Juan 7:37 - Chol: I T’an Dios

³⁷ Che' ti' xojt'ibal q'uin, ti jini ñuc bʌ q'uin, Jesús tsa' wa'le. C'am tsi' cha'le t'an. Tsi' yʌlʌ: Mi an majqui an i tiquin ti', la' ba' añon, la' i jap.

Jiñi Tsiji' bʌ Wen T'añ cha'añ Estudio

³⁷ Che' ti' yujtibal jiñi ñuc bʌ q'uiñijel, Jesús tsa' wa'le, c'am tsi' cha'le t'añ, tsi' yʌlʌ: —Mi añ majqui añ i tiquinti', la' tilic ba'añon, la' i jap ja'.

Chol de Tumbalá Bible

³⁷ Che' ti' xojt'ibal q'uin, ti jini ñuc bʌ q'uin, Jesús tsa' wa'le. C'am tsi' cha'le t'an. Tsi' yʌlʌ: Mi an majqui an i tiquin ti', la' ba' añon, la' i jap.

Jiñi Tsiji' bʌ Wen T'añ cha'añ Estudio

³⁷ Che' ti' yujtibal jiñi ñuc bʌ q'uiñijel, Jesús tsa' wa'le, c'am tsi' cha'le t'añ, tsi' yʌlʌ: —Mi añ majqui añ i tiquinti', la' tilic ba'añon, la' i jap ja'.

Chol Tila

³⁷ Ti yujtibal q'uiñejel ti q'uejli ti más ñuc. Ti jim bʌ q'uin ti wa'le Jesús. Ti yʌlʌ ti c'am bʌ t'an: Mi an majch an i tyʌquin ti' la' tyʌlic ba'añon. La' i jape' ja'.

Juan 7:37 Iomraidhean Croise

Nehemias 8:18

Esdras tsi' chʌn q'uele i juñilel i mandar Dios wucp'ejl q'uin. Jini israelob tsi' cha'leyob q'uiñijel wucp'ejl q'uin. Ti' waxʌcp'ejlel q'uin tsi' laj tempayob i bʌ cha'an mi' ch'ujutesañob Dios che' bajche' ts'ijbubil.

Salmos 143:6

Mic letsan j c'ʌb ya' ba' añet. Comet ti pejtelel c pusic'al che' bajche' yom ja' jini tiquin lum.

Salmos 42:2

Tiquin c ti' yubil cha'an com Dios, jini cuxul bʌ Dios. ¿Baqui ora mi mejlel c ñochtan Dios?

Salmos 63:1

Dios, jatet c Dioset, wolic bʌc' sʌclañet. Tiquin jax c ti' yubil cha'an com c tajet. Ti pejtelel c pusic'al comet. Lajalon bajche' tiquin lum yilal mach bʌ anix i c'ʌjñibal che' ma'anic ja'.

Proverbios 1:20

Jini mach bʌ anic i p'isol i ña'tʌbal mi' cha'len t'an ti calle tac. Mi' yubibentel i t'an ti bij.

Proverbios 8:1

Jini mach bʌ anic i p'isol i ña'tʌbal c'am mi' cha'len t'an. Jini mu' bʌ i wen ch'ʌmben isujm mi' pʌyonla cha'an mi la cubiben i t'an.

Proverbios 8:17

Mij c'uxbin jini mu' bʌ i cha'leñob wersa i tajob wen bʌ i ña'tʌbal. Jini mu' bʌ i sajcañob wen bʌ i ña'tʌbal mi caj i tajob.

Proverbios 8:3

Ya' ba' mi' cha'leñob meloñel ti' ti' tac tejclum c'am mi' cha'len t'an.

Proverbios 9:3

Tsi' choco majlel xpʌyoñelob ti tejclum ba' mi' rusin i bʌ bij cha'an mi' pʌyob tilel xñumelob.

