Juezob 14:12 - Chol: I T’an Dios

¹² Sansón tsi' subeyob: Wʌle mi caj c subeñetla jump'ejl t'an. Che' woliyonla ti q'uiñijel wucp'ejl q'uin, mi tsa' mejli la' ña'tan i sujmlel jini t'an, che' jini mi caj cʌq'ueñetla lujump'ejl i cha'c'al bujcʌl ti lino yic'ot yambʌ lujump'ejl i cha'c'al bujcʌl cha'an q'uiñijel.

Chol de Tumbalá Bible

¹² Sansón tsi' subeyob: Wʌle mi caj c subeñetla jump'ejl t'an. Che' woliyonla ti q'uiñijel wucp'ejl q'uin, mi tsa' mejli la' ña'tan i sujmlel jini t'an, che' jini mi caj cʌq'ueñetla lujump'ejl i cha'c'al bujcʌl ti lino yic'ot yambʌ lujump'ejl i cha'c'al bujcʌl cha'an q'uiñijel.

Juezob 14:12 Iomraidhean Croise

Genesis 45:22

Tsi' yʌq'ueyob i pislel cha'an mi' q'uextañob i pislel ti jujuntiquil. Tsi' yʌq'ue Benjamín jo'lujunc'al plata bʌ taq'uin yic'ot jo'p'ejl i pislel cha'an mi' q'uextan i bʌ.

1 Reyob 10:1

Jini x'ixic bʌ yumʌl chumul bʌ ti Sabá tsi' yubi an cabʌl i ñuclel Salomón cha'an ñuc bʌ i ye'tel ti' tojlel lac Yum. Jini cha'an tsa' tili i cʌmben i ña'tʌbal cha'an yom i ch'ʌmben isujm jini wocol tac bʌ ti ña'tʌntel.

2 Reyob 5:22

Giezi tsi' jac'ʌ: Uts'at cu, che'en. Jini c yum tsi' chocoyon tilel cha'an mic subeñet tsa' c'otiyob cha'tiquil ch'iton x'alt'añob ch'oyolo' bʌ ti Efraín wits. Jini cha'an a wocolic aq'ueñon plata jo'p'ejl i cha'c'al mil (25,000) peso, yic'ot cha'pajc jini bujcʌl, che'en Giezi.

2 Reyob 5:5

Jini rey ti Siria tsi' sube Naamán: Yom ma' majlel a q'uel jini x'alt'an. Mi caj c chocben majlel jun jini rey ti Israel, che'en. Che' jini tsa' loq'ui majlel Naamán. Tsi' ch'ʌmʌ majlel plata am bʌ i tojol che' bajche' lujunc'al yic'ot lujump'ejl i yuxc'al mil (250,000) peso, yic'ot oro am bʌ i tojol jo'lujunc'al i cha'bajc' yic'ot lujump'ejl i yuxc'al mil (750,000) peso, yic'ot lujumpajc bujcʌl.

2 Cronicas 7:8

Wucp'ejl q'uin tsi' cha'le q'uiñijel Salomón yic'ot pejtelel israelob. Cabʌlob tsa' bʌ i tempayob i bʌ cha'an i q'uiñilel lejchempat. Tsa' c'otiyob ja'el jini ch'oyolo' bʌ ti Hamat yic'ot yambʌ tejclum tac c'ʌlʌl ti jini pa' am bʌ ti Egipto.

Salmos 49:4

Mi caj c sub ti lajiya jini woli bʌ c ña'tan. Mi caj j c'ʌn música am bʌ i ch'ajñal cha'an mic tsictesan.

Proverbios 1:6

cha'an mi' ch'ʌmbeñob isujm ili t'an yic'ot lajiya tac, i subal jini año' bʌ i pusic'al yic'ot i sujmlel mucul tac bʌ ti pañimil.

Proverbios 31:24

Jini x'ixic mi' jale' pisil. Mi' choñe'. Mi' mel cajchiñʌc'ʌl. Mi' yʌq'uen i chon xchoñoñel.

Ezequiel 20:49

Che' jini tsa cʌlʌ: ¡C Yum Dios! Jini winicob mi caj i yʌlob lajiya jach jini mu' bʌ c sub, cho'on tsac sube.

Mateo 13:13

Jini cha'an mic chʌn pejcañob ti lajiya come mi' q'uelob, pero ma'anic mi' c'otelob i wut. Mi' yubiñob, pero ma'anic mi' yochel ti' chiquin. Ma'anic mi' ch'ʌmbeñob isujm, che'en Jesús.

Mateo 13:34

Jesús tsi' subeyob tempʌbilo' bʌ winicob x'ixicob pejtelel jini t'an ti lajiya tac. Cojach ti lajiya tsi' pejcayob

Mateo 27:28

Tsi' jochbeyob loq'uel i pislel. Tsi' lʌpbeyob chʌcts'eran bʌ pʌl bʌ bujcʌl.

Mateo 6:19

Mach mi la' tempan la' chubʌ'an ti pañimil ba' mi' jisan motso', ba' mi' caj ti ta', ba' mi' yochelob xujch' i xujch'iñob loq'uel.

Lucas 14:7

Che' bʌ tsi' q'uele wolix i yajcañob ñaxan bʌ buchlibʌl ti mesa jini pʌybilo' bʌ ti q'uiñijel, Jesús tsa' caji i subeñob ti lajiya:

Juan 16:29

Jini xcʌnt'añob i cha'an tsi' subeyob: Awilan, tsiquilʌch i sujmlel a t'an wʌle. Mach ti lajiyajic woliyet ti t'an.

1 Corintios 13:12

Come wʌle mi lac yʌxña q'uel Cristo che' bajche' ti espejo. Pero che' mi' tilel mi caj laj q'uelben i wut. Wʌle wolic yʌxña cʌn, pero ti wi'il bʌ ora mi caj c wen cʌn che' bajche' Dios mi' cʌñon.

Santiago 5:2

Oc'benix la' chubʌ'an, c'uxbilix la' pislel ti' chʌñil.

Juezob 14:11

Jini filisteojob che' bʌ tsi' q'ueleyob, tsi' pʌyʌyob tilel lujuntiquil i cha'c'al (30) ch'iton winicob cha'an mi' tem ajñelob yic'ot Sansón.

Juezob 14:13

Pero mi ma'anic tsa' mejli la' ña'tan, che' jini jatetla mi caj la' wʌq'ueñon lujump'ejl i cha'c'al bujcʌl ti lino, yic'ot yambʌ lujump'ejl i cha'c'al bujcʌl cha'an q'uiñijel, che'en. Tsi' jac'beyob: Alʌ jini t'an cha'an mi cubin lojon, che'ob.