Juan 9:22 - Chol: I T’an Dios

²² Che'i tsi' cha'leyob t'an i tat i ña' come tsi' bʌc'ñayob judíojob. Come jini judíojob tsi' yʌlʌyob wersa mi' chojquelob loq'uel winicob x'ixicob ti sinagoga mi tsi' subuyob Cristojʌch jini Jesús.

Jiñi Tsiji' bʌ Wen T'añ cha'añ Estudio

²² Che'ʌch tsi' cha'leyob t'añ i tat i ña' come tsi' bʌc'ñayob judíojob, come jiñi judíojob albilobix i cha'añ, wersa mi' chojquelob loq'uel wiñicob x'ixicob ti sinagoga mi tsi' su'buyob Cristojʌch jiñi Jesús.

Chol de Tumbalá Bible

²² Che'i tsi' cha'leyob t'an i tat i ña' come tsi' bʌc'ñayob judíojob. Come jini judíojob tsi' yʌlʌyob wersa mi' chojquelob loq'uel winicob x'ixicob ti sinagoga mi tsi' subuyob Cristojʌch jini Jesús.

Jiñi Tsiji' bʌ Wen T'añ cha'añ Estudio

²² Che'ʌch tsi' cha'leyob t'añ i tat i ña' come tsi' bʌc'ñayob judíojob, come jiñi judíojob albilobix i cha'añ, wersa mi' chojquelob loq'uel wiñicob x'ixicob ti sinagoga mi tsi' su'buyob Cristojʌch jiñi Jesús.

Chol Tila

²² Chʌ'ʌch ti' jac'ʌyob i tyat i ña' como añob i bʌq'uen. Como tsa'ix i lajayob i t'an israelob año' bʌ ye'tyel cha'an mi quejel i junyajlel choc loq'uel ti i templojob majchical jach mi quejel i sub mi jiñʌch yajcʌbil bʌ i cha'an Dios jini Jesús.

Juan 9:22 Iomraidhean Croise

Proverbios 29:25

Majqui jach mi' bʌc'ñan winicob x'ixicob mach librejic. Chucul ti yac yilal. Jini mu' bʌ i xuc'chocon i bʌ ti lac Yum añʌch i coltʌntel.

Isaias 51:12

Joñon la' Yumon. Mic ñuq'uesʌbeñetla la' pusic'al. Mi cʌq'ueñetla la' tijicñʌyel. ¿Yom ba mi la' bʌc'ñan winicob yujilo' bʌ chʌmel? ¿Mach ba lajalobic bajche' pimel?

Isaias 51:7

Ñich'tanla c cha'añet bʌ la, mu' bʌ la' mel chuqui toj, mu' bʌ la' p'is ti la' wenta j cʌntesʌbal. Mach la' bʌc'ñan winicob yujilo' bʌ a'leya. Mach la' mel la' pusic'al che' mi' p'ajetob.

Isaias 57:11

¿Chucoch mach chʌn xuc'uletix quic'ot? ¿Majqui wola' bʌc'ñan? ¿Chucoch ma'anix ma' p'ison ti wenta? ¿Cha'an ba uts mic pʌs c bʌ ti a tojlel?

Lucas 6:22

Tijicñayetla che' mi' ts'a'leñetla winicob, che' mi' choquetla, che' mi wajleñetla, che' mi' p'ajob la' c'aba' cha'an tsa' la' ñopo i Yalobil Winic.

Juan 1:19

Jiñʌch i t'an Juan tsa' bʌ i subu ti isujm che' bʌ tsa' tiliyob motomajob yic'ot levíjob ba'an. Jini motomajob yic'ot levíjob tsa' chojquiyob majlel cha'an judíojob ya' ti Jerusalén. Tsi' c'ajtibeyob: ¿Majquiyet? che'ob.

Juan 16:2

Jini judíojob mi caj i choquetla loq'uel ti sinagoga. Mi caj i c'otel i yorajlel che' mi caj i lon ña'tañob uts'at woli' melbeñob i ye'tel Dios che' mi' tsʌnsañetla.

Juan 19:38

Juntiquil xcʌnt'an i cha'an Jesús, i c'aba' José ch'oyol bʌ ti Arimatea, tsi' ñopo Jesús ti mucul jach, come tsi' bʌc'ña judíojob. Che' bʌ tsa' ujti ili tac, José tsi' c'ajtibe Pilato i bʌc'tal Jesús. Pilato tsi' yʌc'ʌ i t'an. Tsa' majli José. Tsi' ch'ʌmʌ majlel i bʌc'tal Jesús.

Juan 20:19

Che' wolix i yic'an ti ñaxan bʌ q'uin ti semana, tsa' tili Jesús ba'an xcʌnt'añob. Ñup'ul i ti' otot ba' temel añob xcʌnt'añob, come woli' bʌc'ñañob judíojob. Tsa' c'oti Jesús. Ya' wa'al ti yojlilob, tsi' subeyob: La' ñʌch'lec la' pusic'al, che'en.

Juan 7:13

Mucul jach tsi' tajayob ti t'an Jesús come tsi' bʌc'ñayob judíojob.

Juan 9:18

Jini judíojob ma'anic tsi' ñopoyob mi xpots'ʌch che' bʌ tsa' tili Jesús i camben i wut jinto tsi' pʌyʌyob tilel i tat i ña' jini winic tsa' bʌ c'oti i wut.

Juan 9:21

Mach cujilic lojon bajche' tsa' caji ti c'otel i wut. Mach cujilic lojon majqui tsi' cambe i wut. Winiquix calobil. C'ajtibenla. Mi mejlel i bajñel sub, che'ob.

Juan 9:34

Jini judíojob tsi' jac'beyob: Jatet cabʌl jax a mul tsa' wila pañimil. ¿Mu' ba a cʌntesañon lojon? che'ob. Tsi' chocoyob loq'uel.

Juan 9:35

Tsi' yubi Jesús chocbilix loq'uel jini winic. Tsa' majli i taj. Tsi' sube: ¿Mu' ba a ñop i Yalobil Dios? che'en.

Hechos 4:18

Tsi' pʌyʌyob tilel Pedro yic'ot Juan. Tsi' tiq'uiyob cha'an ma'anic mi' chʌn cha'leñob t'an yic'ot cʌntesa ti' c'aba' Jesús.

Hechos 5:13

Yaño' bʌ ma'anic tsi' ñopo i lʌc'tesañob i bʌ cha'an bʌq'uen. Pero jini xñopt'añob tsi' q'ueleyob ti ñuc.

Hechos 5:40

Tsi' jac'beyob i t'an. Che' bʌ tsi' pʌyʌyob ochel jini apóstolob, tsi' bajbeyob. Tsi' subeyob cha'an ma'anic mi' chʌn cha'leñob t'an ti' c'aba' Jesús. Tsi' coloyob.

Apocalipsis 21:8

Jini muc'o' bʌ ti bʌq'uen, yic'ot jini mach bʌ anic mi' ñopob, yic'ot jini bibi'o' bʌ, yic'ot stsʌnsajob, yic'ot mu' bʌ i cha'leñob ts'i'lel, yic'ot xwujtob, yic'ot xch'ujutesa dioste'ob, yic'ot pejtelel xlotob mi caj i tajob i yajñib ya' ti c'ajc woli bʌ ti pulel yic'ot azufre. Jiñʌch i cha'yajlel mi' chʌmelob, che'en.