Juezob 17:10 - Chol: I T’an Dios

¹⁰ Micaía tsi' sube: Cʌlenix ilayi ti cotot. Mi caj j q'uelet che' bajche' c tat. Mi caj a melbeñon e'tel ti motomaj. Lujump'ejl sʌsʌc taq'uin mi caj cʌq'ueñet ti jujump'ejl jab yic'ot a pislel, yic'ot chuqui ma' c'ux, che'en.

Chol de Tumbalá Bible

¹⁰ Micaía tsi' sube: Cʌlenix ilayi ti cotot. Mi caj j q'uelet che' bajche' c tat. Mi caj a melbeñon e'tel ti motomaj. Lujump'ejl sʌsʌc taq'uin mi caj cʌq'ueñet ti jujump'ejl jab yic'ot a pislel, yic'ot chuqui ma' c'ux, che'en.

Juezob 17:10 Iomraidhean Croise

Genesis 45:8

Jini cha'an mach jateticla tsa' bʌ la chocoyon tilel. Dios tsi' chocoyon tilel. Dios tsi' yotsayon ti' tat Faraón yilal. I yumon pejtelel am bʌ ti' yotot Faraón, i yumon pejtel egiptojob.

2 Reyob 13:14

Ti jim bʌ ora tsa' c'am'a jini x'alt'an Eliseo. Lʌc'ʌlix i yorajlel cha'an mi' chʌmel. Tsa' c'oti Joás i rey Israel ba'an Eliseo. Tsa' caji ti uq'uel. Tsi' yʌlʌ: C tat, c tat, i p'ʌtʌlelet Israel, che'en.

2 Reyob 2:12

Che' bʌ tsi' can q'uele Eliseo, c'am tsi' cha'le t'an: C tat, c tat. Awilan i carreta Israel yic'ot xñijca carretajob, che'en. Tsa' sʌc jili. Ma'anix tsi' chʌn q'uele. Tsi' ch'ʌmʌ i bʌjq'uil. Tsi' jet' tsili ti ojlil.

2 Reyob 6:21

Jini rey ti Israel tsi' c'ajtibe Eliseo: ¿Yom ba mic tsʌnsañob? che'en.

Job 29:16

I wentajon i tat jini pobre. Tsaj colta ja'el jini mach bʌ j cʌñʌyobic che' bʌ tsi' meleyob i bʌ.

Isaias 22:21

Jini mi caj i xoj a pislel mu' bʌ cʌq'uen. Mi caj i cʌch i bʌ ti a cajchiñʌc'. Mi caj cʌq'uen ti' wenta a we'tel cha'an mi' yochel ti' tat jini chumulo' bʌ ti Jerusalén yic'ot ti Judá.

Ezequiel 13:19

Mi la' p'ajon ti' tojlel c tejclumob cha'an mi la' wʌq'uentel junmujch' cebada yic'ot ts'ita' waj. Che' jini mi la' wʌc' ti chʌmel jini mach bʌ añobic i mul. Mi la' lon coltan jini año' bʌ i mul ame chʌmicob. Mi la' subeñob lot pejtel mu' bʌ i ñich'tañob.

Mateo 26:15

Tsi' subeyob: ¿Chuqui mi caj la' wʌq'ueñon cha'an mi cʌc' Jesús ti la' c'ʌb? che'en. Tsi' tojoyob lujump'ejl i cha'c'al sʌsʌc taq'uin.

Juan 12:6

Che' tsi' yʌlʌ Judas. Pero ma'anic tsi' p'unta jini mach bʌ añobic i chubʌ'an. Che' jach tsi' yʌlʌ come xujch'. Cʌntʌbil i cha'an jini bolsa ba' tsi' yotsayob taq'uin. Tsi' bajñel c'ʌñʌ lamital.

1 Timoteo 6:10

Come i mulʌntel taq'uin mi' tech pejtelel jontolil. Jini mu'o' bʌ i mulan cabʌl taq'uin tsa'ix i cʌyʌyob i ñop lac Yum. Tsi' yotsayob i bʌ ti cabʌl wocol.

1 Pedro 5:2

Cʌntanla i tiñʌme' Dios año' bʌ ti la' wenta. Mach cha'anic xic'bebiletla, pero ti pejtelel la' pusic'al che' bajche' yom Dios. Mach cha'anic ganar, pero cha'an che' yom la' pusic'al.

Juezob 17:11

Uts'atʌch tsi' yubi jini leví. Tsa' caji ti ñoj chumtʌl yic'ot Micaía. Tsa' ajni che' bajche' mero i tat jini ch'iton winic.

Juezob 17:9

Micaía tsi' sube: ¿Baqui ch'oyolet? che'en. Jini leví tsi' jac'be: Ch'oyolon ti Belén ti Judá. Wolic sʌclan baqui mi cajñel, che'en.

Juezob 18:4

Jini winic tsi' jac'beyob: Micaía tsi' yʌq'ueyon pejtel iliyi. Motomajon. Tsa'ix i wa'chocoyon cha'an que'tel ti motomaj, che'en.

1 Samuel 2:36

Jini mu' to bʌ i cʌytʌl ti a wotot mi caj i tilel i ñocchocon i bʌ ti' tojlel jini motomaj yajcʌbil bʌ c cha'an. Mi caj i c'ajtiben taq'uin yic'ot waj. Mi caj i pejcan ti wocol t'an cha'an mi' yʌq'uen i ye'tel cha'an mi' taj ts'ita' i bʌl i ñʌc'”. Che' tsi' yʌlʌ lac Yum, che'en jini i winic Dios.