Juan 4:36 - Chol: I T’an Dios

³⁶ Jini mu' bʌ i cha'len c'ajbal mi' taj i tojol. Mi' tempan i chobejtʌbal cha'an i cuxtʌlel mach bʌ anic mi' jilel. Che' jini junlajal tijicña mi' yubin jini mu' bʌ i cha'len pac' yic'ot jini mu' bʌ i cha'len c'ajbal.

Jiñi Tsiji' bʌ Wen T'añ cha'añ Estudio

³⁶ Jiñi mu' bʌ i cha'len c'ajbal mi' taj i tojol yic'ot mi' tempan i chobejtʌbal cha'añ i cuxtʌlel mach bʌ añic mi' jilel. Cha'añ junlajal tijicña mi' yu'bin jiñi mu' bʌ i cha'len pac' yic'ot jiñi mu' bʌ i cha'len c'ajbal.

Chol de Tumbalá Bible

³⁶ Jini mu' bʌ i cha'len c'ajbal mi' taj i tojol. Mi' tempan i chobejtʌbal cha'an i cuxtʌlel mach bʌ anic mi' jilel. Che' jini junlajal tijicña mi' yubin jini mu' bʌ i cha'len pac' yic'ot jini mu' bʌ i cha'len c'ajbal.

Jiñi Tsiji' bʌ Wen T'añ cha'añ Estudio

³⁶ Jiñi mu' bʌ i cha'len c'ajbal mi' taj i tojol yic'ot mi' tempan i chobejtʌbal cha'añ i cuxtʌlel mach bʌ añic mi' jilel. Cha'añ junlajal tijicña mi' yu'bin jiñi mu' bʌ i cha'len pac' yic'ot jiñi mu' bʌ i cha'len c'ajbal.

Chol Tila

³⁶ Jini mu' bʌ ti c'ajbal mi' ch'ʌm i tyojol ti' wut mu' bʌ i tyuc'ob. I wut mi quejel i yajñel ti bele' ora. Jini mu' bʌ ti pac' yic'ot jini mu' bʌ ti c'ajbal lajal c'ajacña i yoj mi yubin, che'en. Como ti' laja jini c'ajbal che' bajche' quixtyañu mu' bʌ quejel i ch'ujbin Jesús.

Juan 4:36 Iomraidhean Croise

Proverbios 11:18

Lot jach i ganar jini xjontolil. Isujmʌch i chobejtʌbal jini wen bʌ i melbal.

Proverbios 11:30

Jini tojo' bʌ lajalobʌch bajche' cuxul bʌ te' mu' bʌ i yʌq'ueñonla i wut cha'an laj cuxtʌlel. Cabʌlʌch i pusic'al jini mu' bʌ i pʌyob winicob cha'an mi' sujtelob ti hermanojob.

Daniel 12:3

Jini año' bʌ i ña'tʌbal i cha'año' bʌ Dios, tsa' bʌ i toj'esayob cabʌl winicob, ts'ʌylawob mi caj i yajñelob che' bajche' i c'ʌc'al panchan, che' bajche' i c'ʌc'al ec'.

Mateo 19:29

Jujuntiquil tsa' bʌ i cʌyʌ i yotot, mi i yʌscuñob, mi i yijts'iñob, mi i tat, mi i ña', mi i yalobilob, mi i lumal, cha'an tij c'aba' mi caj i taj yambʌ jo'c'al i ñumel bajche' jini tsa' bʌ i cʌyʌ. Mi caj i taj ja'el i cuxtʌlel mach bʌ anic mi' jilel.

Juan 3:36

Jini mu' bʌ i ñop i Yalobil Dios, an i cha'an i cuxtʌlel mach bʌ anic mi' jilel. Jini mach bʌ anic mi' ñop i Yalobil Dios mach mejlic i yʌq'uentel i cuxtʌlel. Mi' yajñel ti' mich'lel Dios.

Juan 4:14

Majqui jach mi' jap ja' mu' bʌ cʌq'uen, ma'anix mi caj i chʌn tiquin i ti', come jini ja' mu' bʌ cʌq'uen mi' caj ti ajñel ti' pusic'al che' bajche' bulux ja' cha'an mi' yʌq'uen i cuxtʌlel mach bʌ anic mi' jilel. Che' tsi' yʌlʌ Jesús.

Juan 5:24

Isujm, isujm mic subeñetla: Jini mu' bʌ i yubin c t'an, mu' bʌ i ñop jini tsa' bʌ i chocoyon tilel, anix i cuxtʌlel mach bʌ anic mi' jilel. Ma'anic mi' yʌjq'uel ti tojmulil, come mach chʌn chʌmenix. Tsa'ix aq'uenti i cuxtʌlel.

Romanos 1:13

Come yom mi la' ña'tan, hermanojob, anix ora wolic ña'tan tilel ba' añetla. C'ʌlʌl wʌle an chuqui tsi' mʌctayon. Com tilel cha'an mi' p'ojlel xñopt'añob ti la' tojlel che' bajche' ti' tojlel yaño' bʌ gentilob.

Romanos 2:7

Jini mu' bʌ i chʌn cha'leñob chuqui uts'at cha'an yomob i ñuclel yic'ot i c'uxbintel yic'ot i cuxtʌlel mach bʌ anic mi' jilel, mi caj i yʌq'uentelob i cuxtʌlel mach bʌ anic mi' jilel.

Romanos 6:22

Wʌle loc'sʌbiletixla ti' p'ʌtʌlel mulil. I winiquetixla Dios. Woli la' taj la' sʌq'uesʌntel yic'ot la' cuxtilel mach bʌ anic mi' jilel.

Romanos 6:23

An i tojol mulil. Jini mu' bʌ i cha'leñob mulil wersa mi' chʌmelob, jiñʌch i tojol. Pero lac majtan ch'oyol bʌ ti Dios jiñʌch laj cuxtilel mach bʌ anic mi' jilel ti lac Yum Cristo Jesús.

1 Corintios 9:17

Mi ti pejtelel c pusic'al mic sub, an c chobejtʌbal. Mi mach comic c sub jiñʌch c sajtemal, come tsa' aq'uentiyon jini e'tel.

1 Corintios 9:18

¿Chuqui c chobejtʌbal che' jini? Che' mic sub jini wen t'an, jiñʌch c chobejtʌbal che' mic sub i t'an Cristo ti chejachi. Jini cha'an ma'anic mij c'ajtin c tojol cha'an jini wen t'an.

1 Tesalonicenses 2:19

Come ¿chuqui c pijt lojon? ¿Chuqui jini c tijicñʌyel lojon? ¿Chuqui jini c ñuclel lojon? ¿Mach ba jateticla ti' tojlel lac Yum Jesucristo che' mi' tilel?

1 Timoteo 4:16

Cʌntan a bʌ. Chʌn cha'len cʌntesa ti toj. Chʌn ajñen ti' sujmlel, come che' jini mi caj a coltan a bʌ yic'ot jini mu' bʌ i yubiñob a t'an.