Cantares 5:1

(Jini rey Salomón:) Tsa'ix juliyon tic pʌc'ʌb, quijñam c pi'ʌlet bʌ. Wolix c tuc' mirra yic'ot yambʌ xojocña bʌ c cha'an. Wolij c'ux chab. Wolic jap vino yic'ot lech. (Jini xch'ocob ti Jerusalén:) Che'ʌch yom, c'uxula, japʌla ti pejtelel a pusic'al, come temeletla mu' bʌ la' c'uxbin la' bʌ. Yom tijicñayetla. (Jini xch'oc:)

Isaias 12:3

Jini cha'an tijicña mi caj lac jac' la caj Coltaya cha'an mi lac taj lac wenlel ti' tojlel, che' bajche' mi lac luch ja' ti' loq'uib ja' che' tiquin lac ti'.

Isaias 40:2

Pejcañob ti uts bʌ t'an jini año' bʌ ti Jerusalén. Subeñob cha'an tsa'ix ñumi i yorajlel i ch'ijiyemlel i pusic'al. Ñusʌbilix i mul. Cha' ñumelix mi caj cʌq'ueñob i yutslel c t'an cha'an tsa'ix i ñusayob wocol cha'an i mul, che'en Dios.

Isaias 40:6

Ubiben i t'an jini winic mu' bʌ i yʌl: “Subu”, che'en. “¿Chuqui yom mic sub?” cho'on. Subu ñumel ili t'an: “Lajalonla bajche' pimel mu' bʌ i chʌmel. Pejtelel lac ñuclel lajalʌch bajche' i nich pimel.

Isaias 44:3

Joñon mi caj c choc tilel ja'al ya' ba' tiquin pañimil. Mi caj c ñusan colem ja' ya' ti' tiquiñal pañimil. Mi caj cʌq'ueñob quEspíritu a p'olbal. Mi caj cʌq'ueñob i yutslel c t'an a walobilob.

Isaias 55:1

Yom ma' jal'an jumuc', majqui jach an i tiquin ti'. La' tilic i jap ja' mu' bʌ cʌc'. Jini mach bʌ añobic i taq'uin, la' tilicob i c'ux waj i jap vino yic'ot lech ti' majtan jach.

Isaias 55:3

La'la ba' añon. Ubinla c t'an. Ñich'tañonla cha'an chʌn cuxul mi la' wajñel. Mi caj c mel xuc'ul bʌ t'an la' wic'ot. Mi caj c p'untañetla. C'ux mi cubiñetla che' bajche' tsaj c'uxbi David.

Isaias 58:1

Cha'len c'am bʌ oñel. Mach a cha'len bʌq'uen. Cha'len t'an che' bajche' trompeta. Tiq'ui c cha'año' bʌ cha'an i mul.

Jeremias 16:19

C Yum, ma'anic c bajñel p'ʌtʌlel. An jach c p'ʌtʌlel ti jatet. I wentajet ts'ajquibil bʌ otot tic joytʌlel. C puts'ibet ti' yorajlel wocol. Mi caj i tilelob ba' añet winicob ti jujunwejl pañimil. Mi caj i yʌlob: Tsi' ñopoyob lot c tat lojon. Tsi' lon tsajcayob jini mach bʌ isujmic, mach bʌ anic i c'ʌjñibal. Che' mi caj i yʌlob.

Jeremias 2:2

Cucu subeñob c t'an jini winicob ti Jerusalén: “C'ajal to c cha'an bajche' añet che' ch'o'ch'oquet. Wen bʌxet tic tojlel. Wen cabʌl a c'uxbiya che' bajche' ti' yorajlel ñujpuñijel. Tsa' wen tsajcayon ti colem tiquin lum ba' ma'anic pʌc'ʌbʌl.

Ezequiel 47:9

Baqui jach mi' ñumel mi caj i p'ojlel pejtel cuxul tac bʌ. Mi' caj ti p'ojlel chʌy ti Chʌmen bʌ Ñajb, come mi' caj ti yʌx'an i ya'lel. Baqui jach mi' majlel jini ja' mi caj i cuxtʌyel pejtel chuqui tac an.

