Juan 21:15 - Chol: I T’an Dios

¹⁵ Che' bʌ tsa' ujtiyob ti we'el, Jesús tsi' sube Simón Pedro: Simón, i yalobilet bʌ Juan, ¿ñumen c'ux ba ma' wubiñon bajche' jini? Pedro tsi' sube: Ñumen cu, c Yum, a wujil mij c'uxbiñet. Jesús tsi' sube: Aq'uen i buc'bal calʌ tiñʌme', che'en.

Jiñi Tsiji' bʌ Wen T'añ cha'añ Estudio

¹⁵ Che' bʌ tsa' ujtiyob ti c'ux waj, Jesús tsi' su'be Simón Pedro: —Simón, i yalobilet bʌ Jonás, ¿ñumen c'ux ba ma' wu'biñon bajche' jiñi? —Che'en. Pedro tsi' su'be: —Ñumen cu, c Yum, awujil mij c'uxbiñet. Jesús tsi' su'be: —Aq'uen i buc'bal calʌ tʌñʌme'.

Chol de Tumbalá Bible

¹⁵ Che' bʌ tsa' ujtiyob ti we'el, Jesús tsi' sube Simón Pedro: Simón, i yalobilet bʌ Juan, ¿ñumen c'ux ba ma' wubiñon bajche' jini? Pedro tsi' sube: Ñumen cu, c Yum, a wujil mij c'uxbiñet. Jesús tsi' sube: Aq'uen i buc'bal calʌ tiñʌme', che'en.

Jiñi Tsiji' bʌ Wen T'añ cha'añ Estudio

¹⁵ Che' bʌ tsa' ujtiyob ti c'ux waj, Jesús tsi' su'be Simón Pedro: —Simón, i yalobilet bʌ Jonás, ¿ñumen c'ux ba ma' wu'biñon bajche' jiñi? Pedro tsi' su'be: —Ñumen cu, c Yum, awujil mij c'uxbiñet. Jesús tsi' su'be: —Aq'uen i buc'bal calʌ tʌñʌme'.

Chol Tila

¹⁵ Che' ti ujtiyob ti uch'el, Jesús ti' c'ajtibe Simón Pedro: Simón i yalobil Jonás, ¿más ba ma' p'untyañon bajche' ili yaño' bʌ? che'en. Pedro ti' jac'ʌ: Muc'ʌch, c Yum. A wujil isujm mic p'untyañet, che'en. Jesús ti' sube: Aq'uen i buc'bal c saj tiñʌme'ob che' jini, che'en. [Tiñʌme' yom i yʌle' oveja.]

Juan 21:15 Iomraidhean Croise

Genesis 33:13

Jacob tsi' yʌlʌ: A wujil c yum, ch'o'ch'ocob to jini alobob. An tic wenta ja'el i ña'al cʌlac' woli bʌ i tsu'san i yal. Mi ti jump'ejl jach q'uin mi cajñesan majlel, che' jini mux i laj chʌmel jini tiñʌme'.

2 Samuel 7:20

¿Chuqui to yom mic subeñet? A winicon, c Yum Dios.

Isaias 40:11

Mi caj i cʌntan i cha'año' bʌ che' bajche' xcʌnta tiñʌme'. Mi caj i tempan tilel jini alʌ to bʌ. Mi caj i mec' majlel ti' tajn. Wen tsajil mi caj i pʌy majlel jini tiñʌme' cʌntʌbilob to bʌ i yal.

Jeremias 23:4

Mi caj cʌq'ueñob xcʌnta tiñʌme' mu' bʌ caj i wen cʌntañob. Ma'anix mi' cajelob ti chʌn bʌq'uen. Ma'anix mi' cajelob ti quisin. Ma'anic sajtem bʌ. Ts'ʌcʌl añob.

Jeremias 3:15

Mi caj cʌq'ueñetla xcʌnta tiñʌme'ob jump'ejl bʌ i pusic'al quic'ot. Mi caj i we'sañet tic t'an i wenta i bʌl la' ñʌc' cha'an mi la' wen ch'ʌmben isujm yic'ot cha'an mi la' wen cʌñon.

Ezequiel 34:23

Mi caj cʌc'ob ti' wenta juntiquil Xcʌntaya mu' bʌ caj i cʌntan c tejclum. Jiñʌch jini c Winic David. Mi caj i cʌntañob che' bajche' Xcʌnta tiñʌme'.

