Juan 4:23 - Chol: I T’an Dios

²³ Tal i yorajlel, i yorajlelix wʌle, che' mi caj i ch'ujutesañob lac Tat ti' Espíritu che' ja'el ti isujm jini mero xch'ujutesayajob. Come lac Tat ja'el mi' sajcan jini mu' bʌ i ch'ujutesañob che' bajche' jini.

Jiñi Tsiji' bʌ Wen T'añ cha'añ Estudio

²³ Tal i yorajlel, i yorajlelix wʌle, che' mi caj i ch'ujutesañob lac Tat ti' Espíritu yic'ot ti isujm; come lac Tat ja'el mi' sajcan jiñi mu' bʌ i ch'ujutesañob che' bajche' jiñi.

Chol de Tumbalá Bible

²³ Tal i yorajlel, i yorajlelix wʌle, che' mi caj i ch'ujutesañob lac Tat ti' Espíritu che' ja'el ti isujm jini mero xch'ujutesayajob. Come lac Tat ja'el mi' sajcan jini mu' bʌ i ch'ujutesañob che' bajche' jini.

Jiñi Tsiji' bʌ Wen T'añ cha'añ Estudio

²³ Tal i yorajlel, i yorajlelix wʌle, che' mi caj i ch'ujutesañob lac Tat ti' Espíritu yic'ot ti isujm; come lac Tat ja'el mi' sajcan jiñi mu' bʌ i ch'ujutesañob che' bajche' jiñi.

Chol Tila

²³ Pero cha'an ti tyʌliyon, tyal i yorojlel mi quejel i ch'ujutisan c Tyat ti' pusic'alob che' mach'an chʌ bʌ an che' mi yoque ch'ujutisan c Tyat am bʌ ti panchan cha'an chʌ'ʌch yom mi ch'ujutisʌntyel ti jini mu' bʌ i ch'ujutisan c Tyat, che'en.

Juan 4:23 Iomraidhean Croise

1 Cronicas 29:17

C Yum Dios, cujil jatet ma' cʌmben i pusic'al winicob x'ixicob. Uts'at ma' q'uelob che' mi' melob chuqui uts'at ti jump'ejl i pusic'al. Ti pejtelel c pusic'al tsa'ix cʌq'ueyet ili a majtan. Che' ja'el ti pejtelelob woli' yʌq'ueñetob a majtan ti' tijicñʌyel i pusic'al.

Salmos 147:11

Pero tijicña lac Yum cha'an jini mu' bʌ i c'uxbiñob, mu' bʌ i xuc'chocoñob i pusic'al ti' yutslel i t'an.

Salmos 17:1

C Yum, yom ma' wubin chuqui toj. Jac'beñon coñel. Jac'beñon coración come mach cujilic lot.

Salmos 32:2

Tijicña jini winic mach bʌ anix mi' tajtʌl i jontolil cha'an ñusʌbil ti Dios. Mach yujilic lot ili winic.

Salmos 51:6

A wom a taj chuqui tac isujm ti' pusic'al winic, Jini cha'an aq'ueñon c wen ch'ʌmben isujm chuqui a wom.

Proverbios 15:8

Lac Yum ts'a'atax mi' q'uel i majtan ti' c'ʌb xjontolilob, pero tijicña i pusic'al cha'an i yoración jini tojo' bʌ.

Cantares 2:14

C cha'añet, xch'oc. Lajalet bajche' x'ujcuts. Mi' muc i bʌ ti' pat xajlel ya' ba lech'el. Pejcañon. La' cubin a t'an, com q'uel a wut. A t'ojol jax.

Isaias 10:20

Ti jim bʌ ora jini mu' bʌ i cʌytʌlob ti Israel yic'ot ti Judá mi caj i ñopob lac Yum, jini Ch'ujul Bʌ ti Israel. Ma'anix mi caj i c'ajtiñob i coltʌntel ti' tojlel asiriajob.

Isaias 29:13

Jini cha'an lac Yum woli' yʌl: Jini winicob x'ixicob mi' pejcañoñob ti' yum, pero ma'anic mi' yumañoñob. Mi' lon ch'ujutesañoñob ti' t'an, che ñajt añob i pusic'al. Woli jach i ñopob i cʌntesʌbal winicob.

Isaias 43:21

Tsa'ix c wʌn mele c winicob cha'an mi' yochelob ti calobil, cha'an mi' tsictesañob i ñuclel j c'aba'.

Isaias 58:2

Ti jujump'ejl q'uin mi' sʌclañoñob yilal. Tijicñayob cha'an cʌntesʌbilob tic bijlel. Mi' lon pʌsob i bʌ che' bajche' winic toj bʌ i melbal xuc'ul bʌ i pusic'al quic'ot. Mi' c'ajtibeñoñob i cʌntesʌntel ti mandar. Tijicñayob mi' ñochtañoñob.

Jeremias 3:10

Che' bʌ tsi' ña'tayon mach ti jump'ejlic i pusic'al tsa' sujti ba' añon, pero tsa' jach i ñopo i lotiñon, che'en lac Yum.

