Juan 9:34 - Chol: I T’an Dios

³⁴ Jini judíojob tsi' jac'beyob: Jatet cabʌl jax a mul tsa' wila pañimil. ¿Mu' ba a cʌntesañon lojon? che'ob. Tsi' chocoyob loq'uel.

Jiñi Tsiji' bʌ Wen T'añ cha'añ Estudio

³⁴ Jiñi judíojob tsi' jac'beyob: —Jatet ca'bʌl jax a mul tsa' wila pañimil. ¿Mu' ba a cʌntesañon lojon? Tsi' chocoyob loq'uel.

Chol de Tumbalá Bible

³⁴ Jini judíojob tsi' jac'beyob: Jatet cabʌl jax a mul tsa' wila pañimil. ¿Mu' ba a cʌntesañon lojon? che'ob. Tsi' chocoyob loq'uel.

Jiñi Tsiji' bʌ Wen T'añ cha'añ Estudio

³⁴ Jiñi judíojob tsi' jac'beyob: —Jatet ca'bʌl jax a mul tsa' wila pañimil. ¿Mu' ba a cʌntesañon lojon? Tsi' chocoyob loq'uel.

Chol Tila

³⁴ Che' jini, ti subenti: Jatyet an a mul ti ch'ocʌyet. ¿Mu' ba a cʌntisañon lojon je'el, ma' wʌl? che'ob. Ti' chocoyob loq'uel ti junyajlel ti i templo.

Juan 9:34 Iomraidhean Croise

Genesis 19:9

Tsi' yʌlʌyob: Tʌts'ʌ a bʌ ya'i, che'ob. Tsi' yʌlʌyob ja'el: Tsa' tili ili winic ti poj chumtʌl, pero yom ochel ti xmeloñel. Wʌle wen ñumen mi caj c tic'lañet lojon bajche' jini winicob. Tsi' wit chocoyob Lot. Colelix i jem i ti' otot che' bʌ tsi' ñochtayob.

2 Cronicas 25:16

Che' woli to ti t'an jini x'alt'an, Amasías tsi' jac'ʌ: ¿Tsa' ba wa'chocontiyet cha'an ma' toj'esañon? Ch'abix. ¿Mach ba a wujilic mi mejlel c tsʌnsañet? che'en. Jini x'alt'an tsi' cha' sube: Tsiquil che' jini lac Yum woli' ña'tan i jisañet, come leco jax bajche' tsa' mele. Ma'anic tsa' jac'ʌ c t'an, che'en.

Job 14:4

Uts'at anic juntiquil toj bʌ, pero ma'anic. ¿Ch'oyol ba jini sʌc bʌ ti jini mach bʌ sʌquic?

Job 25:4

¿Tojo' ba ti' wut Dios winicob tilemo' bʌ ti x'ixicob? ¿Mach ba lu' anic i mul tsa' bʌ i yilayob pañimil?

Salmos 51:5

Awilan, xmulilon tsa quila pañimil. Añʌch c mul c'ʌlʌl che' cʌntʌbilon i cha'an c ña'.

Exodo 2:14

Tsi' jac'ʌ: ¿Majqui tsi' wa'chocoyet ti yumʌl tic tojlel lojon cha'an ma' cha'len meloñel? ¿A wom ba a tsʌnsañon lojon che' bajche' tsa' tsʌnsa jini egipto? che'en. Moisés tsa' caji ti bʌq'uen. Tsi' ña'ta: Tsiquilix jini tsa' bʌ c cha'le. Che' tsi' ña'ta.

Proverbios 22:10

Choco loq'uel jini xwajleya. Che' jini mux i lajmel a'leya. Mux i lajmel leto yic'ot ts'a'leya.

Proverbios 26:12

¿A cʌñʌ ba winic mu' bʌ i lon q'uel i bʌ ti ñuc? Mi' lon al ts'ʌcʌlix i ña'tʌbal. Ñumen an i ye'tel tonto bʌ bajche' jini winic.

Proverbios 29:1

Jini mach bʌ anic mi' ñoj jac' i tic'ol anquese cabʌl mi' tijq'uel mi caj i bʌc' jilel. Ma'anix i ts'ʌcal.

Isaias 65:5

Mi' lon subeñob i bʌ: “Cʌlen ya'i, mach a tʌlon, come wen sʌcon. Bibi'et”, che'ob. Jini winicob mi' techbeñoñob c mich'ajel.

Isaias 66:5

Ubinla c t'an pejteleletla mu' bʌ la' bʌc'ñañon, mu' bʌ la' jac'beñon c t'an. La' pi'ʌlob mi' ts'a'leñetla. Mi' choquetla loq'uel ti' tojlelob cha'an c'ux mi la' wubin j c'aba'. Mi' wajleñetla: “La' i pʌs i ñuclel lac Yum. La' ñuc'ac la' pusic'al ti lac Yum”, che'ob. Pero mi caj i yʌjq'uelob ti quisin, che'en lac Yum.