Ezequiel 46:24

Tsi' subeyon cha'an jini levíjob mi' c'ʌñob ili tsalʌl tac cha'an mi' ch'ʌxob we'elʌl mu' bʌ i yʌc'ob winicob x'ixicob cha'an majtañʌl tac.

Mateo 10:37

Jini mu' bʌ i ñumen c'uxbin i tat i ña' bajche' mi' c'uxbiñon mach uts'atic mij q'uel. Jini mu' bʌ i ñumen c'uxbin i yalobil bajche' mi' c'uxbiñon mach uts'atic mij q'uel.

Mateo 16:17

Jesús tsi' jac'ʌ: Tijicña a pusic'al Simón, i yalobilet bʌ Jonás, come mach tilemic ti winicob a ña'tʌbal, pero c Tat am bʌ ti panchan tsi' cʌntesayet.

Mateo 18:10

Chʌcʌ q'uele la' bʌ cha'an ma'anic mi la' ts'a'len mi juntiquilic ch'o'ch'oc bʌ, come mic subeñetla, ya' ti panchan i yángelob jini ch'o'ch'oco' bʌ ti pejtelel ora mi' q'uelbeñob i wut c Tat am bʌ ti panchan.

Mateo 26:33

Pedro tsi' sube Jesús: Mi tsa' tejchi tile bixel bʌ i pusic'al yaño' bʌ cha'an chuqui mi caj a tumbentel, ma'anic ba' ora mi caj i tejchel tile bixel bʌ c pusic'al, che'en.

Mateo 26:35

Pedro tsi' sube: Mi wersa yom mic chʌmel quic'otet, ma'anic mi caj cʌl mach j cʌñʌyetic, che'en. Che'i tsi' yʌlʌyob pejtelel xcʌnt'añob.

Marcos 14:29

Pedro tsi' sube Jesús: Mi tsa' tejchi tile bixel bʌ i pusic'al pejtelelob, mach joñonic, che'en.

Lucas 12:32

Mach mi la' cha'len bʌq'uen anquese mach cabʌleticla come la' Tat tsi' pʌyʌyetla ti' yumʌntel, come che'ʌch yom i pusic'al.

Lucas 22:32

Joñon tsac tajayet ti oración ame a cʌy a ñopon. Che' ma' cha' sutq'uin a bʌ, p'ʌtesan a wermanojob, che'en Jesús.

Juan 1:42

Andrés tsi' pʌyʌ tilel Simón ba'an Jesús. Che' bʌ tsi' q'uele Jesús, tsi' sube: Jatet, Simón, i yalobilet Juan. Mi caj a wotsʌbentel a c'aba' ti Cefas, che'en. (Mi' yʌl ti lac t'an, xajlel.)

Juan 13:37

Pedro tsi' sube: C Yum, ¿chucoch maxto mejlic c tsajcañet majlel? Mi caj cʌc' c bʌ ti chʌmel cha'añet, che'en.

Juan 16:27

Come c Tat ja'el mi' c'uxbiñetla, come jatetla mi la' c'uxbiñon. Tsa'ix la' ñopo tilemon ti Dios.

Juan 21:12

Jesús tsi' subeyob: La' cu la ti we'el, che'en. Jini xcʌnt'añob ma'anic tsi' c'ajtibeyob: ¿Majquiyet? come yujilobix jiñʌch lac Yum.

Juan 21:7

Jini xcʌnt'an c'uxbibil bʌ i cha'an Jesús, tsi' sube Pedro: Jiñʌch lac Yum, che'en. Simón Pedro che' bʌ tsi' yubi ya'an i Yum, tsi' lʌpʌ i bujc, come jochol i cha'an. Tsi' choco ochel i bʌ ti ñajb.

Juan 8:42

Jesús tsi' subeyob: La' tatic Dios, mux la' c'uxbiñon. Come ch'oyolon ti Dios. Ma'anic tsa' tiliyon tic bajñel pusic'al. Dios tsi' chocoyon tilel.

Hechos 20:28

Chʌcʌ q'uele la' bʌ che' jini. Cʌntanla pejtelel jini tiñʌme', come jini Ch'ujul bʌ Espíritu tsi' yʌq'ueyetla la' we'tel ti xcʌntaya cha'an mi la' we'san jini xñopt'añob i cha'año' bʌ Dios tsa' bʌ i mʌñʌ ti' bajñel ch'ich'el.

