Juan 8:48 - Chol: I T’an Dios

⁴⁸ Jini judíojob tsi' jac'beyob: ¿Mach ba isujmic tsa' bʌ c subu lojon, samaritanojet? An a xibʌjlel, che'ob.

Jiñi Tsiji' bʌ Wen T'añ cha'añ Estudio

⁴⁸ Jiñi judíojob tsi' jac'beyob, tsi' su'beyob: —¿Mach ba isujmic tsa' bʌ c su'bu lojon, samaritanojet yic'ot añ a xi'bʌjlel?

Chol de Tumbalá Bible

⁴⁸ Jini judíojob tsi' jac'beyob: ¿Mach ba isujmic tsa' bʌ c subu lojon, samaritanojet? An a xibʌjlel, che'ob.

Jiñi Tsiji' bʌ Wen T'añ cha'añ Estudio

⁴⁸ Jiñi judíojob tsi' jac'beyob, tsi' su'beyob: —¿Mach ba isujmic tsa' bʌ c su'bu lojon, samaritanojet yic'ot añ a xi'bʌjlel?

Chol Tila

⁴⁸ Che' jini, israelob ti' subeyob Jesús: An chʌ bʌ och ti lojon cʌlʌ ch'oyolet ti pañimil Samaria bʌ i c'aba' como an xiba ti a pusic'al, che'ob.

Juan 8:48 Iomraidhean Croise

Isaias 49:7

Che'ʌch woli' yʌl lac Yum, la Caj Coltaya, jini Ch'ujul Bʌ ti Israel. Che'ʌch tsa' subenti jini ts'a'lebil bʌ, jini p'ajbil bʌ cha'an winicob, i mozo yumʌlob: “Ba' ora mi' q'uelet jini reyob yic'ot jini yumʌlob, mi caj i wa'tʌlob ti a tojlel. Mi caj i c'uchchocoñob i bʌ ti' tojel a wut cha'an tsac yajcayet”. Che' tsi' yʌlʌ lac Yum, jini Xuc'ul Bʌ, jini Ch'ujul Bʌ i cha'an Israel.

Isaias 53:3

Ts'a'lebil ti winicob x'ixicob, cʌybil ja'el. Cabʌl tsi' yubi ch'ijiyem bʌ yic'ot wocol. Tsa' lac mʌyʌ lac wut cha'an ma'anix mi lac chʌn q'uel. Che' ts'a'lebil jini winic ma'anic tsa' lac p'isi ti wenta.

Mateo 10:25

La' ajnic jini xcʌnt'an che' bajche' i maestro. La' ajnic jini x'e'tel che' bajche' i yum. Mi tsa' pejcʌnti i yum otot ti Beelzebub, ¿mach ba ñumen lecojic mi caj i pejcʌntelob jini año' bʌ ti' yotot?

Mateo 10:5

Jesús tsi' choco majlel jini lajchʌntiquil. Tsi' yʌq'ueyob mandar: Mach mi la' majlel ba'an gentilob. Mach mi la' wochel mi ti jump'ejlic i tejclum jini samaritanojob.

Mateo 11:18

Come tsa' tili Juan. Ma'anic chuqui tsi' c'uxu. Ma'anic chuqui tsi' japʌ. Woli' yʌlob: “An i xibʌjlel”, che'ob.

Mateo 12:24

Che' bʌ tsi' yubiyob fariseojob tsi' yʌlʌyob: Ti' p'ʌtʌlel jach Beelzebú, i yum xibajob, mi' choc loq'uel xibajob jini winic, che'ob.

Mateo 12:31

Jini cha'an mic subeñetla, pejtelel mulil yic'ot p'ajoñel mi mejlel i ñusʌbentel winicob x'ixicob. Cojach jini p'ajoñel ti' contra Espíritu mach mejlic ti ñusʌbentel.

Mateo 15:7

Cha'p'ejl jax la' pusic'al. Isujmʌch bajche' tsi' tajayetla ti t'an Isaías che' bʌ tsi' yʌlʌ:

Juan 1:19

Jiñʌch i t'an Juan tsa' bʌ i subu ti isujm che' bʌ tsa' tiliyob motomajob yic'ot levíjob ba'an. Jini motomajob yic'ot levíjob tsa' chojquiyob majlel cha'an judíojob ya' ti Jerusalén. Tsi' c'ajtibeyob: ¿Majquiyet? che'ob.

Juan 10:20

Cabʌl winicob tsi' yʌlʌyob: An i xibʌjlel. Sojquem i jol. ¿Chucoch mi la' chʌn ubin? che'ob.

Juan 13:13

Mi la' pejcañon ti la' Maestro yic'ot ti la' Yum. Uts'at chuqui mi la' wʌl, come isujm joñonʌch.

Juan 4:9

Jini x'ixic ch'oyol bʌ ti Samaria tsi' sube Jesús: Jatet judíojet. ¿Chucoch ma' c'ajtibeñon ja'? come samaritanojon. Judíojob ts'a' mi q'uelob samaritanojob, che'en.

Juan 7:20

Tsi' jac'beyob: An a xibʌjlel. ¿Majqui yom i tsʌnsañet? che'ob.

Juan 8:22

Judíojob tsa' caji' c'ajtibeñob i bʌ: ¿Mu' ba caj i tsʌnsan i bʌ? come mi' yʌl: “Baqui mic majlel mach mejliquetla ti majlel”. Che' mi' yʌl, che'ob.

Juan 8:52

Jini judíojob tsi' subeyob: Wʌle cujilix lojon an a xibʌjlel. Abraham tsa' chʌmi, che' ja'el x'alt'añob. Jatet wola' wʌl mi an majqui mi' ch'ujbibeñet a t'an, ma'anic mi' caj ti chʌmel ti pejtelel ora.

Romanos 15:3

Come Cristo ma'anic tsi' mele chuqui yom i bajñel pusic'al, che' bajche' ts'ijbubil: “Che' bʌ tsi' yʌ'leyetob, tsi' yʌ'leyoñob”, che'en.

Hebreos 13:13

Jini cha'an la' lac lʌc'tesan lac bʌ ba'an Jesús ti junwejl i ti' tejclum. La' laj cuch lac ts'a'lentel che' bajche' Jesús.

Santiago 2:19

¿Am ba ti la' tojlel mu' bʌ i lon ña'tan jasʌl mi lac to'ol ñop juntiquil jach jini mero Dios? Isujm juntiquil jach, pero mach jasʌlic mi lac to'ol ñop, come jini xibajob ja'el mi' ñopob, che' tsiltsilñayob ti bʌq'uen.