Juezob 10:6 - Chol: I T’an Dios

⁶ Jini israelob tsa' cha' caji i melob chuqui tac jontol ti' wut lac Yum, come tsa' cha' caji i ch'ujutesañob jini dios Baal yic'ot Astarot, yic'ot i dios tac Siria, yic'ot Sidón, yic'ot Moab, yic'ot amoñob, yic'ot filisteojob. Tsi' junyajlel cʌyʌyob lac Yum. Ma'anix tsi' chʌn melbeyob chuqui yom.

Chol de Tumbalá Bible

⁶ Jini israelob tsa' cha' caji i melob chuqui tac jontol ti' wut lac Yum, come tsa' cha' caji i ch'ujutesañob jini dios Baal yic'ot Astarot, yic'ot i dios tac Siria, yic'ot Sidón, yic'ot Moab, yic'ot amoñob, yic'ot filisteojob. Tsi' junyajlel cʌyʌyob lac Yum. Ma'anix tsi' chʌn melbeyob chuqui yom.

Juezob 10:6 Iomraidhean Croise

1 Reyob 11:33

Che'ʌch mic mel cha'an tsi' cʌyʌyon Salomón. Tsi' ch'ujutesa Astoret, jini x'ixic bʌ dios i cha'an sidoñajob, yic'ot Quemos i dios moabob, yic'ot Milcom i dios amoñob. Ma'anic tsi' jac'ʌ c mandar. Ma'anic woli' mel chuqui toj tic wut. Ma'anic woli' jac'beñon c t'an che' bajche' David i tat.

1 Reyob 11:5

Salomón tsi' ch'ujutesa Astoret jini x'ixic bʌ dios mu' bʌ i c'uxbiñob sidoñob, yic'ot Milcom, jini leco bʌ i dios amoñob.

1 Reyob 11:7

Tsi' melbe i yotlel dioste' i c'aba' Quemos ya' ti Olivo wits am bʌ ti' tojel Jerusalén. Jiñʌch leco bʌ i dios moabob. Tsi' melbe i yotlel Moloc, i dios amoñob.

1 Reyob 16:31

Mach jinic jach, pero tsi' cha'le ñuc bʌ mulil che' bʌ tsi' pʌyʌ Jezabel cha'an i yijñam. Jiñʌch i yixic'al Etbaal i rey sidoñob. Acab tsa' caji i ch'ujutesan Baal.

2 Reyob 17:16

Tsi' ñusʌbeyob pejtelel i mandar i Yum Dios. Tsi' bajñel meleyob i diosob ti oro, cha'cojt wacax yic'ot yantac bʌ dios quisintic jax bʌ ti q'uelol. Tsi' ch'ujutesayob jini q'uin, yic'ot uw, yic'ot ec'. Tsi' ch'ujutesayob Baal ja'el.

2 Reyob 23:13

Tsi' jisa ja'el i yotlel dioste' tac am bʌ ti bujbujtʌl ti' tojel Jerusalén ya' ba' mi' pasel q'uin yic'ot ya' ti sur. Salomón tsi' melbe i yotlel Astoret i dios jini sidoñob ts'a'lebil bʌ ti Dios, yic'ot i yotlel Quemos i dios Moab, ts'a'lebil bʌ ti Dios, yic'ot i yotlel Milcom i dios amoñob, ts'a'lebil bʌ ti Dios.

2 Cronicas 28:23

Come tsi' pulbe i majtan dios tac i cha'an i contrajob ti Damasco tsa' bʌ i jisayob, come tsi' lon ña'ta Acaz cabʌl i p'ʌtʌlel jini diosob año' bʌ ti Siria cha'an woli' wen coltañob jini siriajob. Jini cha'an tsi' pulbeyob i majtan cha'an mi' coltʌntel ja'el. Pero i mul Acaz tsi' yʌc'ʌ ti yajlel yic'ot pejtelel i pi'ʌlob.

Salmos 106:36

Tsi' ch'ujutesayob i dioste' tac sajtemo' bʌ. Jini cha'an tsa' sojquiyob.

Isaias 23:4

Mux caj la' wubin quisin winicob añet bʌ la ti Sidón ti' ti' ñajb come tsa' jili Tiro. Meba'etixla yubil che' bajche' ma'anic tsa' la' cosa la' walobilob.

Jeremias 2:13

Come cha'chajp i mul c winicob x'ixicob. Tsi' cʌyʌyoñob, anquese joñon Cuxul bʌ Ja'on. Tsi' wersa t'oboyob xajlel cha'an mi' yajñel i ya'al. Tsi' sajcayob ja' ba' bajñel yomob i pusic'al. Mu' jach i jilel i ya'al cha'an tocolix i yajñib.

Jeremias 2:20

Ñʌmʌlet ti jontolil ti oñiyi c'ʌlʌl wʌle. Tsa' la' choco jubel a tajbal yic'ot a cuch tsa' bʌ cʌq'ueyetla. Tsa' la' wʌlʌ: “Mach comic c mel che' bajche' ma' wʌl”, che'et. Pero ti pejtelel jini chan bʌ bujtʌl yic'ot ti' yʌxñʌlel te' tsa' choco a bʌ che' bajche' sts'i'lel bʌ x'ixic.

