Juezob 15:7 - Chol: I T’an Dios

⁷ Sansón tsi' subeyob jini winicob: Cha'an la' mul, ti isujm mi caj cʌq'ueñetla i q'uexol jini tsa' bʌ la' mele. Ma'anic mi caj j cʌy c tic'lañetla jinto che' tojbilix la' mul, che'en.

Chol de Tumbalá Bible

⁷ Sansón tsi' subeyob jini winicob: Cha'an la' mul, ti isujm mi caj cʌq'ueñetla i q'uexol jini tsa' bʌ la' mele. Ma'anic mi caj j cʌy c tic'lañetla jinto che' tojbilix la' mul, che'en.

Juezob 15:7 Iomraidhean Croise

Romanos 12:19

C'uxbibilet bʌ la, mach mi la' bajñel q'uextʌben jontol bʌ i melbal la' pi'ʌlob. La' i q'uextʌbeñob Dios ti' mich'ajel. Come ts'ijbubil: “Joñon mij q'uextan jontolil. Joñon mi cʌq'ueñob i tojol i mul”, che'en lac Yum.

Juezob 14:19

Awilan tsa' c'oti i yEspíritu lac Yum ti' tojlel Sansón yic'ot cabʌl i p'ʌtʌlel. Tsa' jubi majlel ya' ti Ascalón. Tsi' tsʌnsa lujuntiquil i cha'c'al winicob. Tsi' ch'ʌmbeyob i pislelob yic'ot chuqui tac an i cha'añob. Tsi' yʌq'ueyob jini ch'itoñob tsa' bʌ i ña'tayob i sujmlel jini t'an. Tsa' wen mich'a. Tsa' cha' majli ti' yotot i tat.

Juezob 14:4

Pero mach yujilobic i tat i ña' mi ch'oyolʌch ti lac Yum pejtelel iliyi, come Dios tsi' ña'ta i yʌq'ueñob wocol jini filisteojob. Come ti jim bʌ ora jini filisteojob woli' p'ump'un tic'lañob israelob.

Juezob 15:6

Jini filisteojob tsi' c'ajtibeyob: ¿Majqui tsi' mele bajche' jini? che'ob. I pi'ʌlob tsi' jac'ʌyob: Jiñʌch Sansón i nij'al Timnat, come tsi' chilbe i yijñam. Tsi' yʌc'ʌ ti' wenta yambʌ winic. Jini cha'an jini filisteojob tsa' tiliyob ba'an jini x'ixic yic'ot i tat. Tsi' puluyob ti cha'ticlel.

Juezob 15:8

Jini cha'an Sansón tsi' jisa cabʌl winicob. Ti wi'il tsa' jubi majlel ti chumtʌl ti lech'el bʌ i mal xajlel ya' ti Etam.