Juezob 1:1 - Chol: I T’an Dios

¹ Che' bʌ tsa' chʌmi Josué, jini israelob tsi' c'ajtibeyob lac Yum: ¿Majqui bʌ junmojt israelob yomob ñaxan majlel cha'an mi' cha'leñob guerra ti' contra jini cananeojob? che'ob.

Chol de Tumbalá Bible

¹ Che' bʌ tsa' chʌmi Josué, jini israelob tsi' c'ajtibeyob lac Yum: ¿Majqui bʌ junmojt israelob yomob ñaxan majlel cha'an mi' cha'leñob guerra ti' contra jini cananeojob? che'ob.

Juezob 1:1 Iomraidhean Croise

1 Reyob 22:5

Josafat tsi' yʌlʌ: Ñaxan c'ajtiben lac Yum bajche' yom mi lac mel, che'en.

Exodo 18:15

Moisés tsi' jac'ʌ: Come jini winicob x'ixicob mi' tilelob ba' añon che' yomob i toj'esʌntel ti Dios.

Exodo 28:30

Yom ma' wotsan ya' ti' tajn jini bujcʌl cha'p'ejl xajlel i c'aba' Urim yic'ot Tumim, am bʌ i c'ʌjnibal cha'an mi la' cʌntesʌntel. Mi caj i yajñel ti' tojlel i pusic'al jini Aarón che' mi' yochel ya' ti cotot. Ya'i mi' ch'ʌm majlel Aarón i c'aba'ob i yalobilob Israel che' bajche' jajayajl mi' yochel.

Numeros 27:21

Jiñʌch mu' bʌ caj i wa'tʌl ti' tojlel jini motomaj Eleazar cha'an mi' yubin bajche' com mi' mel. Joñon mi caj c pejcan Eleazar ya' ti Urim i yejtal bʌ i ña'tʌntel Dios. Jini mi caj i cha' suben Josué yic'ot pejtelel israelob. Che' jini mi caj i toj'esañob majlel, che'en lac Yum.

Juezob 1:27

Manasés ma'anic tsi' choco loq'uel jini chumulo' bʌ ti Betseán mi jinic año' bʌ ti Taanac yic'ot ti xchumtʌl tac, mi jinic año' bʌ ti Dor yic'ot jini xchumtʌl tac, mi jinic año' bʌ ti Ibleam yic'ot jini xchumtʌl tac, mi jinic año' bʌ ti Meguido yic'ot jini xchumtʌl tac. Come jini cananeojob wersa yom chumtʌlob ti jini lum.

Juezob 2:21

Jini cha'an ma'anix mi caj c choc loq'uel jini yan tac bʌ tejclum tsa' bʌ cʌle che' bʌ tsa' chʌmi Josué.

Juezob 2:8

Tsa' chʌmi Josué che' anix lujump'ejl i wʌcc'al (110) i jabilel. Josué (i yalobil Nun) jiñʌch x'e'tel i cha'an lac Yum.

Juezob 2:9

Tsi' mucuyob Josué ya' ti lum i c'aba' Timnatsera am bʌ ti wits i c'aba' Efraín. An ti' tojel jini wits i c'aba' Gaas ya' ti norte.

Juezob 20:18

Ti ora jach tsa' majliyob ti Betel jini israelob cha'an mi' c'ajtibeñob Dios: ¿Majqui ñaxan mi' majlel ti guerra ti' contra jini benjamiñob? che'ob. Lac Yum tsi' jac'beyob: Yom ñaxan mi' letselob jini ch'oyolo' bʌ ti Judá, che'en.

Juezob 20:23

Jini israelob ñaxan tsa' letsiyob majlel ba'an lac Yum. C'am tsi' cha'leyob uq'uel c'ʌlʌl ti ic'ajel. Tsi' c'ajtibeyob lac Yum: ¿Yom to ba mic chʌn cha'len lojon guerra ti' tojlel jini benjamiñob, jini c pi'ʌlob lojon? che'ob. Lac Yum tsi' subeyob: Cha' letsenla ti guerra ti' contrajob, che'en.

Juezob 20:27

Jini israelob tsi' c'ajtibeyob lac Yum ya'i, come ti jim bʌ ora ya'an ti Betel jini Arca i cha'an lac Yum.

Juezob 20:28

Ya' woli' mel i ye'tel Finees i yalobil Eleazar i yalobil bʌ Aarón. Jiñʌch motomaj ti jim bʌ ora. Tsi' yʌlʌyob: ¿Yom ba mic cha' loq'uel lojon ti guerra ti' contra jini benjamiñob jini c pi'ʌlob lojon? ¿Mach ba yomic mij cʌy lojon guerra? che'ob. Lac Yum tsi' yʌlʌ: Yom mi la' cha' contrajiñob ijc'ʌl, come mi caj cʌc'ob ti la' c'ʌb, che'en.

1 Samuel 10:22

Jini cha'an tsi' c'ajtibeyob lac Yum mi maxto anic tilem jini winic. Lac Yum tsi' jac'ʌ: Ya' woli' mujcun i bʌ ya' ba' mi' lojtel jini chubʌ'añʌl, che'en.