Juezob 15:8 - Chol: I T’an Dios

⁸ Jini cha'an Sansón tsi' jisa cabʌl winicob. Ti wi'il tsa' jubi majlel ti chumtʌl ti lech'el bʌ i mal xajlel ya' ti Etam.

Chol de Tumbalá Bible

⁸ Jini cha'an Sansón tsi' jisa cabʌl winicob. Ti wi'il tsa' jubi majlel ti chumtʌl ti lech'el bʌ i mal xajlel ya' ti Etam.

Juezob 15:8 Iomraidhean Croise

Isaias 25:10

Lac Yum mi caj i yʌq'ueñob i wenlel jini año' bʌ ti Sion. Pero mi caj i t'uchtan jini año' bʌ ti Moab. Mi' cajelob ti oc'mʌl che' bajche' ti ta'jibʌl.

Isaias 63:3

Dios tsi' jac'ʌ: C Bajñel jach tsac pets' t'uchta loq'uel i ya'lel ts'usub ti Edom, come ma'anic c pi'ʌl ti e'tel. Tic mich'ajel tsac pets' t'uchta j contrajob. Tsac teñeyob tic mich'ajel. Jini cha'an tsi' wijts'ayon i ch'ich'el. Tsa' laj pʌjq'ui c pislel.

Isaias 63:6

Tic mich'ajel tsac pech' teñe winicob mach bʌ anic tsi' cʌñʌyoñob. Tsac xiq'uiyob ti yajlel. Tsac jisayob. Yolocña tsa' majli i ch'ich'el ti lum. Che' tsi' yʌlʌ Dios.

Hebreos 11:34

tsi' yʌpʌyob ts'ʌplaw bʌ c'ajc, tsi' puts'tayob i yej espada. Che' c'uñob tsa' p'ʌt'esʌntiyob. Tsa' p'ʌtayob ti guerra. Che' motocñayob i contrajob ch'oyolo' bʌ ti yambʌ lum, tsi' yajñesayob.

Juezob 15:10

Jini winicob ti Judá tsi' c'ajtibeyob: ¿Chucoch tsa' letsiyetla tilel cha'an mi la' contrajiñon lojon? che'ob. Tsi' jac'beyob: Tsa' tili j cʌch lojon Sansón, come tsa'ix i wen tic'layon lojon. Jini cha'an wersa mij q'uextan lojon chuqui tsi' melbeyon lojon, che'ob.

Juezob 15:11

Tsa' majliyob uxp'ejl mil winicob i p'olbalob Judá ba'an Sansón ya' ti mal jini ch'en am bʌ ti Etam. Tsi' subeyob: ¿Mach ba a wujilic woli lac wersa yuman jini filisteojob? ¿Chucoch tsa' techbeyob i mich'ajel tic tojlel lojon? che'ob. Sansón tsi' jac'beyob: Tsac tic'la jini filisteojob che' bajche' tsi' tic'layoñob, che'en.

Juezob 15:7

Sansón tsi' subeyob jini winicob: Cha'an la' mul, ti isujm mi caj cʌq'ueñetla i q'uexol jini tsa' bʌ la' mele. Ma'anic mi caj j cʌy c tic'lañetla jinto che' tojbilix la' mul, che'en.

Juezob 15:9

Jini filisteojob tsa' letsiyob majlel ti Judá. Ya' tsa' jijliyob. Tsi' pam pucuyob i bʌ lʌc'ʌl ti Lehi.