Jeremias 32:23

Wʌ' tsa' ochi jini c tat lojon. Tsi' ch'ʌmʌyob jini lum. Pero ma'anic tsi' jac'ʌyob a t'an. Ma'anic tsi' meleyob che' bajche' cʌntesʌbilob ti a mandar. Ma'anic chuqui tsi' wis meleyob ti uts'at ti' tojlel a mandar. Jatet wola' chocbeñob tilel ili wocol cha'an ti' cajob i mul.

Ezequiel 27:16

Che' ja'el Edom mi' cha'len mʌñoñel ba' añet. Mi' ch'ʌmbeñet tilel perla yic'ot púrpura, yic'ot joch'bil tac bʌ bujcʌl, yic'ot lino bʌ pisil, yic'ot letsem tac bʌ i tojol te', yic'ot coral bʌ xajlel, yic'ot rubí.

Deuteronomio 13:6

Mi tsi' subeyetla la' pi'ʌl, mi i yalobil la' majan ña', mi a walobil, mi a wijñam, mi a cʌñʌ bʌ, mi tsi' mucu subeyet: “Conla cha'an mi lac ch'ujutesan yan tac bʌ dios”, mi che'ob, mach mi la' jac'beñob. Mi pʌybiletla ba'an i diosob winicob ti lʌc'ʌl o ti ñajtʌl, mi maxto bʌ cʌmbilic la' cha'an, mach bʌ anic tsi' cʌñʌyob la' ñojte'elob ja'el, mach mi la' jac'beñob i t'an.

Deuteronomio 13:8

Mach yomic mi la' majlel yic'ot jini mu' bʌ i pʌyetla. Mach mi la' ñich'tʌben i t'an. Mach mi la' coltan. Mach yomic mi la' to'ol mucben i mul.

Deuteronomio 31:16

Lac Yum tsi' sube Moisés: Mi caj a majlel ba'an a ñojte'elob. Mi caj a chʌmel. Jixcu ili winicob x'ixicob, che' mi' c'otelob ti chumtʌl ya' ba'an yaño' bʌ tejclumob, mi caj i tsajcʌbeñob i dioste' tac. Mi caj i cʌyoñob. Mi caj i ñusʌbeñoñob jini xuc'ul bʌ t'an tsa' bʌ c mele quic'otob.

Deuteronomio 31:17

Jini cha'an mi caj c mich'leñob. Mi caj j cʌyob. Mi caj c mʌy c wut cha'an ma'anix mic chʌn q'uelob. Mi caj c jisañob ti cabʌl wocol. Mi caj i yʌlob: “Obol jax lac bʌ come ma'anix Dios la quic'ot”, che'ob.

Deuteronomio 32:15

Jini israelob tsa' ñaj'ayob, Tsa' wen jujp'iyob. Che' jini tsi' cʌyʌyob i Dios anquese i melbalob. Tsi' ts'a'leyob jini Xajlel tsa' bʌ i coltayob.

Josue 13:31

Ojlil jini Galaad, yic'ot Astarot yic'ot Edrei, jiñʌch i tejclum tac Og, yumʌl ti Basán. Tsa' aq'uentiyob lamital i yalobilob Maquir (i yalobil bʌ Manasés) che' bajche' c'amel i yotot tac.

Juezob 10:5

Che' bʌ tsa' chʌmi Jair, tsa' mujqui ti Camón.

Juezob 11:24

Isujm mi mejlel a ch'ʌm jini lum mu' bʌ i yʌq'ueñet a dios Quemos. Pero pejtelel chuqui tac tsi' yʌq'ueyon lojon tic wenta c Yum lojon, wersa mic ch'ʌm lojon.

Juezob 13:1

Tsa' cha' caji' melob chuqui jontol ti' wut lac Yum jini israelob. Jini cha'an lac Yum tsi' yʌc'ʌyob ti' c'ʌbob jini filisteojob cha'c'al jab.

Juezob 16:23

Jini cha'an jini filisteojob año' bʌ i ye'tel tsi' tempayob i bʌ cha'an mi' yʌq'ueñob i majtan jini dioste' i c'aba' Dagón. Ya'i tsi' wen meleyob q'uin cha'an tijicñayob. Tsi' yʌlʌyob: Lac dios tsa'ix i yʌc'ʌ ti laj c'ʌb laj contra, che'ob.

Juezob 3:7

Jini israelob tsi' cha'leyob jontolil ti' wut lac Yum, come tsa' ñajʌyi i cha'añob lac Yum Dios. Tsi' ch'ujutesayob jini baalob yic'ot jini aserajob.

Juezob 4:1

Che' bʌ tsa' chʌmi Aod, jini israelob tsa' caji i cha' melob chuqui jontol ti' wut lac Yum.

Juezob 6:1

Jini israelob tsi' cha'leyob chuqui jontol ti' wut lac Yum. Jini cha'an lac Yum tsi' yʌc'ʌyob ti' wenta Madián wucp'ejl jab.

Juezob 8:33

Pero che' chʌmenix Gedeón, jini israelob tsa' cha' caji i ch'ujutesañob jini dios Baal. Tsi' diosiyob jini Baalberit.

1 Samuel 5:2

Tsi' yotsayob jini Arca i cha'an bʌ Dios ti' templo Dagón, i dios filisteojob. Tsi' cotchocoyob ya' ti' t'ejl.