Juan 3:21 - Chol: I T’an Dios

²¹ Jini mu' bʌ i mel chuqui isujm, mi' ñochtan i sʌclel pañimil cha'an mi' tsictiyel i melbal come mi' mel ti' p'ʌtʌlel Dios.

Jiñi Tsiji' bʌ Wen T'añ cha'añ Estudio

²¹ Pero jiñi mu' bʌ i mel chuqui isujm, mi' ñochtan i sʌclel pañimil, cha'añ mi' tsictiyel i melbal cha'añ tilemʌch ti' p'ʌtʌlel Dios. I cha'añ Dios: ; ; ,; ; ; ; ; ; ; ,; ; ; ; ; , I cha'añ Cristo: ,; ; ,; ,; ; ; ; ;

Chol de Tumbalá Bible

²¹ Jini mu' bʌ i mel chuqui isujm, mi' ñochtan i sʌclel pañimil cha'an mi' tsictiyel i melbal come mi' mel ti' p'ʌtʌlel Dios.

Jiñi Tsiji' bʌ Wen T'añ cha'añ Estudio

²¹ Pero jiñi mu' bʌ i mel chuqui isujm, mi' ñochtan i sʌclel pañimil, cha'añ mi' tsictiyel i melbal cha'añ tilemʌch ti' p'ʌtʌlel Dios. I cha'añ Dios: Ex 34.6; Dt 7.7-9; Sal 25.6-7, 10; 103.17-18; Is 54.8-10; Os 11.1-4; Jn 3.16; 14.23; 16.27; Rm 5.5, 8; 8.38-39; Ef 1.4-5; 2.4-5; 1 Jn 3.1; 4.7-12, 16-19 I cha'añ Cristo: Jn 13.1, 34; 14.31; 15.9-10, 12; Rm 8.35, 37; 2 Cor 5.14; Gl 2.20; Ef 3.17-18; 5.2; Ap 1.5

Chol Tila

²¹ Jini mu' bʌ i cha'len chʌ bʌ yes wen tyac bʌ mi' lʌc' i sʌclel mulawil cha'an mi tsictiyel mu' bʌ i cha'len como mi' cha'len ti' p'ʌtyʌlel Dios.

Juan 3:21 Iomraidhean Croise

Salmos 119:105

Jini a t'an lajalʌch bajche' lámpara cha'an coc. I sʌclelʌch c bijlel.

Salmos 119:80

La' c mel ti jump'ejl c pusic'al bajche' ts'ijbubil. Che' jini ma'anic mi caj cubin quisin.

Isaias 26:12

C Yum, aq'ueñon lojon i ñʌch'tilel lojon c pusic'al, come tilem ti jatet pejtel c melbal lojon. Tsa' jach mejliyon lojon cha'an tsa' coltayon lojon.

Isaias 8:20

Ña'tanla chuqui ts'ijbubil ti' T'an Dios. Ubinla i t'an: Majqui jach mi' contrajin c t'an jiñʌch payxo x'alt'an. Mach chocbilic tilel c cha'an, come ma'anic i c'ʌc'al. Mach i sujmic i t'an.

Oseas 14:8

Tsajaletme, Efraín, machme a ñochtan jini dioste' tac. Añet tic wenta. Cuxulon, cabʌlʌch c p'ʌtʌlel. Wolij q'uelet. Lajalon che' bajche' wen yʌx bʌ te' mu' bʌ i yʌq'ueñetla i wut ti pejtelel ora. Tilem ti joñon pejtel chuqui wen am bʌ a cha'an.

Juan 1:47

Jesús tsi' q'uele Natanael che' wolix i tilel ba'an. Tsi' subu: Awilan, isujm jiñʌch juntiquil israel mach bʌ yujilic lot, che'en Jesús.

Juan 3:20

Come pejtelel mu' bʌ i cha'leñob jontolil ts'a' mi' q'uelob i sʌclel pañimil. Ma'anic mi' tilelob ba'an i sʌclel pañimil ame tsictiyic i melbal.

Juan 5:39

Cabʌl woli la' lon q'uel i Ts'ijbujel Dios, come ya' mi la' ña'tan la' taj la' cuxtʌlel mach bʌ anic mi' jilel. Pero wen q'uelela come jiñʌch mu' bʌ i yʌc'on ti cʌjñel.