Levitico 23:36

Wucp'ejl q'uin yom mi la' pulbeñon c majtan. Che' ti' waxʌcp'ejlel q'uin mi caj la' nich'tan jini ch'ujul bʌ cʌntesa, mi caj la' wʌq'ueñon jini pulbil bʌ c majtan. Jiñʌch i yujtibal jini tijicña bʌ q'uiñijel. Mach yomic mi la' cha'len e'tel.

Levitico 23:39

Che' ti jilibal septiembre che' mi' yujtel c'ajbal, yom mi la' mel q'uin tic tojlel. Jini ñaxan bʌ q'uin jiñʌch i q'uiñilel c'aj o yic'ot jini waxʌcp'ejlel q'uin.

Miqueas 6:9

Lac Yum woli ti t'an ti pejtelel Jerusalén. Jini winic am bʌ i ña'tʌbal, la' i ñʌch'tʌben i t'an. Talob la' contrajob mu' bʌ caj i jisañetla. Lac Yum woli' chocob tilel.

Zacarias 9:15

I Yum Panchan yic'ot Pañimil mi caj i cʌntan i tejclumob. Jini israelob mi caj i mʌjlel i cha'añob. Mi' cajelob ti oñel che' bajche' xyʌc'ajelob. Cabʌl mi caj i bejq'uel i ch'ich'el i contrajob.

Numeros 29:35

Che' ti waxʌcp'ejl q'uin jiñʌch ñuc bʌ q'uiñijel. Mach mi la' cha'len e'tel.

Mateo 11:28

La' ba' añon pejteletla woliyet bʌ la ti wocol e'tel, al bʌ la' cuch. Joñon mi cʌq'ueñetla la' c'aj la' wo.

Mateo 3:3

Come jiñʌch jini Juan tsa' bʌ tajle ti' t'an jini x'alt'an Isaías che' bʌ tsi' yʌlʌ: “I t'an juntiquil winic mu' bʌ i cha'len c'am bʌ t'an ti jochol bʌ lum: Chajpanla i bijlel lac Yum. Pʌtʌla majlel mucubij i cha'an”, che'en.

Mateo 5:6

Tijicñayob jini año' bʌ i wi'ñal i pusic'al yic'ot i tiquin ti' cha'an chuqui toj, come mi caj i bujt'esʌntelob i pusic'al.

Juan 1:23

Juan tsi' yʌlʌ: Joñonʌch mu' bʌ c cha'len c'am bʌ t'an ti jochol bʌ lum. “Pʌtʌla majlel i bijlel lac Yum”, cho'on, che' bajche' tsi' yʌlʌ jini x'alt'an Isaías, che'en.

Juan 14:6

Jesús tsi' sube: Joñon i bijlelon isujmlelon, i cuxtʌlelon. Ma'anic majch mi' c'otel ba'an c Tat, jini jach am bʌ tic wenta.

Juan 4:10

Jesús tsi' jac'be: Tsa'ic a cʌñʌ a majtan ch'oyol bʌ ti Dios, tsa'ic a cʌñʌ jini woli' bʌ i c'ajtibeñet ja', tsa'ix a c'ajtibeyon ja' cha'an mi cʌq'ueñet cuxul bʌ ja', che'en.

Juan 4:11

Jini x'ixic tsi' sube: Maestro, ma'anic a lucho' ja'. Tam i ch'eñal ja'. ¿Baqui ma' taj jini cuxul bʌ ja'? che'en.

Juan 4:14

Majqui jach mi' jap ja' mu' bʌ cʌq'uen, ma'anix mi caj i chʌn tiquin i ti', come jini ja' mu' bʌ cʌq'uen mi' caj ti ajñel ti' pusic'al che' bajche' bulux ja' cha'an mi' yʌq'uen i cuxtʌlel mach bʌ anic mi' jilel. Che' tsi' yʌlʌ Jesús.

