Juezob 19:1 - Chol: I T’an Dios

¹ Ti jim bʌ ora maxto anic rey ti' tojlel israelob. Ya' chumul juntiquil leví ñajt bʌ ch'oyol. Tsa' tili ti chumtʌl ti' lumal Efraín ba' puru wits. Tsi' pʌyʌ i yixic loq'uem bʌ ti Belén ti Judá.

Chol de Tumbalá Bible

¹ Ti jim bʌ ora maxto anic rey ti' tojlel israelob. Ya' chumul juntiquil leví ñajt bʌ ch'oyol. Tsa' tili ti chumtʌl ti' lumal Efraín ba' puru wits. Tsi' pʌyʌ i yixic loq'uem bʌ ti Belén ti Judá.

Juezob 19:1 Iomraidhean Croise

Genesis 22:24

I c'aba' i majan ijñam Nacor jiñʌch Reúma. Tsi' yʌc'ʌ ti pañimil winicob ja'el: Teba yic'ot Gaham yic'ot Tahas yic'ot Maaca.

Genesis 25:6

Abraham tsi' yʌq'ueyob i majtan tac jini ch'iton bʌ i yalobilob i majan ijñamob. Che' cuxul to Abraham tsi' chocoyob loq'uel ti' tojlel Isaac, ti lum ya' ti' tojel i pasibal q'uin.

Genesis 35:19

Tsa' chʌmi Raquel. Tsa' mujqui ya' ti' bijlel Efrata, ya' ti Belén.

2 Samuel 16:22

Tsa' caji i wa'chocobeñob pisil bʌ i yotot Absalón ya' ti q'uiyil bʌ i jol i yotot i tat. Absalón tsa' caji ti ajñel yic'ot i yixicob i tat ti' wutob pejtelel israelob.

2 Samuel 19:5

Joab tsa' majli ba'an jini rey. Tsi' sube: Wʌle tsa'ix a quisintesayob pejtelel a winicob tsa' bʌ i coltayetob yic'ot a walobilob, jini xch'oc tac bʌ a walobilob, yic'ot ja'el winicob, yic'ot a wijñamob, yic'ot a wixicob, che'en.

2 Samuel 20:3

Che' bʌ tsa' c'oti David ti Jerusalén, tsi' pʌyʌ tilel jini lujuntiquil i yixicob tsa' bʌ i cʌyʌyob ti cʌn otot. Tsi' yʌc'ʌyob ti cʌntʌntel. Tsi' yʌq'ueyob chuqui tac yom, pero ma'anix tsi' chʌn pi'leyob. Che' jax joy ñup'ulob ti pejtelel q'uin tsa' ajniyob che' bajche' xmeba'ob jinto tsa' chʌmiyob.

2 Samuel 3:7

An juntiquil x'ixic i c'aba' Rizpa (i yalobil Aja). Jiñʌch i yixic Saúl. Isboset tsi' sube Abner: ¿Chucoch tsa' c'oti a pejcan i yixic c tat? che'en.

2 Samuel 5:13

Che' bʌ tsa' loq'ui David ti Hebrón cha'an mi' chumtʌl ti Jerusalén, tsa' to i cha' pʌyʌ yan tac bʌ i yijñam David. Tsi' yila pañimil ch'iton bʌ yic'ot xch'oc bʌ i yalobilob.

1 Reyob 11:3

An jo'lujunc'al i cha'bajc' (700) i yijñam Salomón ti pejtelelob. Che' ja'el an jo'lujunc'al (300) i majan ijñam. I yijñamob Salomón tsa' caji i socbeñob i pusic'al cha'an mi' cʌy lac Yum.

1 Reyob 4:8

Jini lajchʌntiquilob jiñobʌch i c'aba': I yalobil Hur, an i ye'tel ti' tojlel jini año' bʌ ti wits Efraín. I yalobil Decar, ti' tojlel jini año' bʌ ti Macaz, yic'ot ti Saalbim, yic'ot ti Betsemes, yic'ot ti Elón, yic'ot ti Bethanán. I yalobil Hesed, ti' tojlel jini año' bʌ ti Arubot, yic'ot ti Soco, yic'ot ti' pejtelel i lumal Hefer. I yalobil Abinadab (tsa' bʌ i cha'le ñujpuñel yic'ot Tafat i yalobil Salomón), ti' tojlel jini año' bʌ ti' lumal Dor. Baana (i yalobil Ahilud), ti' tojlel jini año' bʌ ti Taanac, yic'ot Meguido, yic'ot pejtel Betseán lʌc'ʌl bʌ ti Saretán, am bʌ ti' yentʌlal Jezreel, yic'ot pejtel i lumal Betseán c'ʌlʌl ti Abelmehola c'ʌlʌl ti Jocmeam. I yalobil Geber, ti' tojlel jini año' bʌ ti Ramot am bʌ ti Galaad, yic'ot i tejclum tac Jair (i yalobil Manasés) ya' ti Galaad, yic'ot i lumal Argob am bʌ ti Basán. An uxc'al tejclum joy ts'ajquibil bʌ, an tac bʌ colem bʌ tranca melbil bʌ ti bronce. Ahinadab (i yalobil Iddo) an i ye'tel ti' tojlel jini año' bʌ ti Mahanaim. Ahimaas, tsa' bʌ i cha'le ñujpuñijel yic'ot Basemat (i yalobil Salomón) an i ye'tel ti' tojlel jini año' bʌ ti Neftalí. Baana (i yalobil Husai), ti' tojlel jini año' bʌ ti Aser yic'ot ti Alot. Josafat (i yalobil Parúa), ti' tojlel jini año' bʌ ti Isacar. Simei (i yalobil Ela), ti' tojlel jini año' bʌ ti Benjamín. Geber (i yalobil Uri), ti' tojlel jini año' bʌ ti' lumal Galaad, yic'ot i lumal Sehón, i rey amorreojob, yic'ot i lumal Og, i rey Basán. Ili lajchʌntiquilob añob ti' wenta yambʌ yumʌl.

