Juezob 12:8 - Chol: I T’an Dios

⁸ Che' chʌmenix Jefté, tsa' caji i mel i ye'tel ti juez jini Ibzán ti' tojlel israelob ti Belén.

Chol de Tumbalá Bible

⁸ Che' chʌmenix Jefté, tsa' caji i mel i ye'tel ti juez jini Ibzán ti' tojlel israelob ti Belén.

Juezob 12:8 Iomraidhean Croise

Genesis 15:19

Jiñʌch i lumal ceneojob, yic'ot cenezeojob, yic'ot cadmoneojob, i lumal heteojob, yic'ot ferezeojob, yic'ot refaimob, i lumal amorreojob, yic'ot cananeojob yic'ot gergeseojob, yic'ot jebuseojob, che'en.

Miqueas 5:2

Jatet Belén Efrata wen ch'o'ch'oquet ti' tojlel pejtelel tejclum tac ti Judá, pero ya' mi caj i q'uel pañimil jini Rey mu' bʌ caj i cha'len yumʌl ti Israel, jini Rey cuxul bʌ c'ʌlʌl ti oñiyi.

Mateo 2:1

Che' bʌ tsi' yila pañimil Jesús ya' ti Belén ti Judea, che' yumʌl jini Herodes, awilan, tsa' tiliyob ti Jerusalén winicob año' bʌ cabʌl i ña'tʌbal, ch'oyolo' bʌ ti' pasibal q'uin.

Josue 19:15

Ya'an jini tejclum tac: Catat, Naalal, Simrón, Idala, Belén, yic'ot yan tac bʌ, lajchʌmpejl ti pejtelel yic'ot jini xchumtʌl tac.

Juezob 10:1

Che' chʌmenix Abimelec, jini Tola tsa' caji i coltan israelob. Tola i yalobilʌch Fúa, i yalobil Dodo, loq'uem bʌ ti' p'olbal Isacar. Tsa' chumle ti Samir am bʌ ti Efraín wits.

Juezob 12:7

Wʌcp'ejl jab tsi' cha'le yumʌntel Jefté ti' tojlel israelob. Che' bʌ tsa' chʌmi tsa' mujqui ti jump'ejl tejclum ya' ti Galaad.

Juezob 12:9

An lujuntiquil i cha'c'al (30) ch'iton bʌ i yalobilob, yic'ot lujuntiquil i cha'c'al xch'oc bʌ i yalobilob ti pejtelel. Tsi' sijiyob jini xch'oc bʌ i yalobilob ti yambʌ tejclum tac. Tsi' pʌyʌ tilel yambʌ lujuntiquil i cha'c'al xch'oc ch'oyolo' bʌ ti yambʌ tejclum tac cha'an i yalobilob. Wucp'ejl jab tsi' cha'le yumʌl ti' tojlel israelob.

Juezob 17:7

Ti jim bʌ ora ya' chumul juntiquil ch'iton winic loq'uem bʌ ti Judá. Jiñʌch leví.

Juezob 19:1

Ti jim bʌ ora maxto anic rey ti' tojlel israelob. Ya' chumul juntiquil leví ñajt bʌ ch'oyol. Tsa' tili ti chumtʌl ti' lumal Efraín ba' puru wits. Tsi' pʌyʌ i yixic loq'uem bʌ ti Belén ti Judá.

1 Samuel 16:1

Lac Yum tsi' sube Samuel: ¿Jayp'ejl to q'uin mi caj a chʌn mel a pusic'al cha'an Saúl, cha'an tsa'ix c chilbe i yumʌntel ti' tojlel israelob? But'u a xulub ti aceite. Ch'ʌmʌ majlel a wic'ot. Mi caj c choquet majlel ba'an Isaí ti Belén, come tsa'ix c yajca juntiquil i yalobil Isaí cha'an mi' yochel ti rey, che'en.