Juan 5:39 - Chol: I T’an Dios

³⁹ Cabʌl woli la' lon q'uel i Ts'ijbujel Dios, come ya' mi la' ña'tan la' taj la' cuxtʌlel mach bʌ anic mi' jilel. Pero wen q'uelela come jiñʌch mu' bʌ i yʌc'on ti cʌjñel.

Jiñi Tsiji' bʌ Wen T'añ cha'añ Estudio

³⁹ Jatetla woli la' wen q'uel i Ts'ijbujel Dios, come mi la' ña'tan cha'añ ya'ʌch mi la' taj la' cuxtʌlel mach bʌ añic mi' jilel; isujm jiñi i Ts'ijbujel Dios jiñʌch mu' bʌ i yʌc'on ti cʌjñel.

Chol de Tumbalá Bible

³⁹ Cabʌl woli la' lon q'uel i Ts'ijbujel Dios, come ya' mi la' ña'tan la' taj la' cuxtʌlel mach bʌ anic mi' jilel. Pero wen q'uelela come jiñʌch mu' bʌ i yʌc'on ti cʌjñel.

Jiñi Tsiji' bʌ Wen T'añ cha'añ Estudio

³⁹ Jatetla woli la' wen q'uel i Ts'ijbujel Dios, come mi la' ña'tan cha'añ ya'ʌch mi la' taj la' cuxtʌlel mach bʌ añic mi' jilel; isujm jiñi i Ts'ijbujel Dios jiñʌch mu' bʌ i yʌc'on ti cʌjñel.

Chol Tila

³⁹ Jatyetla mi la' wen q'uele' jini Ts'ijbubil bʌ i T'an Dios cha'an la' wom la' tyaj la' cuxtyʌlel mach'ʌ yujil jilel. Pero jiñʌch jini Ts'ijbubil bʌ i T'an Dios mi yʌc'on ti cʌjñel.

Juan 5:39 Iomraidhean Croise

Salmos 1:2

Ili winic mi' taj i tijicñʌyel ti' mandar lac Yum, Mi' chʌn ña'tan chuqui yom lac Yum ti q'uinil yic'ot ti ac'ʌlel.

Salmos 119:11

Tsa'ix cotsa a t'an tic pusic'al Cha'an ma'anic mic cha'len mulil ti a contra.

Salmos 133:3

Che' mi' wen pejcañob i bʌ hermanojob Lajalʌch bajche' i ye'eblel Hermón mu' bʌ i yajlel ti wits tac am bʌ ti Sion. Che' mi' wen pejcañob i bʌ hermanojob Mi' tajob i wenlel ti lac Yum mu' bʌ i yʌq'ueñob i cuxtilel mach bʌ anic mi' jilel.

Salmos 16:11

Jatet mi caj a pʌsbeñon jini bij ba'an j cuxtilel. Cabʌl jax c tijicñʌyel ti a tojlel. Ya'an c wenlel ti ñoj bʌ a c'ʌb ti pejtelel ora.

Salmos 21:4

Jini rey tsi' c'ajtibeyet i cuxtilel Cha'an mi' yajñel ti pejtelel ora.

Salmos 36:9

Ya'an cuxul bʌ ja' a wic'ot, i yejtalʌch j cuxtilel lojon. Mij q'uel lojon chuqui tac isujm che' ma' pʌsbeñon lojon i sʌclel a wut.

Proverbios 6:23

Come jini mandar a lamparajʌch. Jini a cʌntesʌntel a c'ʌc'alʌch. Jini a tic'ol mi' cʌntesañet bajche' yom ma' wajñel

Isaias 34:16

Q'uelela i jun lac Yum. Mi' caj i ts'ʌctiyel i t'an. Ya' mi caj i yajñel pejtel ili bʌte'el yic'ot i ña'al. Come che'ʌch tsi' ña'ta lac Yum. Mi caj i wets' tilel pejtelel ili bʌte'el ti' yiq'uilel i yej.

Isaias 8:20

Ña'tanla chuqui ts'ijbubil ti' T'an Dios. Ubinla i t'an: Majqui jach mi' contrajin c t'an jiñʌch payxo x'alt'an. Mach chocbilic tilel c cha'an, come ma'anic i c'ʌc'al. Mach i sujmic i t'an.

Jeremias 8:9

Jini xcʌntesajob woli' yʌjq'uelob ti quisin. Mʌcʌlob i yej. Cʌchʌlob mi caj i majlelob ti yambʌ lum cha'an tsi' juch'teq'ueyob i t'an lac Yum. Tsiquil che' jini ma'anic i ña'tʌbal.

