Juezob 17:2 - Chol: I T’an Dios

² Jump'ejl q'uin tsi' sube i ña': Tsa cubi che' bʌ tsa' p'aja jini winic tsa' bʌ i xujch'ibeyet jo'lujunc'al i yuxbajc' (1,100) sʌsʌc taq'uin. Awilan jini taq'uin anix tij c'ʌb. Joñon tsac ch'ʌmʌ, che'en. Jini cha'an i ña' tsi' yʌlʌ: Calobil, la' i yʌq'ueñet i yutslel i t'an lac Yum, che'en.

Chol de Tumbalá Bible

² Jump'ejl q'uin tsi' sube i ña': Tsa cubi che' bʌ tsa' p'aja jini winic tsa' bʌ i xujch'ibeyet jo'lujunc'al i yuxbajc' (1,100) sʌsʌc taq'uin. Awilan jini taq'uin anix tij c'ʌb. Joñon tsac ch'ʌmʌ, che'en. Jini cha'an i ña' tsi' yʌlʌ: Calobil, la' i yʌq'ueñet i yutslel i t'an lac Yum, che'en.

Juezob 17:2 Iomraidhean Croise

Genesis 14:19

Melquisedec tsi' yʌq'ue i yutslel i t'an Abram. Tsi' yʌlʌ: La' aq'uentic Abram i yutslel i t'an jini C'ax Ñuc bʌ Dios, tsa' bʌ i mele panchan yic'ot pañimil.

Nehemias 13:25

Tsa cʌ'leyob. Tsac subeyob chocbilobix ti Dios cha'an i mul. Tsac bajbeyob lamital winicob. Tsac bocbeyob i tsutsel i jol. Wersa tsi' yʌc'ʌyob i t'an ti' c'aba' Dios cha'an mi' cʌyob i mel bajche' jini. Tsac subeyob: Mach la' sijibeñob jini xch'oc bʌ la' walobilob jini winicob mach bʌ israelobic. Mach la' c'ajtin xch'oc bʌ i yalobilob cha'an i yijñam la' walobilob. Mach la' c'ajtiñob ja'el cha'an la' wijñam.

Salmos 10:3

Jini jontol bʌ mi' chañ'esan i bʌ che' an chuqui yom ti' pusic'al. Jini xujch' mi' cha'len p'ajoñel, mi' ts'a'len Dios.

Exodo 20:7

Mach a lon tajben i c'aba' a Yum a Dios, come a Yum ma'anic mi caj i ñusʌben i mul jini mu' bʌ i lon tajben i c'aba'.

Proverbios 28:24

Jini mu' bʌ i yʌl mach mulilic che' mi' xujch'iben i chubʌ'an i tat i ña', i pi'ʌlʌch jini mu' bʌ i cʌlʌx jisan i chubʌ'an.

Jeremias 48:10

Obol i bʌ jini am bʌ i ts'u'lel ti' ye'tel lac Yum. Obol i bʌ mu' bʌ i bajñel cʌntan i yespada ti' yotot che' pʌybilix cha'an mi' melben i ye'tel lac Yum.

Mateo 26:74

Pedro tsa' caji i bajñel ch'ʌc i bʌ. Tsi' wersa wa'choco i t'an. Tsi' yʌlʌ: Mach j cʌñʌyic jini winic, che'en. Ti ora tsi' cha'le uq'uel tat mut.

Romanos 9:3

Uts'at muq'uic c chojquel ti tojmulil cha'an mij coltan c pi'ʌlob, come c'ux mi cubiñob, come c pi'ʌl lojon c bʌ, junlajal c ñojte'el lojon.

1 Corintios 16:22

Jini mach bʌ anic mi' c'uxbin lac Yum Jesucristo la' chojquic ti Dios. Tal lac Yum.

Deuteronomio 27:16

“La' aq'uentic wocol jini mach bʌ anic mi' p'is ti wenta i tat i ña'”. Pejtelel jini año' bʌ ti tejclum mi caj i yʌlob: “Amén”, che'ob.

2 Juan 1:11

Come jini mu' bʌ i yʌq'uen cortesía, i pi'ʌlʌch ti jontol bʌ i melbal.

Juezob 17:1

Micaía jiñʌch winic ch'oyol bʌ ti' lumal Efraín ya' ba' puru wits.

Juezob 17:3

Tsi' cha' sutq'uibe jini jo'lujunc'al i yuxbajc' (1,100) sʌsʌc taq'uin. I ña' tsi' yʌlʌ: Mux caj cʌq'uen ili taq'uin lac Yum cha'an mi' yotsan ti' wenta calobil. Mi caj cʌc' ti' melol dioste' melbil bʌ ti sʌsʌc taq'uin, che'en.

Juezob 5:23

“Chocbil ti' wut Dios jini tejclum Meroz”, che'en i yAngel lac Yum. Chocbilix ja'el i pi'ʌlob ti chumtʌl, Come ma'anic tsa' tili i coltañob lac Yum Ti' contra jini p'ʌtʌlo' bʌ.

xRut 3:10

Booz tsi' sube: La' i pʌsbeñet i yutslel lac Yum. Wʌle ñumen wola' pʌsben Noemí i yutslel a pusic'al che' bajche' ti ñaxan, come ma'anic tsa' majliyet ba'an ch'iton bʌ winicob mi wen chumulob o mi ma'anic i chubʌ'an.

1 Samuel 14:24

Pero pejtelel jini israelob tsi' yubiyob wocol ti jini q'uin, come Saúl tsi' wʌn subeyob: Majqui jach mi' c'ux i bʌl i ñʌc' che' anto q'uin, che' maxto anic tsa' mʌjli lac cha'an ti guerra, mux i chojquel ti Dios jini winic, che'en. Jini cha'an ma'anic chuqui tsi' wis c'uxuyob ti jini q'uin.

1 Samuel 14:28

Che' jini tsa' tili winic i suben: Tsi' yʌlʌ a tat ti' tojlel pejtelel israelob cha'an muc' abi i chojquel ti Dios majqui jach mi' c'ux i bʌl i ñʌc', che'en. Jini cha'an c'uñobix i pusic'al. Yomobix chʌmel ti wi'ñal.

1 Samuel 15:13

Samuel tsa' majli ba'an Saúl. Saúl tsi' yʌlʌ: La' i yʌq'ueñet lac Yum i yutslel i t'an. Joñon tsa'ix c jac'be i mandar lac Yum, che'en.

1 Samuel 23:21

Saúl tsi' yʌlʌ: La' i yʌq'ueñetla i tijicñʌyel la' pusic'al lac Yum come tsa'ix la' p'untayon.

1 Samuel 26:19

Jini cha'an mij c'ajtibeñet ti wocol t'an, ñich'tʌbeñon. Mi jiñʌch lac Yum tsa' bʌ i chocoyet tilel tij contra, la' i ch'ʌm i majtan tic tojlel. Pero mi jiñobʌch winicob tsa' bʌ i chocoyet tilel cha'an ma' tsʌnsañon, la' chojquicob loq'uel cha'an lac Yum. Come woli' chocoñob loq'uel tic lum yic'ot ti' tojlel c pi'ʌlob i cha'año' bʌ lac Yum. Woli' xic'oñob cha'an mic majlel c ch'ujutesan yan tac bʌ dios.