Juan 3:10 - Chol: I T’an Dios

¹⁰ Jesús tsi' jac'ʌ: Jatet maestrojet ti Israel. ¿Mach ba anic ma' ch'ʌmben isujm?

Jiñi Tsiji' bʌ Wen T'añ cha'añ Estudio

¹⁰ Jesús tsi' jac'ʌ: —Jatet maestrojet ti Israel, ¿Mach ba añic ma' ch'ʌmben isujm iliyi?

Chol de Tumbalá Bible

¹⁰ Jesús tsi' jac'ʌ: Jatet maestrojet ti Israel. ¿Mach ba anic ma' ch'ʌmben isujm?

Jiñi Tsiji' bʌ Wen T'añ cha'añ Estudio

¹⁰ Jesús tsi' jac'ʌ: —Jatet maestrojet ti Israel, ¿Mach ba añic ma' ch'ʌmben isujm iliyi?

Chol Tila

¹⁰ Jesús ti' jac'ʌ: Jatyet maestrojet i cha'an lac pi'ʌlob israelob. ¿Mach'a ba'an ma' ña'tyan jini? che' ti yʌlʌ Jesús.

Juan 3:10 Iomraidhean Croise

1 Cronicas 29:19

Xuc'chocoben i pusic'al jini calobil Salomón, cha'an mi' chʌn jac'beñet a mandar yic'ot a t'an yic'ot a subal ti pejtelel ora, cha'an ts'ʌcʌl mi' melob pejtel chuqui tac yom, cha'an mi' yujtel i wa'chocontel a wotot. Come jini cha'an tsa'ix c chajpa ti pejtelel c pusic'al. Che' tsi' yʌlʌ David.

Salmos 51:10

Dios, cha' melbeñon c pusic'al ti sʌc. Cha' mele quespíritu ti tsijib yic'ot ti toj.

Salmos 51:6

A wom a taj chuqui tac isujm ti' pusic'al winic, Jini cha'an aq'ueñon c wen ch'ʌmben isujm chuqui a wom.

Salmos 73:1

Dios mi' pʌsbeñob i yutslel israelob. Isujm mi' pʌsbeñob i yutslel jini sʌc bʌ i pusic'al.

Isaias 56:10

Come laj xpots'ob jini xcʌntayajob, jini x'alt'añob tic tejclum. Ma'anic chuqui mi' q'uelob. Lajalob bajche' uma' bʌ ts'i' mach bʌ yujilic woj, met wʌyʌlob jach bʌ. Mi' wen mulañob wʌyel. Ma'anic mi' ña'tañob che' an bʌbʌq'uen bʌ ti' tojlel c tejclum.

Isaias 9:16

Come jini yumʌlob cabʌl mi' socob winicob x'ixicob. Mi' yʌc'ob ti asiyel jini gobierno.

Jeremias 31:33

Jiñʌch jini tsijib xuc'ul bʌ t'an mu' bʌ c mel yic'ot i p'olbal Israel, che'en lac Yum. Mi caj c ts'ijban c t'an ya' ti' pusic'alob. Che' jini mi caj i mulañob c t'an. Che' jini mero c cha'añʌch mi caj j q'uelob. Che' jini i Dioson.

Ezequiel 11:19

Joñon mi caj cʌq'ueñob tsiji' bʌ i pusic'al yic'ot tsiji' bʌ Espíritu. Mi caj c loc'sʌbeñob jini tsucul bʌ i pusic'al. Mi caj cʌq'ueñob wen bʌ i pusic'al ti' q'uexol jini tsʌts bʌ xajlel yilal am bʌ ti' bʌc'tal,

Mateo 11:25

Ti jim bʌ ora Jesús tsi yʌlʌ: Mic subeñet a ñuclel, c Tat, i Yumet Panchan yic'ot Pañimil. Come tsa' mucbeyob a t'an jini año' bʌ cabʌl i ña'tʌbal yic'ot jini p'ip'o' bʌ i pusic'al, pero tsa' wʌq'ueyob i ch'ʌmbeñob isujm alʌlob.

Mateo 15:14

La' to ajnicob. Xpots'ob jini xpʌs bijob. Mi xpots' jini mu' bʌ i toj'esan majlel xpots', ti' cha'ticlelob mi' yajlelob ti ch'en, che'en Jesús.

Mateo 22:29

Jesús tsi' subeyob: Cabʌl la' sajtemal come mach cʌñʌlic la' cha'an i Ts'ijbujel Dios mi i p'ʌtʌlel Dios.

Lucas 2:46

Che' ñumenix uxp'ejl q'uin tsi' tajayob ti Templo buchul ti' tojlel jini xcʌntesa mandarob. Woli' ñich'tʌbeñob i t'an. Woli' yotsan i c'ajtibal tac ja'el.

Lucas 5:17

Ti jump'ejl q'uin che' woli ti cʌntesa Jesús, ya' buchulob fariseojob yic'ot xcʌntesa mandarob ch'oyolo' bʌ ti pejtelel tejclum ti Galilea yic'ot ti Judea yic'ot ti Jerusalén. An i p'ʌtʌlel lac Yum yic'ot Jesús cha'an mi' lajmesañob.

Juan 3:9

Nicodemo tsi' c'ajtibe Jesús: ¿Bajche' mi' mejlel jini? che'en.

Hechos 5:34

Tsa' ch'ojyi juntiquil fariseo am bʌ i ye'tel, i c'aba' Gamaliel. Jiñʌch mu' bʌ i cʌntesan winicob ti mandar. Ti pejtelelob tsi' q'ueleyob ti ñuc. Tsi' yʌc'ʌ mandar cha'an mi' poj pʌjyelob loq'uel jini apóstolob.

Romanos 2:28

Come mach mero israelobic pejtel i p'olbal Israel. Jini mero tsep pʌchʌlel ja'el mach jinic am bʌ ti lac bʌc'tal.

Deuteronomio 10:16

Yom mi la' sʌq'uesan la' pusic'al i yejtal bʌ tsep pʌchʌlel. Mach la' chʌn ac' ti tsʌts'an la' pusic'al.

Deuteronomio 30:6

Lac Yum Dios mi caj i sʌq'uesan a pusic'al yic'ot i pusic'al a walobilob i wentajʌch tsep pʌchʌlel, che' ma' c'uxbin lac Yum Dios ti pejtelel a pusic'al, yic'ot ti pejtelel a ña'tʌbal, cha'an ma' taj a cuxtilel.

Filipenses 3:3

Tsepbil lac pʌchʌlel ti isujm, joñonla mu' bʌ lac ch'ujutesan Dios ti Espíritu. Mi' ñuc'an lac pusic'al ti Cristo Jesús. La cujil mach mejlic lac bajñel coltan lac bʌ.

Colosenses 2:11

Ti Cristo ja'el tsa' tsejpi la' pʌchʌlel yilal che' bʌ tsa' la' choco i tsuculel la' pusic'al am bʌ ti la' bʌc'tal. Jiñʌch mero tsep pʌchʌlel, mach melbilic ti c'ʌbʌl, i ye'telʌch Cristo.