Daniel 12:2

Cabʌl jini chʌmeño' bʌ mi caj i ch'ojyelob cha'an mi' tajob i cuxtilel mach bʌ anic mi' jilel. Yaño' bʌ mi caj i ch'ojyelob cha'an mi' yubiñob quisin mach bʌ anic mi' lajmel ti pejtelel ora.

Mateo 22:29

Jesús tsi' subeyob: Cabʌl la' sajtemal come mach cʌñʌlic la' cha'an i Ts'ijbujel Dios mi i p'ʌtʌlel Dios.

Marcos 10:3

Jesús tsi' c'ajtibeyob: ¿Chuqui tsi' subeyetla Moisés ti mandar? che'en.

Marcos 12:10

¿Mach ba anic tsa' la' q'uele jini t'an ti' ts'ijbujel Dios?: “Jini jach bʌ xajlel tsa' bʌ i chocoyob xmel ototob, tsa'ix otsʌnti ti ñaxan bʌ i xujc otot.

Lucas 16:29

Abraham tsi' sube: “An i cha'añob i jun Moisés yic'ot x'alt'añob. La' i yubibeñob i t'an”, che'en.

Lucas 16:31

Abraham tsi' sube: “Mi ma'anic mi' jac'beñob i t'an Moisés yic'ot x'alt'añob, mach muq'uic i ñopob ja'el anquese mi' ch'ojyel loq'uel juntiquil ba'an chʌmeño' bʌ”, che'en. Che' tsi' yʌlʌ Jesús.

Lucas 24:25

Jesús tsi' subeyob: Tontojetla, jal mi la' ñop ti la' pusic'al pejtelel chuqui tsi' yʌlʌyob x'alt'añob.

Lucas 24:27

Jesús tsa' caji i subeñob i sujmlel pejtelel i Ts'ijbujel Dios ba' tsa' tajle ti t'an c'ʌlʌl ti' jun Moisés c'ʌlʌl ti' jun pejtelel x'alt'añob.

Lucas 24:44

Jesús tsi' subeyob: Jiñʌch tsa' bʌ c subeyetla che' añon to quic'otetla cha'an wersa mi' yujtel pejtelel chuqui tac ts'ijbubil cha'añon ti' mandar Moisés yic'ot ti' jun x'alt'añob yic'ot ti Salmos, che'en.

Juan 1:45

Felipe tsi' taja Natanael. Tsi' sube: Tsa'ix c taja lojon jini Cristo, ña'tʌbil bʌ ti jini mandar tsa' bʌ i ts'ijba Moisés, yic'ot ti' ts'ijbujel jini x'alt'añob. Jiñʌch Jesús ch'oyol bʌ ti Nazaret, i yalobil José, che'en.

Juan 5:32

An yambʌ mu' bʌ i yʌc'on ti cʌjñel. Cujil isujm i t'an jini mu' bʌ i yʌc'on ti cʌjñel.

Juan 5:36

Anto yan tac bʌ mu' bʌ i yʌc'on ti cʌjñel. Ñumen ñuc jini bajche' i t'an Juan. Jiñʌch que'tel tsa' bʌ i yʌq'ueyon c Tat cha'an mic mel ti ts'ʌcʌl. Jini que'tel mu' bʌ c cha'len, mi' yʌc'on ti cʌjñel cha'an mi la' ña'tan tsi' chocoyon tilel c Tat.

Juan 5:40

Jatetla mach la' womic la' tilel ba' añon cha'an mi la' taj la' cuxtʌlel.

Juan 5:46

Tsa'ic la' ñopo Moisés, tsa' la' ñopoyon ja'el, come tsi' tajayon ti t'an ti' ts'ijbujel.

Juan 7:52

Jini fariseojob tsi' c'ajtibeyob: ¿Jatet ch'oyolet ba ti Galilea ja'el? Q'uele ti uts'at jini ts'ijbubil bʌ. Ma'anic x'alt'an ch'oyol bʌ ti Galilea, che'ob.

Hechos 13:27

Jini chumulo' bʌ ti Jerusalén yic'ot i yumob ma'anic tsi' cʌñʌyob Jesús. Ma'anic tsi' ch'ʌmbeyob isujm i t'an jini x'altañob mu bʌ i q'uejlel ti jujump'ejl i q'uiñilel c'aj o. Tsi' ts'ʌctesʌbeyob i t'an x'alt'añob che' bʌ tsi' yʌc'ʌyob ti chʌmel Jesús.

