Juan 4:32 - Chol: I T’an Dios

³² Jesús tsi' subeyob: An c we'el mach bʌ anic mi la' cʌñe', che'en.

Jiñi Tsiji' bʌ Wen T'añ cha'añ Estudio

³² Jesús tsi' su'beyob: —Añ junchajp c waj yom bʌ mi c'ux mach bʌ la wujilic, —che'en.

Chol de Tumbalá Bible

³² Jesús tsi' subeyob: An c we'el mach bʌ anic mi la' cʌñe', che'en.

Jiñi Tsiji' bʌ Wen T'añ cha'añ Estudio

³² Jesús tsi' su'beyob: —Añ junchajp c waj yom bʌ mi c'ux mach bʌ la wujilic.

Chol Tila

³² Pero Jesús ti' subeyob: An chʌ bʌ mij c'ux mach bʌ ba'an mi la' ña'tyan, che'en.

Juan 4:32 Iomraidhean Croise

Job 23:12

Ma'anic mic ñusʌben i mandar. Tsa'ix c wen lotbe i t'an tic pusic'al.

Salmos 119:103

Tsajatax mi cubin a t'an. Ñumen tsaj bajche' chab.

Salmos 25:14

Jini mu' bʌ i bʌc'ñañob lac Yum mi caj i yajñel yic'ot. Mux i pʌsbeñob jini xuc'ul bʌ i t'an.

Salmos 63:5

Jasʌlon mi caj cubin ti a tojlel che' bajche' jini mu' bʌ i ñaj'an ti wen uts'at bʌ i bʌl i ñʌc'. Mi caj c sub a ñuclel ti c'ay

Proverbios 14:10

Lac bajñel jach mi laj cʌn i wocol lac pusic'al. Che' ja'el i tijicñʌyel lac pusic'al, mach mejlic i cʌn yambʌ.

Proverbios 18:20

Jini uts bʌ i t'an mi caj i taj i tijicñʌyel i pusic'al. Jini mach bʌ wenic i t'an muc'ʌch i toj.

Isaias 53:11

Mi caj i taj i tijicñʌyel i pusic'al cha'an tsi' colta cabʌlob, cha'an tsa' mʌjli i cha'an che' bʌ tsi' yubi wocol. C winicʌch jini toj bʌ. Che' cʌmbilix i cha'an winicob mi caj i yʌc'ob ti q'uejlel ti toj, come i bajñel mi caj i cuchbeñob i mul.

Jeremias 15:16

Tsac taja a t'an. Tsa cotsa tic pusic'al. Tijicñayon cha'an a t'an. Tsa' ñuc'a c pusic'al, come a cha'añon, c Yum, c tatet, I Dioset Panchan yic'ot Pañimil.

Juan 4:31

Che' woli' tilelob, jini xcʌnt'añob tsi' subeyob Jesús ti wocol t'an: Maestro, cha'len we'el, che'ob.

Juan 4:33

Jini cha'an jini xcʌnt'añob tsi' subeyob i bʌ: ¿Am ba majch tsi' ch'ʌmbe tilel chuqui mi' c'ux? che'ob.

Juan 4:34

Jesús tsi' subeyob: Jiñʌch c we'el che' mic mel chuqui yom c Tat tsa' bʌ i chocoyon tilel. Jiñʌch c we'el che' ts'ʌcʌl mic melben i ye'tel.

Hechos 20:35

Ti pejtelel tsa' bʌ c mele tsac pʌsbeyetla bajche' yom mi lac cha'len e'tel cha'an mi laj coltan jini mach bʌ p'ʌtʌlobic. Yom mi la' ña'tan i t'an lac Yum Jesús tsa' bʌ i yʌlʌ: “Ñumen tijicña jini mu' bʌ i yʌc' majtañʌl bajche' jini mu' bʌ i ch'ʌm i majtan”. Che' tsi' yʌlʌ Pablo.

Apocalipsis 2:17

Jini am bʌ i chiquin la' i yubiben i t'an jini Espíritu mu' bʌ i suben xñopt'añob. Jini mu' bʌ i mʌjlel i cha'an mi caj cʌq'uen i c'ux mucul bʌ maná. Mi caj cʌq'uen jump'ejl sʌsʌc bʌ alʌ xajlel, ba' otsʌbil tsiji' bʌ i c'aba'. Ma'anic majch yujil chuqui otsʌbil, cojach jini mu' bʌ i ch'ʌm”.