Juezob 14:4 - Chol: I T’an Dios

⁴ Pero mach yujilobic i tat i ña' mi ch'oyolʌch ti lac Yum pejtelel iliyi, come Dios tsi' ña'ta i yʌq'ueñob wocol jini filisteojob. Come ti jim bʌ ora jini filisteojob woli' p'ump'un tic'lañob israelob.

Chol de Tumbalá Bible

⁴ Pero mach yujilobic i tat i ña' mi ch'oyolʌch ti lac Yum pejtelel iliyi, come Dios tsi' ña'ta i yʌq'ueñob wocol jini filisteojob. Come ti jim bʌ ora jini filisteojob woli' p'ump'un tic'lañob israelob.

Juezob 14:4 Iomraidhean Croise

1 Reyob 12:15

Jini rey ma'anic tsi' jac'beyob i wocol t'an jini winicob. Che'ʌch tsa' ujti cha'an mi' ts'ʌctiyel i t'an lac Yum che' bajche' tsi' yʌlʌ jini x'alt'an Ahías ch'oyol bʌ ti Silón.

1 Reyob 12:24

“Mach yomic mi la' wʌlʌc majlel ti guerra ti' contra la' pi'ʌlob israelo' bʌ. Cha' cucuxla ti la' wotot come joñon tsac t'oxoyob”, che'en lac Yum. Che' tsi' yʌlʌ jini x'alt'an Semaías. Jini winicob tsi' jac'beyob i t'an lac Yum. Tsa' cha' sujtiyob ti' yotot che' bajche' tsa' subentiyob.

2 Reyob 6:33

Che' woli to ti t'an Eliseo, tsa' c'oti jini winic. Ti wi'il pat tsa' tili jini rey. Mich' tsi' cha'le t'an jini rey. Tsi' yʌlʌ: Ch'oyol ti lac Yum pejtelel ili wocol. Lolom jach mic chʌn pijtan j coltʌntel ti' tojlel lac Yum, che'en.

2 Cronicas 10:15

Jini rey ma'anic tsi' pʌsʌ i bʌ ti uts ti' tojlel winicob, come Dios tsi' tsʌts'esʌbe i pusic'al cha'an mi' ts'ʌctiyel i t'an che' bajche' tsi' sube Jeroboam (i yalobil Nabat) jini x'alt'an Ahías ch'oyol bʌ ti Silo.

2 Cronicas 22:7

Pero ch'oyol ti Dios ili wocol cha'an mi' junyajlel jisʌntel Ocozías che' woli' majlel i jula'tan Joram. Come che' bʌ tsa' c'oti ba'an i yichan, Joram tsi' pʌyʌ majlel cha'an comol mi' contrajiñob Jehú (i yalobil Nimsi), jini yajcʌbil bʌ i cha'an lac Yum cha'an mi' junyajlel jisan pejtel i p'olbal Acab.

2 Cronicas 25:20

Pero Amasías ma'anic tsi' ñopbe i t'an. Tilem ti Dios jini leco bʌ i pensar Amasías cha'an mi' yʌjq'uel ti chʌmel ti' c'ʌb i contrajob ti' caj i mul cha'an tsi' ch'ujutesa jini diosob i cha'an edomob.

Salmos 115:3

Ya'ʌch an lac Dios ti panchan. Mi' mel chuqui jach yom i pusic'al.

Daniel 6:4

Pero jini gobernadorob yic'ot jini xq'uel e'telob tsa' caji' comol ña'tañob bajche' mi mejlel i tajbeñob i mul Daniel ti' yumʌntel. Pero ma'anic tsa' mejli i tajbeñob i mul, come ma'anic i mul, xuc'ul i melbal. Uts'at ja'el tsi' cha'le yumʌntel ti' tojlel pejtel winicob.

Deuteronomio 28:48

Jini cha'an mi caj a yuman a contrajob mu' bʌ caj i choc tilel lac Yum. Mi caj a wubin tiquin ti' yic'ot wi'ñal yic'ot tsʌñal che' ma'anix a pislel. An cʌbʌl chuqui mi' cajel ti falta a cha'an. Jini a contra mi caj i yʌq'ueñet al bʌ a cuch jinto mi' jisañetla.

Josue 11:20

Come che'ʌch tsi' ña'ta lac Yum cha'an mi' tsʌts'esʌbeñob i pusic'al i contrajob israelob cha'an mi' jisañob, cha'an ma'anic mi' p'untʌntelob. Che' jini lac Yum tsi' yʌc'ʌyob ti jisʌntel che' bajche' tsi' yʌq'ue mandar Moisés.

Juezob 13:1

Tsa' cha' caji' melob chuqui jontol ti' wut lac Yum jini israelob. Jini cha'an lac Yum tsi' yʌc'ʌyob ti' c'ʌbob jini filisteojob cha'c'al jab.

Juezob 14:5

Sansón tsa' wersa jubi majlel yic'ot i tat i ña' ya' ti Timnat. Che' wolix i c'otelob ti' ts'usubilob jini año' bʌ ti Timnat, tsa' loq'ui tilel ti mate'el ch'iton bajlum cha'an mi' jisañob.

Juezob 15:11

Tsa' majliyob uxp'ejl mil winicob i p'olbalob Judá ba'an Sansón ya' ti mal jini ch'en am bʌ ti Etam. Tsi' subeyob: ¿Mach ba a wujilic woli lac wersa yuman jini filisteojob? ¿Chucoch tsa' techbeyob i mich'ajel tic tojlel lojon? che'ob. Sansón tsi' jac'beyob: Tsac tic'la jini filisteojob che' bajche' tsi' tic'layoñob, che'en.

Juezob 15:3

Sansón tsi' yʌlʌ: Wʌle ma'anic c mul che' mic tic'lan jini filisteojob, che'en.