Juezob 17:5 - Chol: I T’an Dios

⁵ An i cha'an Micaía i yotlel dioste' ba' mi' cha'len ch'ujutesaya. Tsi' mele ja'el jini efod cha'an mi' pejcan dioste'. Tsi' mele dioste' tac. Tsi' wa'choco juntiquil i yalobil cha'an mi' junyajlel mel i ye'tel ti motomaj.

Chol de Tumbalá Bible

⁵ An i cha'an Micaía i yotlel dioste' ba' mi' cha'len ch'ujutesaya. Tsi' mele ja'el jini efod cha'an mi' pejcan dioste'. Tsi' mele dioste' tac. Tsi' wa'choco juntiquil i yalobil cha'an mi' junyajlel mel i ye'tel ti motomaj.

Juezob 17:5 Iomraidhean Croise

Genesis 31:19

Labán tsa' majli i tsepben i tsutsel i tiñʌme'. Raquel tsi' xujch'ibe majlel jini dioste' tac i cha'an i tat.

Genesis 31:30

Cujil woliyet ti puts'el, come wersa a wom sujtel ti' yotot a tat. Wʌle subeñon, ¿chucoch tsa' xujch'ibeyon c dioste' tac? che'en Labán.

1 Reyob 12:31

Jeroboam tsi' mele ja'el i yotlel diosob ya' ti bujbujtʌl. Tsi' wa'choco motomajob mach bʌ levíjobic.

1 Reyob 12:32

Che' ti' tejchibal noviembre Jeroboam tsi' mele ñuc bʌ q'uin cha'an Tabernáculo, lajal bajche' mi' melob ya' ti Jerusalén. Tsa' majli ti Betel ba' lotol i yejtal alʌ tat wacax cha'an mi' yʌq'uen i majtan i dios tac ya' ti pulʌntib. Che' ja'el tsi' wa'choco motomajob cha'an mi' melob i ye'tel ya' ti bujbujtʌl am bʌ ti Betel.

Esdras 1:7

Jini rey Ciro tsi' cha' ac'ʌyob ti' wenta israelob jini taza tac melbil bʌ ti oro tsa' bʌ i loc'sa Nabucodonosor ti' yotot lac Yum am bʌ ti Jerusalén, lotol bʌ ti' yotlel i dios tac ya' ti Babilonia.

Exodo 24:5

Tsi' choco majlel ch'iton winicob cha'an mi' pulbeñob i majtan Dios. Tsi' tsʌnsʌbeyob alʌ tat wacax cha'an mi' yʌq'ueñob Dios wocolix i yʌlʌ.

Exodo 28:15

Che' ja'el yom mi la' mel jump'ejl i pislel i tajn. Cha'añʌch mi' ña'tañob jini israelob che' mi' q'uelob cha'an Dios mi' c'ʌn jini motomajob cha'an mi' pʌs chuqui uts'at mi' q'uel Dios. Yom mi' c'ʌjñel puy melbil bʌ ti oro, yic'ot chʌccojan bʌ, yic'ot chʌchʌc bʌ, yic'ot wen jalbil bʌ lino che' bajche' tsa' c'ʌjni ti efod.

Exodo 28:4

Jini bujcʌl tac yom bʌ mi' melob jin tacʌch iliyi: I pislel i tajn, yic'ot i bujc i c'aba' efod yic'ot pʌl bʌ i bujc, yic'ot i cha'lajmlel i bujc, yic'ot i pislel i jol, yic'ot i cajchil. Mi caj i melbeñob a wʌscun Aarón yic'ot i yalobilob i pislelob yom bʌ mi' xojob che' mi' melbeñoñob que'tel ti motomaj.

Exodo 29:9

Aq'ueñob i cajchiñʌc' ja'el. Aq'ueñob i yalʌ pixolob ya' ti' jolob ti jujuntiquil. Che' jini mi caj i yochelob ti motomaj ti pejtelel ora. Che'ʌch yom ma' wa'chocoñob ti motomaj jini Aarón yic'ot i yalobolob.

Isaias 44:13

Jini xjuc' te' mi' c'ʌtchocon regla. Mi' ñusan lápiz ya' ba' yom p'elol. Che' jini mi' juc' ti cepillo. Mi' p'is cha'an mi' melben i yejtal winic. Wen i t'ojol bʌ ti q'uelol, pero ma'anic mi' ñijcan i bʌ.

