Juezob 17:1 - Chol: I T’an Dios

¹ Micaía jiñʌch winic ch'oyol bʌ ti' lumal Efraín ya' ba' puru wits.

Chol de Tumbalá Bible

¹ Micaía jiñʌch winic ch'oyol bʌ ti' lumal Efraín ya' ba' puru wits.

Juezob 17:1 Iomraidhean Croise

1 Reyob 4:8

Jini lajchʌntiquilob jiñobʌch i c'aba': I yalobil Hur, an i ye'tel ti' tojlel jini año' bʌ ti wits Efraín. I yalobil Decar, ti' tojlel jini año' bʌ ti Macaz, yic'ot ti Saalbim, yic'ot ti Betsemes, yic'ot ti Elón, yic'ot ti Bethanán. I yalobil Hesed, ti' tojlel jini año' bʌ ti Arubot, yic'ot ti Soco, yic'ot ti' pejtelel i lumal Hefer. I yalobil Abinadab (tsa' bʌ i cha'le ñujpuñel yic'ot Tafat i yalobil Salomón), ti' tojlel jini año' bʌ ti' lumal Dor. Baana (i yalobil Ahilud), ti' tojlel jini año' bʌ ti Taanac, yic'ot Meguido, yic'ot pejtel Betseán lʌc'ʌl bʌ ti Saretán, am bʌ ti' yentʌlal Jezreel, yic'ot pejtel i lumal Betseán c'ʌlʌl ti Abelmehola c'ʌlʌl ti Jocmeam. I yalobil Geber, ti' tojlel jini año' bʌ ti Ramot am bʌ ti Galaad, yic'ot i tejclum tac Jair (i yalobil Manasés) ya' ti Galaad, yic'ot i lumal Argob am bʌ ti Basán. An uxc'al tejclum joy ts'ajquibil bʌ, an tac bʌ colem bʌ tranca melbil bʌ ti bronce. Ahinadab (i yalobil Iddo) an i ye'tel ti' tojlel jini año' bʌ ti Mahanaim. Ahimaas, tsa' bʌ i cha'le ñujpuñijel yic'ot Basemat (i yalobil Salomón) an i ye'tel ti' tojlel jini año' bʌ ti Neftalí. Baana (i yalobil Husai), ti' tojlel jini año' bʌ ti Aser yic'ot ti Alot. Josafat (i yalobil Parúa), ti' tojlel jini año' bʌ ti Isacar. Simei (i yalobil Ela), ti' tojlel jini año' bʌ ti Benjamín. Geber (i yalobil Uri), ti' tojlel jini año' bʌ ti' lumal Galaad, yic'ot i lumal Sehón, i rey amorreojob, yic'ot i lumal Og, i rey Basán. Ili lajchʌntiquilob añob ti' wenta yambʌ yumʌl.

Josue 15:9

Che' jini tsa' c'axi loq'uel jini cayajon ti' jol wits c'ʌlʌl tsa' c'oti ti ja' i cha'an Neftoa. Tsa' c'axi ba'an jini tejclum tac am bʌ ti wits i c'aba' Efrón. Tsa' c'oti ba'an Baala. Jiñʌch Quiriat Jearim.

Josue 21:21

Tsa' aq'uentiyob Siquem ya' ti wits i cha'an Efraín. Jiñʌch tejclum ba' mi' mejlel ti puts'el jini tsa' bʌ i cha'le tsʌnsa. Tsa' aq'uentiyob ja'el ili tejclum tac yic'ot i lum: Gezer, Kibsaim, Bethorón, chʌmp'ejl tejclum ti pejtelel.

Josue 24:30

Tsi' mucuyob ti' lum Josué ya' ti Timnatsera, am bʌ ti wits i c'aba' Efraín, ya' ti norte. Jini wits i c'aba' Gaas an ti sur.

Juezob 10:1

Che' chʌmenix Abimelec, jini Tola tsa' caji i coltan israelob. Tola i yalobilʌch Fúa, i yalobil Dodo, loq'uem bʌ ti' p'olbal Isacar. Tsa' chumle ti Samir am bʌ ti Efraín wits.

Juezob 16:31

Che' jini tsa' jubiyob tilel i pi'ʌlob yic'ot i yerañob cha'an mi' lotob majlel. Tsa' majli i mucob ya' ti' yojlil Zora yic'ot Estaol, ya' ba' mucul i tat i c'aba' Manoa. Junc'al jab tsi' cha'le yumʌl Sansón ti' tojlel israelob.

Juezob 17:2

Jump'ejl q'uin tsi' sube i ña': Tsa cubi che' bʌ tsa' p'aja jini winic tsa' bʌ i xujch'ibeyet jo'lujunc'al i yuxbajc' (1,100) sʌsʌc taq'uin. Awilan jini taq'uin anix tij c'ʌb. Joñon tsac ch'ʌmʌ, che'en. Jini cha'an i ña' tsi' yʌlʌ: Calobil, la' i yʌq'ueñet i yutslel i t'an lac Yum, che'en.

Juezob 18:13

Che' jini tsa' ñumiyob majlel ya' ti wits i c'aba' Efraín. Tsa' c'otiyob c'ʌlʌl ti' yotot Micaía.

Juezob 18:2

Jini cha'an i p'olbalob Dan tsi' chocoyob majlel jo'tiquil wen ch'ejlo' bʌ winicob loq'uemo' bʌ ti Zora yic'ot ti Estaol. Tsa' majli i q'uelob pañimil cha'an mi' cʌñob mi weñʌch jini lum. Jini año' bʌ ti Dan tsi' subeyob: Cucula cha'an mi la' cʌn jini lum, che'ob. Ili winicob tsa' majliyob ya' ti wits i c'aba' Efraín c'ʌlʌl ti' yotot Micaía. Ya' tsa' caji i c'ajob i yo.

Juezob 3:27

Che' bʌ tsa' c'oti ya' ti' wits i c'aba' Efraín, tsa' caji i wus jini xulub. Pejtelel israelob tsa' jubiyob tilel ti wits tac yic'ot Aod. Tsi' yʌc'ʌ i bʌ ti yumʌntel.