Juezob 1:19 - Chol: I T’an Dios

¹⁹ Lac Yum tsi' coltayob. Jini cha'an tsa' mejli i mʌlbeñob jini año' bʌ ti wits tac. Pero ma'anic tsa' mejli i chocob loq'uel jini año' bʌ ti joctʌl bʌ lum, come añob i cha'an carreta tac melbil bʌ ti tsucu taq'uin.

Chol de Tumbalá Bible

¹⁹ Lac Yum tsi' coltayob. Jini cha'an tsa' mejli i mʌlbeñob jini año' bʌ ti wits tac. Pero ma'anic tsa' mejli i chocob loq'uel jini año' bʌ ti joctʌl bʌ lum, come añob i cha'an carreta tac melbil bʌ ti tsucu taq'uin.

Juezob 1:19 Iomraidhean Croise

Genesis 39:2

An lac Yum yic'ot José. Uts'at tsa' majli i ye'tel José ya' ti' yotot i yum chumul bʌ ti Egipto.

Genesis 39:21

Pero ya'an lac Yum yic'ot. Tsi' pʌsbe i yutslel i pusic'al. Tsi' yʌc'ʌ ti c'uxbintel i cha'an jini xcʌnta mʌjquibʌl.

2 Samuel 5:10

Che' jini tsa' utsi p'ojli i p'ʌtʌlel David. Jini lac Yum Dios, jini Yumʌl ti Panchan yic'ot ti Pañimil, an yic'ot David.

2 Reyob 18:7

Lac Yum tsi' colta ti pejtelel chuqui tsi' ña'ta i mel Ezequías. Tsi' cʌyʌ i yʌq'uen i tojoñel jini rey ti Asiria. Ma'anic tsi' chʌn jac'be i mandar.

Salmos 46:11

I Yum Panchan yic'ot Pañimil an la quic'ot. I Dios Jacob jiñʌch la caj Coltaya i wenta chan bʌ ts'ajc.

Salmos 46:7

Lac Yum an la quic'ot. I Yumʌch panchan yic'ot pañimil. I Dios Jacob jiñʌch la caj Coltaya i wenta chan bʌ ts'ajc.

Salmos 46:9

Mi' yujtesan guerra c'ʌlʌl ti pejtelel pañimil. Mi' bic'ti c'ʌs jini jalʌjb, mi' c'ʌs jini lanza. Mi' pulbeñob i carreta tac mu' bʌ i c'ʌñob ti guerra.

Salmos 60:12

Cha'an jach jatet mux i mʌjlel c cha'an lojon, Come jatet Dios mi caj a t'uchtan j contrajob lojon.

Eclesiastes 9:11

Anto chuqui tsaj q'uele ti yebal panchan. Mach jinic wen yujil bʌ ajñel mu' bʌ i c'otel ñaxan. Mach jinic wen p'ʌtʌl bʌ mu' bʌ i mʌjlel i cha'an. Mach cha'anic i ña'tibal mi' taj i bʌl i ñʌc' jini cabʌl bʌ i pusic'al. Jini wen yujil bʌ e'tel mach ti pejtelic ora mi' taj i ñuclel ti' wut i pi'ʌlob. An mu' bʌ i tajob, an mach bʌ i tajayobic. Tijicña jini am bʌ i coltʌntel ti pejtelel chuqui yom i taj.

Isaias 41:10

Mach a cha'len bʌq'uen, come añon quic'otet. Mach yomic ma' lij a bʌ come a Dioson. Mi caj c wen p'ʌtesañet. Mi caj j coltañet. Mi caj j cʌntañet ti p'ʌtʌl bʌ j c'ʌb jini ñoj bʌ.

Isaias 7:14

Jini cha'an lac Yum mi caj i wersa pʌsbeñet i yejtal i p'ʌtʌlel. Juntiquil xch'oc mi caj i cʌntan alʌl. Mi caj i yʌc' ti pañimil ch'iton. Mi caj i yotsʌben i c'aba' Emanuel mu' bʌ i yʌl ti lac t'an, “Dios la quic'ot”.

