Juezob 16:4 - Chol: I T’an Dios

⁴ Che' ñumenix cabʌl q'uin, Sansón tsi' mula yambʌ xch'oc ya' ti joctʌl i c'aba' Sorec. I c'aba' jini xch'oc jiñʌch Dalila.

Chol de Tumbalá Bible

⁴ Che' ñumeñix cabʌl q'uin, Sansón tsi' mula yambʌ xch'oc ya' ti joctʌl i c'aba' Sorec. I c'aba' jini xch'oc jiñʌch Dalila.

Juezob 16:4 Iomraidhean Croise

1 Reyob 11:1

Salomón mach cojic jach tsi' pʌyʌ ti' yijñam i yalobil Faraón. Tsi' cha'le ñujpuñel yic'ot yaño' bʌ ch'oyolo' bʌ ti Moab, yic'ot ti Amón, yic'ot ti Edom, yic'ot ti Sidón, yic'ot ti Het,

Nehemias 13:26

¿Mach ba jinic i mul Salomón i rey Israel? Tsi' pʌyʌ x'ixicob mach bʌ lac pi'ʌlobic. Wen ñuc Salomón. Ma'anic yambʌ rey lajal bʌ i ñuclel. Dios tsi' c'uxbi. Dios tsi' wa'choco cha'an mi' yumañob pejtel israelob. Anquese cabʌl i ñuclel tsa' sojqui ti mulil cha'an x'ixicob mach bʌ israelobic.

Proverbios 22:14

Lajalʌch i t'an jini ts'i'lel bʌ x'ixic bajche' tam bʌ ch'en. Ya'i mi caj i wʌlʌc jisan i bʌ jini winic ts'a'lebil bʌ ti lac Yum.

Proverbios 23:27

Jini sts'i'lel bʌ x'ixic lajalʌch bajche' tam bʌ ch'en. Lajalʌch sajtem bʌ x'ixic bajche' tam bʌ jajp yoc ja'. Jini mu' bʌ i yajlel ya'i ma'anix mi' chʌn loq'uel.

Proverbios 26:11

Lajal jini tonto bʌ bajche' ts'i'. Che' bajche' mi' cha' sujtel ts'i' cha'an mi' mʌc' i xej che'ʌch mi' sujtel jini tonto bʌ cha'an mi' cha' mel i tontojlel.

Proverbios 27:22

Mach loq'uic i p'ajomal jini tonto bʌ mi ti molino mi tsa' tem juch'u yic'ot trigo.

1 Corintios 10:6

Che'ʌch tsa' ujti cha'an lac tic'ol cha'an ma'anic mi lac mulan jontolil che' bajche' tsi' mulayob.

Juezob 16:3

Pero Sansón tsi' cha'le wʌyel c'ʌlʌl ti' yojlil ac'ʌlel. Tsa' ch'ojyi. Tsi' chucu i trancajlel jini tejclum. Tsi' jʌm bots'o loq'uel yic'ot cha'ts'ijtlel i yoyel. Tsi' wel q'ueche majlel ti' quejlab. Tsa' majli i cʌy c'ʌlʌl ti pam wits am bʌ ti' tojel Hebrón.

Juezob 16:5

Tsa' tiliyob filisteojob año' bʌ i ye'tel ba'an jini xch'oc. Tsi' subeyob: Yom ma' pejcan ti uts bʌ t'an jini Sansón cha'an ma' c'ajtiben baqui mi' taj cabʌl i p'ʌtʌlel. Yom ma' ña'tan ja'el bajche' mi mejlel lac mʌlben, yic'ot bajche' mi mejlel laj cʌch. Che' jini ti jujuntiquil mi caj cʌq'ueñet lojon lajchʌmp'ejl mil peso, che'ob.