bʌ mach bʌ cʌñʌlobic i cha'an lac Yum. Ma'anic tsi' cʌñʌyob i ye'tel lac Yum tsa' bʌ i mele ti' tojlel israelob.

Juezob 2:10 Iomraidhean Croise

Genesis 15:15

Jixcu jatet, ti' ñʌch'tilel a pusic'al mi caj a majlel ba'an a ñojte'elob tsa' bʌ chʌmiyob. Mi caj a mujquel che' wen ñoxetix.

Genesis 25:17

Ismael tsi' taja wuclujump'ejl i wucc'al (137) i jabilel. Tsa' chʌmi. Tsa' pʌjyi ba'an i ñojte'elob tsa' bʌ chʌmiyob.

Genesis 25:8

Tsa' chʌmi. Wen ñoxix tsa' chʌmi Abraham. Cabʌlix i jabilel. Tsa' pʌjyi majlel Abraham ba'an i pi'ʌlob tsa' bʌ chʌmiyob.

Genesis 49:33

Jacob tsa' ujti i yʌq'ueñob mandar i yalobilob. Tsi' c'ʌcchoco i yoc ti' wʌyib. Tsa' chʌmi. Tsa' pʌjyi majlel ba'an i ñojte'elob.

2 Samuel 7:12

Che' ts'ʌctʌyemix a jabilel, che' ma' majlel a c'aj a wo ba'an a tatob, che' jini mi caj c tech juntiquil a walobil cha'an mi' mel jini e'tel ti a q'uexol. Muq'uix caj cʌq'uen i yumʌntel.

1 Cronicas 28:9

Jini cha'an, calobil Salomón, yom ma' wen cʌn Dios, i Dios a ñojte'el. Ch'ujutesan ti pejtelel a pusic'al yic'ot ti' tijicñʌyel a pusic'al. Come lac Yum mi' wen cʌmben i pusic'al winicob x'ixicob. Mi' cʌmbeñob i pensar. Che' ma' sajcan lac Yum, mi caj a taj. Pero mi tsa' cʌyʌ, mi caj i junyajlel cʌyet.

Job 21:14

Mach comic c ñop lojon a bijlel.

Exodo 1:6

Tsa' chʌmiyob José yic'ot i yerañob yic'ot pejtel i pi'ʌlob.

Exodo 1:8

Ti jim bʌ ora juntiquil rey tsa' ochi ti' ye'tel ti Egipto. Ma'anic tsi' cʌñʌ José. Tsa' caji' pejcan winicob x'ixicob:

Exodo 5:2

Faraón tsi' c'ajtibeyob: ¿Majqui la' Yum? ¿Chucoch mic lon ñopben i t'an cha'an mic chocob majlel? Mach cʌmbilic c cha'an la' Yum. Ma'anic mi caj c choc majlel jini israelob, che'en.

Isaias 5:12

Mi la' cha'len q'uiñijel yic'ot lembal, yic'ot música, guitarra, lajte', yic'ot amʌy. Pero ma'anic mi la' p'is ti wenta i t'an lac Yum.

Jeremias 22:16

A tat tsi' colta jini mach bʌ anic i chubʌ'an. Tsi' colta jini woli bʌ ti wocol. Jini cha'an uts'at tsi' taja i coltʌntel ti Dios. Jini mach bʌ che'ic mi' mel ma'anic mi' cʌñon. Mach j cʌñʌyic ja'el, che'en lac Yum.

Jeremias 31:34

Ma'anix mi caj i chʌn cha'leñob cʌntesa cha'an mi' yʌc'oñob ti cʌjñel, come cʌmbilonix i cha'an pejtelelob, jini ñuco' bʌ yic'ot jini ch'o'ch'oco' bʌ, che'en lac Yum, come joñon mi caj c ñusʌbeñob i mul. Ma'anic mi caj c chʌn ña'tʌbeñob i mul.

Jeremias 9:2

Uts'at anic c cha'an otot cha'an mic majlel ti chumtʌl ya' ti tiquin bʌ lum. Comix j cʌy c pi'ʌlob come laj sojquemob ti' ts'i'lel. Laj yujilob lotiya.

Jeremias 9:3

Ñʌmʌlob ti lot. Lajal yujil jec'ol i t'an che' bajche' i te'el jalʌjb. Mi' yutsi p'ojlel i jontolil. Jini cha'an mach i cʌñʌyoñobic, che'en lac Yum.

Jeremias 9:5

Ti jujuntiquilob mi' lotiñob i pi'ʌlob. Ma'anic majqui mi' sub chuqui isujm. Tsi' ñʌmtesayob i bʌ ti lot. Mi' socbeñob i sujmlel. Mi' chʌn cha'leñob lot yic'ot jontolil jinto che' lujbobix.

Numeros 27:13

Tsi' sube: Che' bʌ ujtemix a q'uel, mi caj a pʌjyel majlel ba'an a ñojte'elob che' bajche' tsa' pʌjyi majlel Aarón a wʌscun.

Lucas 20:32

Ti wi'il tsa' chʌmi jini x'ixic ja'el.

Hechos 13:36

Che' bʌ tsa' ujti i coltan i pi'ʌlob che' bajche' yom Dios, melel tsa' chʌmi David. Tsa' mujqui ba' mucul i ñojte'el. Tsa' oc'mi.

Deuteronomio 31:16

Lac Yum tsi' sube Moisés: Mi caj a majlel ba'an a ñojte'elob. Mi caj a chʌmel. Jixcu ili winicob x'ixicob, che' mi' c'otelob ti chumtʌl ya' ba'an yaño' bʌ tejclumob, mi caj i tsajcʌbeñob i dioste' tac. Mi caj i cʌyoñob. Mi caj i ñusʌbeñoñob jini xuc'ul bʌ t'an tsa' bʌ c mele quic'otob.

2 Tesalonicenses 1:8

Mi caj i tilel yic'ot c'ajc cha'an mi' q'uextʌbeñob i jontolil jini mach bʌ anic mi' cʌñob Dios yic'ot jini mach bʌ anic mi' ch'ujbibeñob i wen t'an lac Yum Jesucristo.

Tito 1:16

Mi' lon alob añob ti Dios, pero leco i melbal. Sojquemob. Xñusa t'añob. Ma'añobix i c'ʌjñibal cha'an i melol chuqui uts'at.

Josue 24:31

Jini israelob tsi' meleyob chuqui yom lac Yum che' cuxul to Josué yic'ot che' cuxul to jini año' bʌ i ye'tel cʌmbilo' bʌ i cha'an pejtelel tsa' bʌ i cha'le lac Yum ti' tojlel israelob.

1 Samuel 2:12

Jontolob i yalobilob Elí. Ma'anic tsi' p'isiyob ti wenta lac Yum mi i ye'telic motomaj. Ma'anic tsi' meleyob che' bajche' yom Dios. Come i tilel ti Israel ba' ora mi' tilelob winicob x'ixicob cha'an mi' tsʌnsʌbeñob i majtan lac Yum, che' woli to ti tic'an jini we'elʌl, jini motomaj mi' suben jini x'e'tel i cha'an, cha'an mi' yotsan ya' ti perol jini junts'ijt e'tʌjibʌl am bʌ uxts'ijt i ni' cha'an mi' loc'san jini we'elʌl.