2 Cronicas 11:21

Roboam ñumen tsi' c'uxbi Maaca bajche' yaño' bʌ i yijñam. Tsi' pʌyʌ waxʌclujuntiquil (18) i yijñam yic'ot uxc'al i yixicob. Tsi' yʌc'ʌyob ti pañimil waxʌctiquil i cha'c'al (28) ch'itoñob yic'ot uxc'al xch'ocob.

Ester 2:14

Che' ti ic'ajel tsa' majli juntiquil ti' yotot jini rey Asuero. Che' ti sʌc'ajel tsa' sujti ti' jini cha'p'ejlel bʌ i yotot x'ixicob am bʌ ti' wenta jini eunuco i c'aba' Saasgaz tsa' bʌ i cʌntʌbe i yixicob rey. Ma'anix tsa' chʌn ochi ba'an rey mi mach pʌybilic ti' c'aba'. Jini jach tsi' c'ajti tilel jini tsa' bʌ i mula. I tilel che'ʌch tsi' meleyob.

Malaquias 2:15

Lac Yum tsi' yotsayetla ti juntiquil jach yic'ot la' wijñam. Cha'an ti' ña'tʌbal Dios tsa' ochiyetla ti juntiquil jach ti' wut Dios che' bʌ tsa' la' cha'le ñujpuñijel. ¿Chuqui yom Dios? Yom alʌlob ti la' tojlel mu' bʌ caj i ch'ujutesañob. Jini cha'an cʌntan la' bʌ. Xuc'ul yom mi la' wajñel la' wic'ot la' wijñam tsa' bʌ la' pʌyʌ che' ch'itoñet to la.

Mateo 2:6

“Jixcu jatetla añet bʌ la ti Belén ya' ti' lumal Judá, mach yoque ch'o'ch'o'queticla ti' tojlel i yumob Judá. Come ti la' tojlel mi' caj ti loq'uel juntiquil yumʌl mu' bʌ caj i cʌntan israelob c cha'año' bʌ”.

Josue 24:30

Tsi' mucuyob ti' lum Josué ya' ti Timnatsera, am bʌ ti wits i c'aba' Efraín, ya' ti norte. Jini wits i c'aba' Gaas an ti sur.

Josue 24:33

Tsa' chʌmi Eleazar i yalobil Aarón. Tsi' mucuyob ya' ti jini bujtʌl tsa' bʌ aq'uenti Finees i yalobil Eleazar ya' ti wits i cha'an Efraín.

Juezob 12:8

Che' chʌmenix Jefté, tsa' caji i mel i ye'tel ti juez jini Ibzán ti' tojlel israelob ti Belén.

Juezob 17:1

Micaía jiñʌch winic ch'oyol bʌ ti' lumal Efraín ya' ba' puru wits.

Juezob 17:6

Ti jim bʌ ora ñoj ma'anic rey ti' tojlel israelob. Jini israelob tsi' meleyob che' bajche' tsi' bajñel ña'tayob ti' pusic'al ti jujuntiquil.

Juezob 17:7

Ti jim bʌ ora ya' chumul juntiquil ch'iton winic loq'uem bʌ ti Judá. Jiñʌch leví.

Juezob 17:8

Jini winic tsa' loq'ui ti Belén am bʌ ti Judá cha'an mi' majlel ti chumtʌl baqui mi' taj e'tel. Che' bʌ tsa' c'oti ti' lumal Efraín ba' puru wits, tsa' c'oti ti' yotot Micaía.

Juezob 18:1

Ti jim bʌ ora ma'anic rey ti' tojlel israelob. Jini i p'olbal Dan woli' sʌclañob lum baqui mi' chumtʌlob, come maxto tajbilic i cha'an lum, come ma'anic tsa' aq'uentiyob che' bʌ tsi' tajayob lum jini israelob.

Juezob 18:13

Che' jini tsa' ñumiyob majlel ya' ti wits i c'aba' Efraín. Tsa' c'otiyob c'ʌlʌl ti' yotot Micaía.

Juezob 19:16

Awilan ti jim bʌ ora woli' sujtel ti' ye'tel juntiquil ñoxix bʌ winic am bʌ i lumal ya' ti' lumal Efraín ba puru wits. Ya' chumul ti Gabaa, pero mach mero i lumalic. Jini ya' bʌ chumulob ti Gabaa jiñʌch i p'olbal Benjamín.

Juezob 19:2

Pero i yixic tsa' caji ti mich'. Tsa' cha' sujti ti' yotot i tat ya' ti Belén ti Judá. Chʌmp'ejl uw tsa' ajni yic'ot.

Juezob 3:27

Che' bʌ tsa' c'oti ya' ti' wits i c'aba' Efraín, tsa' caji i wus jini xulub. Pejtelel israelob tsa' jubiyob tilel ti wits tac yic'ot Aod. Tsi' yʌc'ʌ i bʌ ti yumʌntel.