Jeremias 4:2

Wa'chocon a t'an tic tojlel ti' c'aba' jini cuxul bʌ a Yum. Subu chuqui isujm. Cha'len toj bʌ meloñel. Ñopox chuqui uts'at tic wut. Che' jini pejtel winicob ti yan tac bʌ lum mi caj i cʌñoñob cha'an a Yumon. Mi caj i q'ueloñob ti ñuc, che'en lac Yum.

Ezequiel 22:30

Tsac lon sajca juntiquil toj bʌ i pusic'al yujil bʌ coltaya i wentajlel i ts'ajquil jini tejclum cha'an mi' mʌctan c mich'ajel cha'an la' mul, pero mi juntiquilic tsac taja.

Juan 1:17

Come tsa' c'oti jini mandar ti' tojlel Moisés. Pero ti' caj Jesucristo tsa' tili i yutslel i pusic'al Dios yic'ot i sujmlel.

Juan 12:23

Jesús tsi' jac'beyob: I yorajlelix mi caj i yʌq'uentel i ñuclel i Yalobil Winic.

Juan 16:2

Jini judíojob mi caj i choquetla loq'uel ti sinagoga. Mi caj i c'otel i yorajlel che' mi caj i lon ña'tañob uts'at woli' melbeñob i ye'tel Dios che' mi' tsʌnsañetla.

Juan 16:32

Awilan, tal i yorajlel, i yorajelix wʌle, mi caj la' pam pujquel. Ti jujuntiquiletla mi caj la' sujtel ti la' wotot. Mi caj la' cʌyon tic bajñelil. Pero mach c bajñelic, come an quic'ot c Tat.

Juan 4:21

Jesús tsi' sube: X'ixic, ñopoyon. Tal jini ora che' mach wʌ'ic ti wits mi ya'ic ti Jerusalén mi caj la' ch'ujutesan lac Tat.

Juan 5:25

Isujm, isujm mic subeñetla: Tal i yorajlel, i yorajlelix wʌle, che' mi caj i yubibeñob i t'an i Yalobil Dios jini chʌmeño' bʌ. Pejtelel mu' bʌ i yubiñob mi caj i yʌq'uentelob i cuxtʌlel.

Juan 5:28

Mach yomic mi' toj sajtel la' pusic'al cha'an jini c t'an, come tal i yorajlel che' mi caj i yubibeñob i t'an i Yalobil Winic jini año' bʌ ti mucoñibʌl.

Romanos 1:9

Yujil Dios wolic chʌn ña'tañetla ti pejtelel ora che' mic pejcan. Mic melben i ye'tel Dios ti pejtelel c pusic'al ti jini wen t'an mu' bʌ i tsictesan i Yalobil Dios.

Romanos 8:15

Dios tsi' yʌq'ueyetla i yEspíritu. Ma'anic tsi' yotsayetla ti mozo cha'an mi la' mel to'ol e'tel yic'ot bʌq'uen. Mi' yʌq'ueñetla la' ña'tan ochemetla ti' yalobil Dios. Jini cha'an mi la cʌl: Papa, c Tat, cho'onla.

Romanos 8:26

Che' ja'el jini Espíritu mi' coltañonla che' c'uñonla, come mach la cujilic bajche' yom mi lac pejcan Dios. Jini Espíritu mi' c'ajtiben Dios ti wocol t'an chuqui yom ti lac tojlel che' woliyonla ti ajcʌn.

Gálatas 4:6

I yalobiletla. Dios tsi' choco tilel ti lac pusic'al i yEspíritu i Yalobil mu' bʌ i yʌl: Papa, c Tat, che'en.

Efesios 6:18

Cha'lenla oración ti pejtelel ora ti jini Espíritu. Yom mi la' chʌn c'ajtiben chuqui anto yom la' cha'an. Yom yʌxʌl la' wo cha'an mi la' chʌn taj ti oración pejtelel i cha'año' bʌ Dios.

Filipenses 3:3

Tsepbil lac pʌchʌlel ti isujm, joñonla mu' bʌ lac ch'ujutesan Dios ti Espíritu. Mi' ñuc'an lac pusic'al ti Cristo Jesús. La cujil mach mejlic lac bajñel coltan lac bʌ.

Josue 24:14

Jini cha'an yom mi la' bʌc'ñan lac Yum. Yom mi la' ch'ujutesan ti xuc'ul yic'ot ti isujm. Yomix mi la' choc i dioste' tac la' ñojte'elob tsa' bʌ i ch'ujutesayob ya' ti' junwejl jini colem ja' i c'aba' Eufrates yic'ot ti Egipto. Yom mi la' ch'ujutesan lac Yum.

1 Pedro 2:9

Pero i yalobiletla, yajcʌbiletla. Ñuc bʌ motomajetla ti' tojlel jini Rey. Ch'ujul bʌ tejclumetla. I cha'añetla Dios cha'an mi la' sub majlel jini ñuc tac bʌ i melbal Dios, tsa' bʌ i pʌyʌyetla loq'uel ti ic'yoch'an bʌ pañimil. Tsi' yotsayetla ti' sʌclel i yumʌntel.

1 Samuel 12:24

Chʌcʌ q'uele la' bʌ cha'an mi la' wen bʌc'ñan lac Yum, cha'an mi la' ch'ujutesan ti pejtelel la' pusic'al. P'isila ti wenta jini ñuc tac bʌ i ye'tel tsa' bʌ i melbeyetla.