Hechos 20:29

Come cujil che' majlemonix mi caj i yochelob ti la' tojlel jontol bʌ bʌte'el ts'i'. Ma'anic mi caj i p'untan tiñʌme'.

Romanos 14:1

Jini mach bʌ wolic i ñop ti pejtelel i pusic'al pʌyʌla ochel ti la' wotot. Mach mi la' pʌy ochel cha'an mi la' cʌlʌx pejcan la' bʌ cha'an chuqui woli la' bajñel ña'tan ti la' pusic'al.

Romanos 15:1

Mi p'ʌtʌlonla yom mi laj cuchbeñob i sajtemal jini tile bixelo' bʌ i pusic'al. Mach yomic mi lac mel chuqui yom lac bajñel pusic'al.

1 Corintios 8:11

Che' jini cha'an ti a ña'tʌbal mi caj i sajtel jini winic. Cristo tsa' chʌmi cha'an jini winic.

Gálatas 5:6

Come ti Cristo Jesús ma'anic chuqui mi' cha'len mi tsepbil lac pʌchʌlel, o mi mach tsepbilic lac pʌchʌlel. Pero jiñʌch mero ganar che' ñopolix lac cha'an jini wen t'an mu' bʌ i yʌq'ueñonla laj c'uxbin lac bʌ.

Efesios 4:14

Mach yomix alobon to la. Mach yomic mi lac chʌn ñijcʌyel cha'an i cʌntesa winicob che' bajche' i yopol te' mu' bʌ i ñijcan ic'. Maya jax mi' melob i bajñel sojquemal cha'an mi' lotiñonla.

Efesios 6:24

La' aq'uenticob i yutslel i pusic'al pejtelelob mu' bʌ i c'uxbiñob lac Yum Jesucristo ti pejtelel ora.

Hebreos 13:20

Diosʌch mu' bʌ i ñʌch'chocoñonla. Tsi' teche loq'uel lac Yum Jesucristo ba'an chʌmeño' bʌ. Jiñʌch ñuc bʌ Xcʌnta tiñʌme'. Tsi' beq'ue i ch'ich'el cha'an i sellojlel jini xuc'ul bʌ t'an mach bʌ anic mi' jilel.

Hebreos 4:13

Ma'anic mucul tac bʌ ti' wut Dios. Jamʌl ti' wut pejtel chuqui tac an. Wersa mi caj lac mel lac bʌ ti' tojlel jini mu' bʌ i lu' q'uel.

1 Pedro 1:8

Ma'anic tsa' la' q'uele Jesús, pero mi la' c'uxbin. Ma'anic woli la' q'uel wʌle, pero woli la' ñop. Jini cha'an ma'anic i p'isol i tijicñʌyel la' pusic'al tilem bʌ ti panchan,

1 Pedro 2:2

Yom lajaletla bajche' alʌl, poj ujtel bʌ i yilan pañimil, mu' bʌ i c'ajtin i chu'. Che'ʌch yom mi la' c'ajtin la' chu' ti Espíritu mu' bʌ i we'san la' pusic'al ti' sujmlel, cha'an mi la' colel majlel ti la' coltʌntel,

1 Pedro 2:25

Ti yambʌ ora tsa' sajtiyetla che' bajche' tiñʌme', pero tsa' la' sutq'ui la' bʌ cha'an mi la' tsajcan majlel jini Xcʌnta tiñʌme', jini Xcʌntaya mu' bʌ i coltan la' ch'ujlel.

1 Juan 4:19

Jini cha'an mi laj c'uxbin Dios, come ñaxan tsi' c'uxbiyonla.

1 Juan 5:1

Pejtel mu' bʌ i ñop Cristojʌch jini Jesús, tsa'ix i yila pañimil ti Dios. Majqui jach mi' c'uxbin lac Tat tsa' bʌ i yʌq'ueyonla lac cha' ilan pañimil mi' c'uxbin ja'el i yalobilob.

Apocalipsis 2:23

Mi caj c tsʌnsan i yalobilob Jezabel. Pejtelel xñopt'añob baqui jach mi' tempañob i bʌ mi caj i ña'tañob joñoñʌch mu' bʌ c wen q'uelbeñob i pusic'al yic'ot i ña'tʌbal. Ti jujuntiquiletla mi caj cʌq'ueñetla la' tojol che' bajche' an la' melbal.