Juan 5:40

Jatetla mach la' womic la' tilel ba' añon cha'an mi la' taj la' cuxtʌlel.

Juan 6:35

Jesús tsi' subeyob: Joñon Wajon mu' bʌ i yʌq'ueñetla la' cuxtʌlel. Jini mu' bʌ i tsajcañon ma'anic ba' ora mi caj i yubin wi'ñal. Jini mu' bʌ i ñopon ma'anic ba' ora mi caj i tiquin i ti'.

Juan 6:37

Pejtelel winicob x'ixicob mu' bʌ i yʌq'ueñon c Tat mi caj i tilelob ba' añon. Majqui jach mi' tilel ma'anic mi caj c choc sujtel.

Juan 6:55

Come c bʌc'tal jiñʌch mero we'elʌl, c ch'ich'el jiñʌch mero japbil bʌ.

Juan 7:28

C'am tsa' caji ti t'an Jesús ti Templo. Tsi' cha'le cʌntesa. Tsi' yʌlʌ: Mi woli la' cʌñon, la' wujil ja'el baqui ch'oyolon. Ma'anic tsac bajñel ña'ta tilel. Jini tsa' bʌ i chocoyon tilel isujm Diosʌch. Pero ma'anic mi la' cʌn.

1 Corintios 10:21

Mach mejlic mi la' jap ti' vaso lac Yum mi woli la' jap ti' vaso xibajob. Mach mejlic la' c'ux waj ti' mesa lac Yum mi woli la' c'ux waj ti' mesa xibajob.

1 Corintios 11:25

Che' ja'el, tsi' ch'ʌmʌ vaso che' bʌ tsa' ujti ti we'el. Tsi' yʌlʌ: “Jini vaso jiñʌch i yejtal jini tsijib xuc'ul bʌ t'an wa'chocobil bʌ tic ch'ich'el. Che'ʌch yom mi la' cha'len ti jujunyajl che' mi la' jap cha'an mi la' ña'tañon”, che'en.

1 Corintios 12:13

Come juntiquil jach jini Espíritu. Che' bajche' ti ch'ʌmja' tsi' tem otsayonla ti jump'ejl jach i bʌc'tal Cristo, mi judío, mi griego, mi jini am bʌ ti' yum, mi jini mach bʌ anic ti' yum. Tsa' aq'uentiyonla lac ch'ʌm jini jach bʌ Espíritu.

Efesios 5:18

Mach yomic mi la' yʌc'an ti vino, come jiñʌch la' wo'lel yujil bʌ jisaya, pero yom but'uletla ti jini Espíritu.

Apocalipsis 21:6

Tsi' subeyon: Ts'ʌctiyemix ti pejtelel. Joñon tsa' cʌq'ue i tejchibal pejtelel chuqui tac an. Mi cʌq'uen i jilibal. Añon ti' tejchibal. Añon ti' jilibal. Jini am bʌ i tiquin ti', ti' majtan jach mi caj cʌq'uen ja' loq'uem bʌ ti' loq'uib ja' i yejtal bʌ i cuxtʌlel.

Apocalipsis 22:1

Ti wi'il tsi' pʌsbeyon sʌc bʌ colem ja', i yejtal bʌ laj cuxtʌlel. Wen sʌsʌc bajche' espejo. Woli' loq'uel ja' ti' buchlib Dios yic'ot ti' buchlib Tiñʌme'.

Apocalipsis 22:17

Jini Espíritu yic'ot jini xch'oc mu' bʌ cajel ti ñujpuñijel mi' yʌlob: La', che'ob. Jini mu' bʌ i yubin, la' i yʌl: La'. Che' yom mi' yʌl. Jini am bʌ i tiquin ti', la' tilic. Majqui jach yom, la' i jap ja' ti' majtan jach, i yejtal bʌ i cuxtʌlel.