Lucas 11:45

Juntiquil xcʌntesa mandar tsi' sube Jesús: Maestro, che' ma' cha'len t'an bajche' jini wolix a wʌ'leñon lojon ja'el, che'en.

Lucas 14:11

Majqui jach chan mi' mel i bʌ mi caj i peq'uesʌntel. Majqui pec' mi' mel i bʌ mi caj i chañ'esʌntel. Che' tsi' yʌlʌ Jesús.

Lucas 18:17

Ti isujm mic subeñetla, jini mach bʌ anic mi' yochel ti' yumʌntel Dios che' bajche' alʌl, ma'anic mi caj i yochel, che'en.

Lucas 6:22

Tijicñayetla che' mi' ts'a'leñetla winicob, che' mi' choquetla, che' mi wajleñetla, che' mi' p'ajob la' c'aba' cha'an tsa' la' ñopo i Yalobil Winic.

Juan 6:37

Pejtelel winicob x'ixicob mu' bʌ i yʌq'ueñon c Tat mi caj i tilelob ba' añon. Majqui jach mi' tilel ma'anic mi caj c choc sujtel.

Juan 8:41

Mi la' cha'len i melbal la' tat, che'en Jesús. Jini judíojob tsa' caji i subeñob: Joñon lojon mach lajalonic lojon bajche' jini tsa' bʌ i yilayob pañimil cha'an ti' ts'i'lel winicob. Juntiquil jach c tat lojon, jiñʌch Dios, che'ob.

Juan 9:2

Jini xcʌnt'añob i cha'añob tsi' c'ajtibeyob: Maestro, ¿chucoch xpots' jini winic che' bʌ tsi' yila pañimil? ¿Majqui tsi' cha'le mulil? ¿Jim ba jini winic? ¿Jim ba i tat i ña'? che'ob.

Juan 9:22

Che'i tsi' cha'leyob t'an i tat i ña' come tsi' bʌc'ñayob judíojob. Come jini judíojob tsi' yʌlʌyob wersa mi' chojquelob loq'uel winicob x'ixicob ti sinagoga mi tsi' subuyob Cristojʌch jini Jesús.

Juan 9:35

Tsi' yubi Jesús chocbilix loq'uel jini winic. Tsa' majli i taj. Tsi' sube: ¿Mu' ba a ñop i Yalobil Dios? che'en.

Juan 9:40

Ya' añob fariseojob yic'ot Jesús. Tsi' yubibeyob i t'an. Tsi' subeyob: ¿Xpots'on ba lojon ja'el? che'ob.

1 Corintios 5:13

Come Dios mi caj i mel jini mach bʌ ochemobic. Chocola loq'uel ti la' tojlel jini xjontolil.

Gálatas 2:15

Joñonla tsa' bʌ la quila pañimil ti Israel, mach i pi'ʌlonicla jini xmulilob, gentilob.

Efesios 2:3

Ti yambʌ ora lajal tsa' ajniyonla che' bajche' yaño' bʌ. Tsa' lac cha'le bajche' yom lac tsucul pusic'al yic'ot lac bʌc'tal yic'ot lac tsucul ña'tʌbal. Tsa' lac techbe i mich'ajel Dios lajal bajche' yaño' bʌ.

1 Pedro 5:5

Che' ja'el, ch'iton winicob, ac'ʌ la' bʌ ti' wenta ancianojob. Ti la' pejtelel chʌn mele la' bʌ ti pec' ti' tojlel la' pi'ʌlob, come Dios mi' contrajin jini mu' bʌ i chañ'esan i bʌ. Mi' yʌq'uen i yutslel i pusic'al jini mu' bʌ i peq'uesan i bʌ.

3 Juan 1:10

Jini cha'an che' mic tilel, mi caj c cha' c'ajtesʌbeñob chuqui woli' mel Diótrefes. Woli' cha'len jop't'an ti laj contra. Mach cojic jach jini. Mach yomic i pʌy ochel la quermanojob ja'el. Mi' tic' ja'el jini yomo' bʌ i pʌyob ochel. Mi' chocob loq'uel ti templo.

3 Juan 1:9

Tsa'ix c ts'ijbubeyob jini mu' bʌ i tempañob i bʌ. Pero jini Diótrefes mu' bʌ i mulan i wa'chocon i bʌ che' bajche' yumʌl ti' tojlelob, ma'anic mi' p'ison lojon ti' wenta.

Apocalipsis 13:17

Ma'anic majch tsa' mejli i cha'len choñoñel mʌñoñel che' ma'anic i marcajlel. I marcajlel jiñʌch i c'aba' jini jontol bʌ bʌte'el o mi i númerojlel i c'aba'.