Juezob 12:1 - Chol: I T’an Dios

¹ Tsa' caji i tempañob i bʌ jini winicob ti Efraín. Tsa' c'axiyob majlel ti Zafon ba' tsi' subeyob Jefté: ¿Chucoch tsajniyet ti guerra ti' contra amoñob che' ma'anic tsa' pʌyʌyon lojon majlel a wic'ot? Jini cha'an mux caj c pulet lojon ti a wotot, che'ob.

Chol de Tumbalá Bible

¹ Tsa' caji i tempañob i bʌ jini winicob ti Efraín. Tsa' c'axiyob majlel ti Zafon ba' tsi' subeyob Jefté: ¿Chucoch tsajniyet ti guerra ti' contra amoñob che' ma'anic tsa' pʌyʌyon lojon majlel a wic'ot? Jini cha'an mux caj c pulet lojon ti a wotot, che'ob.

Juezob 12:1 Iomraidhean Croise

Salmos 109:4

C'ux mi cubiñob. Mic tajob ti oración, pero mi' p'ajoñob.

Eclesiastes 4:4

Tsa' caji j q'uel tsʌytsʌyña jax i pusic'alob winicob. Chuqui tac jach mi' ganarin jini bʌx bʌ ti e'tel mi' mulʌbeñob i pi'ʌlob. Yom mi' lolon tajob ja'el. Pero lolom jach mi' tsʌjyubeñob i chubʌ'an i pi'ʌl. To'ol ic' jach woli' yajñesañob.

Oseas 13:1

Ti wajali tsi' cha'le yumʌl Efraín ti' tojlel israelob. Tsi' cha'leyob bʌq'uen winicob, come p'ʌtʌl Efraín. Pero tsi' cha'le mulil che' bʌ tsi' ch'ujutesa Baal. Jini cha'an tsa' chʌmi.

Marcos 3:24

Mi tsi' t'oxoyob i bʌ ti leto jini año' bʌ ti' wenta juntiquil yumʌl, mach mejlic ti jalijel i yumʌntel.

Juan 10:32

Jesús tsi' subeyob: Tsac pʌsbeyetla cabʌl wen bʌ c melbal ch'oyol bʌ tic Tat. ¿Cha'an ba jini wen bʌ c melbal la' wom la' julon? che'en.

Santiago 3:16

Ya' ba' tsʌytsʌyñayob i pusic'al winicob, ba' ñijcʌbilob i cha'an i ts'i'lel i wut, ya' mi' t'oxob i bʌ ti leto yic'ot jujunchajp jontolil.

Juezob 11:40

Jini cha'an ti jab ti jab, jini xch'ocob ti Israel mi' majlelob chʌmp'ejl q'uin cha'an mi' yuc'tañob i yalobil Jefté jini galaad.

Juezob 12:2

Jefté tsi' jac'beyob: An i mul jini amoñob tic tojlel lojon. Jini cha'an tsac pʌyʌyetla, pero ma'anic tsa' tili la' coltañon lojon loq'uel ti' c'ʌbob.

Juezob 14:15

Ti' chʌmp'ejlel q'uin tsi' subeyob i yijñam Sansón: Suben a ñoxi'al cha'an mi' tsictesʌbeñonla i sujmlel ili t'an. Aja machiqui mic pulet lojon temel yic'ot a tat a ña'. ¿Tsa' ba la' pʌyʌyon lojon tilel ilayi cha'an mi la' wotsañon lojon ti pobre? che'ob.

Juezob 15:6

Jini filisteojob tsi' c'ajtibeyob: ¿Majqui tsi' mele bajche' jini? che'ob. I pi'ʌlob tsi' jac'ʌyob: Jiñʌch Sansón i nij'al Timnat, come tsi' chilbe i yijñam. Tsi' yʌc'ʌ ti' wenta yambʌ winic. Jini cha'an jini filisteojob tsa' tiliyob ba'an jini x'ixic yic'ot i tat. Tsi' puluyob ti cha'ticlel.

Juezob 8:1

Jini winicob ti Efraín tsa' caji i subeñob Gedeón: ¿Chucoch leco jax woli a mel? Ma'anic tsa' pʌyʌyon lojon che' bʌ tsa' majliyetla ti guerra ti' contra Madián, che'ob. Cabʌl tsa' caji i yʌ'leñob ti tsʌts bʌ t'an.