Hechos 17:11

Jini año' bʌ ti Berea ñumen weñob bajche' jini año' bʌ ti Tesalónica come ti jump'ejl jach i pusic'al tsi' jac'ʌyob jini t'an. Ti jujump'ejl q'uin tsi' wen q'ueleyob i Ts'ijbujel Dios cha'an mi' ña'tañob mi isujm chuqui tsa' subentiyob.

Hechos 26:27

Rey Agripa, ¿mu' ba a ñopben i t'an x'alt'añob? Cujil ma' ñop, che'en Pablo.

Romanos 1:2

Jiñʌch jini wen t'an tsa' bʌ i wʌn subu Dios ti ch'ujul bʌ i Ts'ijbujel, ts'ijbubil bʌ i cha'an x'alt'añob.

Romanos 3:2

Cabʌl, come jiñobʌch tsa' bʌ aq'uentiyob i t'an Dios ti ñaxan.

Deuteronomio 18:15

Lac Yum Dios muq'uix i wa'chocon juntiquil X'alt'an loq'uem bʌ ti la' tojlel che' bajche' joñon. Mero la' pi'ʌl. Yom mi la' jac'ben i t'an.

Deuteronomio 18:18

Muq'uix caj c wa'chobeñob X'alt'an loq'uem bʌ ti' pi'ʌlob, lajal bajche' jatet. Muq'uix caj cʌq'uen i sub t'an. Mi caj i cha' sub pejtel chuqui mic suben.

Deuteronomio 29:29

Jini mucul tac bʌ an ti' wenta lac Yum Dios. Pero lac cha'añʌch yic'ot i cha'añʌch la calobilob pejtelel jini tsa' bʌ i tsictesʌbeyonla lac Yum ti pejtelel ora, cha'an mi lac jac'ben pejtelel i t'an yic'ot i mandar.

Deuteronomio 32:47

Come ili mandar tac mach to'ol t'anic jach. La' cuxtʌlelʌch. Mi xuc'ul mi la' jac', mi caj la' wen jalijel ti jini lum ya' ti junwejl Jordán ja' baqui mi la' majlel ti chumtʌl. Che' tsi' yʌlʌ Moisés.

Colosenses 3:16

Wen ñopola i t'an Cristo cha'an mi' yʌc' i wut ti la' pusic'al. Cʌntesan la' bʌ. Toj'esan la' bʌ yic'ot wen bʌ la' ña'tʌbal. C'ʌyiben lac Yum salmo tac, yic'ot himno tac, yic'ot c'ay ti' yutslel la' pusic'al. Subenla wocolix i yʌlʌ Dios.

Hebreos 11:16

Pero tsi' pijtayob jini ñumen wen bʌ i lumal am bʌ ti panchan. Jini cha'an ma'anic mi' cha'len quisin Dios che' mi' diosiñob, come tsa'ix i melbeyob i tejclum.

Hebreos 11:35

An meba' x'ixicob tsa' bʌ i cha' pʌyʌyob jini chʌmeño' bʌ i cha'añob tsa' bʌ cha' ch'ojyiyob. Yaño' bʌ tsa' p'ump'un tic'lʌntiyob. Pero ma'anic tsi' jac'ʌyob colel, come yomob i taj jini ñumen uts'at bʌ mu' bʌ caj i yʌq'uentelob ba' ora mi' cha' ch'ojyelob jini chʌmeño' bʌ.

Josue 1:8

Mach yomic ma' cʌy a sub jini mandar. Yom ma' chʌn ña'tan ti a pusic'al ti q'uiñil yic'ot ti ac'ʌlel cha'an ma' jac', cha'an ma' mel pejtelel jini ts'ijbubil bʌ ti mandar. Che' jini mi caj a cha'len xʌmbal ti uts'at. Pejtelel mu' bʌ a mel mi caj i loq'uel ti uts'at.

Apocalipsis 19:10

Tsac pʌcchoco c bʌ ti' tojel i yoc cha'an mic ch'ujutesan jini ángel. Pero tsi' subeyon: Q'uele, mach che'ic yom ma' cha'len. I winicon Dios lajal bajche'et yic'ot a wermanojob mu' bʌ i jac'beñob i t'an Jesús. Ch'ujutesan Dios, che'en. Come jini Espíritu tsa' bʌ i pejcayonla ti Jesús mi' ñijcañonla ti subt'an.