Ezequiel 21:21

Come poj jumuc' mi caj i wa'tʌl ti xʌc' bij jini rey ti Babilonia. Ma'anic mi' ña'tan mi yom majlel i contrajin Jerusalén o mi yom majlel i contrajin Rabá. Mi caj i pʌy tilel jini yujil bʌ wujt cha'an mi' cha'len yajcaya ti alas. Mi caj i tsʌnsʌben i majtan dioste' tac cha'an mi' q'uelben i yolmal.

Ezequiel 21:26

Lac Yum Dios woli' yʌl: Loc'san a corona. Woli' laj q'uextʌyel come jini pec' bʌ mi caj i chañ'esʌntel. Jini chan bʌ mi caj i peq'uesʌntel.

Oseas 3:4

Jiñʌch i sujmlel iliyi: Cabʌl ora ma'anic i rey jini israelob. Ma'anic i yumob. Che' jach añob. Ma'anic mi caj i pulbeñon cotol bʌ c majtan. Ma'anic motomaj. Ma'anic majqui mi' cʌntesañob tic bijlel. Ma'anic i dioste' ja'el.

Oseas 8:14

Tsa' ñajʌyiyon ti' pusic'al israelob. Tsi' meleyob colem otot. Judá ja'el tsi' mele cabʌl tejclum tac joyol bʌ ti ts'ajc ba' mi' lon ñopob i coltañob i bʌ. Pero ma'anix mi' chʌn ña'tañon jini israelob yic'ot judíojob. Mi caj c laj jisañob ti c'ajc. Che' tsi' yʌlʌ lac Yum.

Numeros 3:10

Jini jach an ti' wenta Aarón yic'ot i yalobilob cha'an mi' cha'leñob motomajiyel. Mi tsa' ochi joch winic ti' ye'tel motomaj mi' tsʌnsʌntel.

Hebreos 5:4

Ma'anic majch mi' bajñel ch'ʌm jini ñuc bʌ e'tel, cojach jini mu' bʌ i pʌjyel ti Dios che' bajche' tsa' pʌjyi Aarón.

Juezob 17:4

Che' bʌ tsi' cha' sutq'uibe i taq'uin, i ña' tsi' ch'ʌmʌ majlel lujunc'al sʌsʌc taq'uin ba'an jini xmel dioste'. Tsi' melbe jini dioste' cha'an mi' yʌjq'uel ti' yotot Micaía.

Juezob 18:14

Jini jo'tiquil winicob tsajni bʌ i cʌñob jini lum ya' ti Lais tsi' subeyob i pi'ʌlob: Ti ili otot an efod, yic'ot dios tac. Jini cha'an ña'tanla chuqui yom mi la' mel, che'ob.

Juezob 18:24

Micaía tsi' jac'beyob: Tsa'ix la' xujch'i majlel c dioste' yic'ot c motomaj. Wʌle wolix la' majlel. ¿Chuqui to mi' cʌytʌl c cha'an? ¿Chucoch mi la' wʌl: “¿Chuqui a wom?” che'etla. Che' tsi' yʌlʌ Micaía.

Juezob 18:30

Jini dañob tsi' wa'chocoyob jini dioste'. Jonatán i yalobil Gerson i yalobil bʌ Moisés yic'ot cha'tiquil i yalobilob Jonatán tsa' ochiyob ti motomaj i cha'an jini dañob. Ya' añob c'ʌlʌl tsa' wersa cʌjchiyob majlel ti ñajtʌl jini israelob.

Juezob 8:27

Gedeón tsa' caji i mel jump'ejl efod yic'ot jini oro cha'an mi' choc majlel ti cʌntʌntel ya' ti Ofra. Pejtelel jini israelob tsa' caji i ch'ujutesañob jini efod c'ʌlʌl jinto tsa' sojqui ja'el Gedeón temel yic'ot i yalobilob.

1 Samuel 19:13

Mical tsi' ch'ʌmʌ i yejtal winic lajal bʌ i chanlel bajche' winic. Tsi' ñolchoco ya' ti' wʌyib. Tsi' yʌq'ue i c'ʌnjol melbil bʌ ti' tsutsel chivo. Tsi' moso ti pisil.

1 Samuel 23:6

Abiatar i yalobil Ahimelec tsa' puts'i tilel ba'an David ti Keila. Tsi' ch'ʌmʌ tilel jini bujcʌl cha'an motomaj.