Mateo 1:23

“Awilan, mi caj i cʌntan alʌl juntiquil xch'oc maxto bʌ pi'lebilic. Mi caj i yʌc' ti pañimil ch'iton bʌ i yalobil. Mi caj i yotsʌbentel i c'aba' Emanuel”. An i sujmlel Emanuel ti lac t'an: Jiñʌch Dios la quic'ot.

Romanos 8:31

¿Chuqui yom mi lac sub, che' jini? Mi woli' coltañonla Dios, ¿majqui mi mejlel i contrajiñonla?

Filipenses 4:13

Ti Cristo mu' bʌ i p'ʌtesañon mi mejlel c mel pejtelel chuqui yom.

Josue 1:5

Ma'anic majch mi caj i mʌjlel i cha'an che' mi' contrajiñet, che' wʌ'to añet ti pañimil. Che' bajche' tsa' ajniyon quic'ot Moisés mi cajñel quic'otet ja'el. Ma'anic mi caj j cʌyet ti a bajñelil. Mach p'ump'unic mi caj j cʌyet.

Josue 1:9

Jiñʌch c mandar woli bʌ c subeñet. Yom ma' p'ʌt'esan a bʌ. Yom ch'ejlet. Mach a cha'len bʌq'uen. Mach yomic ma' lujb'an. Come lac Yum Dios mi caj i yajñel a wic'ot baqui jach ma' majlel. Che' tsi' yʌlʌ lac Yum.

Josue 14:12

Aq'ueñon wʌle jini lum am bʌ ti wits che' bajche' tsi' yʌlʌ lac Yum. Ya' añob jini anaceojob che' bajche' tsa' wubi ti jim bʌ ora. Colem i tejclum tac. Wen chajpʌbilob cha'an guerra. Mi cʌl lac Yum mi caj i coltañon. Che' jini mi mejlel c chocob loq'uel che' bajche' lac Yum tsi' subu, che'en.

Josue 6:27

Lac Yum Dios an yic'ot Josué. Ñuc tsa' q'uejli ti pejtelel pañimil.

Josue 7:12

Jini cha'an mach chʌn mʌjlix i cha'añob ti' tojlel i contrajob. I contrajob mi caj i yajñesañob, come tsa'ix i yʌc'ʌyob i bʌ ti chojquel tic tojlel. Ma'anix mic chʌn ajñel la' wic'ot jinto mi la' jisan jini tsa' bʌ i cha'le xujch'.

Juezob 1:2

Lac Yum tsi' jac'ʌ: La' majlicob año' bʌ ti Judá. Joñon tsa'ix cʌc'ʌ jini lum ti' wenta.

Juezob 4:13

Sísara tsi' tempa pejtelel i carreta tac. An jo'c'al i yuxbajc' (900) i carreta melbil bʌ ti tsucu taq'uin yic'ot pejtelel i winicob loq'uemo' bʌ ti Harosetgoim. Tsa' c'otiyob ti jini pa' am bʌ ti Cisón.

Juezob 4:3

An i cha'an jini rey Jabín jo'c'al i yuxbajc' (900) carreta tac melbil bʌ ti tsucul taq'uin. Junc'alix jab woli' yubiñob wocol jini israelob. Jini cha'an c'am tsa' caji i pejcañob lac Yum.

1 Samuel 18:12

Saúl tsa' caji' bʌc'ñan David. Come tsi' q'uele an lac Yum yic'ot. Pero lac Yum tsa'ix i cʌyʌ Saúl.

1 Samuel 18:14

Tsa' loq'ui ti uts'at, come lac Yum an yic'ot.

1 Samuel 18:5

David tsa' majli baqui jach tsi' sube Saúl. Pejtelel ora tsa' mʌjli i cha'an. Jini cha'an Saúl tsi' yʌq'ue i ye'tel ti xcʌnta soldadojob. Pejtelel winicob uts'at tsi' q'ueleyob yic'ot ja'el jini x'e'telob i cha'an Saúl.