Juan 7:17

Majqui jach yom i mel chuqui yom c Tat, mi caj i ña'tan mi ch'oyol j cʌntesʌbal ti Dios, o mi ch'oyol tic bajñel pusic'al.

1 Corintios 15:10

Pero wʌle apóstolon cha'an ti' yutslel i pusic'al Dios. Mach lolomic jach tsa' aq'uentiyon i yutslel i pusic'al Dios. Ñumen cabʌl tsac cha'le e'tel bajche' pejtelel yaño' bʌ, pero mach joñonic, jiñʌch i yutslel i pusic'al Dios am bʌ quic'ot.

2 Corintios 1:12

Ñʌch'ʌl lojon c pusic'al come ti' p'ʌtʌlel Dios tsac mele lojon chuqui isujm yic'ot chuqui toj. Jiñʌch c ñuclel lojon. Tsa' ajniyon lojon ti jump'ejl lojon c pusic'al aq'uebilon lojon ti Dios. Che'ʌch tsac pʌsʌ lojon c bʌ wʌ' ti pañimil. Ñumen tsac mele lojon chuqui uts'at ti la' tojlel, mach che'ic bajche' mi' ña'tañob ti pañimil, pero yic'ot i yutslel i pusic'al Dios.

Gálatas 6:8

Jini mu' bʌ i pʌc' chuqui tilem bʌ ti' tsucul pusic'al, mi caj i c'aj toj mulil. Pero jini mu' bʌ i cha'len pac' ti jini Espíritu, mi caj i c'aj i cuxtʌlel mach bʌ anic mi' jilel.

Efesios 5:9

Come i yʌc'bal jini Espíritu jiñʌch pejtelel chuqui uts'at yic'ot pejtelel chuqui toj yic'ot pejtelel chuqui isujm.

Filipenses 1:11

cha'an cabʌl mi' yʌc' i wut toj bʌ la' pusic'al ti' tojlel Jesucristo. Che' jini, mi caj i tsictiyel i ñuclel Dios. Mi caj i subentel wocolix i yʌlʌ.

Filipenses 2:13

Come Dios woli' mel i ye'tel ti la' pusic'al cha'an mi la' mulan yic'ot cha'an mi la' mel chuqui yom Dios.

Colosenses 1:29

Jini cha'an wersa mic cha'len e'tel ti pejtelel c p'ʌtʌlel tilem bʌ ti Cristo woli bʌ ti e'tel tic pusic'al.

Hebreos 13:21

La' i yʌq'ueñetla pejtelel chuqui anto yom la' cha'an, cha'an mi la' mel ti pejtelel ora chuqui yom Dios. La' i mel i ye'tel Dios ti jatetla ti'p'ʌtʌlel Cristo che' bajche' mi' mulan. La' tsictiyic i ñuclel Cristo ti pejtelel ora. Amén.

1 Pedro 1:22

Tsa'ix la' sʌq'uesa la' pusic'al ti' jac'ol i sujmlel. Jini cha'an mi la' c'uxbin la' wermanojob ti isujm. Wen c'uxbin la' bʌ ti jump'ejl la' pusic'al.

1 Juan 1:6

Mi woli lac lon al tem ochemonla ti' ñopol Dios, lac lotʌch mi woliyonla ti xʌmbal ti ic'yoch'an bʌ pañimil, come che' jini ma'anic woli lac jac'ben i sujmlel.

3 Juan 1:11

C'uxbibilet bʌ, mach a tsajcan jontolil. Tsajcan chuqui uts'at. Jini mu' bʌ i cha'len chuqui uts'at i cha'añʌch Dios. Jini mu' bʌ i cha'len jontolil, ma'anic tsi' q'uele Dios.

Apocalipsis 3:15

Cʌmbil c cha'an la' melbal. Ma'anic mi la' wʌc' la' pusic'al cha'an mi la' melbeñon que'tel. Ma'anic mi la' wʌc' la' pusic'al cha'an mi la' contrajiñon. Mach ticʌweticla, mach tsʌwañeticla. Uts'at junchajpic jach la' pensar.