Juezob 16:7 - Chol: I T’an Dios

⁷ Sansón tsi' jac'be: Mi tsa' cʌjchiyon yic'ot wucpojch sʌjy bʌ ch'ajan, che' jini lajal mic sujtel bajche' yaño' bʌ winicob, che'en.

Chol de Tumbalá Bible

⁷ Sansón tsi' jac'be: Mi tsa' cʌjchiyon yic'ot wucpojch sʌjy bʌ ch'ajan, che' jini lajal mic sujtel bajche' yaño' bʌ winicob, che'en.

Juezob 16:7 Iomraidhean Croise

Proverbios 12:19

Jini isujm bʌ t'an mi' caj ti jalijel ti pejtelel ora. I t'an jini xlot jumuc' jach an.

Proverbios 17:7

Mach i t'ojolic jini wen t'an ti' yej xñusa t'añob. Che' ja'el mach i t'ojolic lot ti' yej jini ñuc bʌ i ye'tel.

Romanos 3:8

¿Yom ba mi la cʌl: La' lac cha'len jontolil cha'an mi' p'ojlel chuqui tac uts'at? Mach yomic. Woliyob ti lot mu' bʌ i yʌlob che'ʌch wolic sub lojon. Mi caj i yʌjq'uelob ti tojmulil che' bajche' yom.

Gálatas 6:7

Mach mi la' wʌc' la' bʌ ti lotintel. Mach mejlic ti wajlentel Dios. Pejtelel chuqui jach mi' pʌc' winic mi caj i c'aj.

Colosenses 3:9

Mach mi la' lotin la' pi'ʌlob, come tsa'ix la' choco jini tsucul bʌ la' pusic'al yic'ot i melbal.

Juezob 16:10

Dalila tsi' cha' sube: Awilan tsa'ix a lotiyon che' bʌ tsa' subeyon yom sʌjy bʌ ch'ajan. Wʌle a wocolic subeñon ti isujm bajche' ma' mejlel ti chujquel, che'en.

Juezob 16:6

Jini cha'an Dalila tsi' sube Sansón: A wocolic subeñon baqui tilem a p'ʌtʌlel come cabʌl jax. Subeñon bajche' mi mejlel ti sajtel cha'an ma' cʌjchel, che'en.

Juezob 16:8

Jini cha'an jini filisteojob año' bʌ i ye'tel tsi' ch'ʌmbeyob tilel jini wucpojch sʌjy bʌ ch'ajan. Dalila tsi' c'ʌñʌ i cʌche'

Juezob 16:9

che' mucul jini winicob ya' ti mal i yotot. Tsi' sube Sansón: Ix tilel jini filisteojob cha'an mi' tsʌnsañetob, che'en. Ti ora jach tsi' bic'ti ts'oco jini ch'ajan che' bajche' mi' ts'ojquel junt'ujm chij che' mi' pulel. Ma'anic tsa' mejli i ña'tañob baqui tilem cabʌl i p'ʌtʌlel Sansón.

1 Samuel 19:17

Jini cha'an Saúl tsi' c'ajtibe i yalobil Mical: ¿Chucoch tsa' lotiyon? Tsa'ix a wʌc'ʌ ti colel j contra, che'en. Mical tsi' sube lot: Come tsi' subeyon: “Mi ma'anic ma' coltañon ti majlel, mi caj c tsʌnsañet”. Che' tsi' subeyon David, che'en Mical.

1 Samuel 27:10

Che' bʌ tsi' c'ajtibe Aquis: ¿Baqui tsa' cha'le guerra sajmʌl? David tsi' jac'be: Ya' ti Neguev ti Judá, yic'ot ya' ti Neguev Jerameel, yic'ot ya' ti Neguev ba'an ceneojob, che'en.