Juan 20:17 - Chol: I T’an Dios

¹⁷ Jesús tsi' sube: Mach a chʌn chucon, come maxto anic tsa' letsiyon majlel ba'an c Tat. Cucu ba'an quermanojob. Subeñob: “Mic letsel majlel ba'an c Tat, jiñʌch la' Tat ja'el. Mic letsel majlel ba'an c Dios, jiñʌch la' Dios ja'el”, che'en.

Jiñi Tsiji' bʌ Wen T'añ cha'añ Estudio

¹⁷ Jesús tsi' su'be: —Mach a chucon, come maxto añic tsa' letsiyon majlel ba'añ c Tat; pero cucu ba'añ quermañujob, su'beñob: “Mic letsel majlel ba'añ c Tat, jiñʌch la' Tat ja'el; jiñi c Dios, jiñʌch la' Dios ja'el”, —che'en.

Chol de Tumbalá Bible

¹⁷ Jesús tsi' sube: Mach a chʌn chucon, come maxto anic tsa' letsiyon majlel ba'an c Tat. Cucu ba'an quermanojob. Subeñob: “Mic letsel majlel ba'an c Tat, jiñʌch la' Tat ja'el. Mic letsel majlel ba'an c Dios, jiñʌch la' Dios ja'el”, che'en.

Jiñi Tsiji' bʌ Wen T'añ cha'añ Estudio

¹⁷ Jesús tsi' su'be: —Mach a chucon, come maxto añic tsa' letsiyon majlel ba'añ c Tat; pero cucu ba'añ quermañujob, su'beñob: “Mic letsel majlel ba'añ c Tat, jiñʌch la' Tat ja'el, jiñi c Dios, jiñʌch la' Dios ja'el.”

Chol Tila

¹⁷ Jesús ti' sube: Mach yom a tyʌlon como max tyo letson ya' ba'an c Tyat, pero suben quermañujob cha'an mi quej c letsel ya' ba'an c Tyat, la' Tyat je'el, c Dios, la' Dios je'el, che'en.

Juan 20:17 Iomraidhean Croise

2 Reyob 4:29

Eliseo tsi' sube Giezi i yaj e'tel: Chajpan a bʌ cha'an ma' majlel ti ajñel. Ch'ʌmʌ majlel jini c barate' a wic'ot. Mi tsa' taja winic ti bij mach a pejcan. Mi an majqui mi' yʌq'ueñet cortesía ti bij, mach a jac'ben. Che' c'otemetix yom ma' wʌc' jini barate' ti' wut jini ch'iton, che'en.

2 Reyob 7:9

Che' jini tsa' caji i yʌlob: Mach uts'atic chuqui woli lac mel. Wolix lac bajñel taj i tijicñʌyel lac pusic'al. Yom mi lac t'oxben lac pi'ʌlob. Mi tsa' lac mucu c'ʌlʌl mi' sʌc'an, che' jini bʌbʌq'uen mi lac taj wocol. Jini cha'an conla c suben jini rey chuqui tsa' ujti, che'ob.

Salmos 22:22

Mi caj c subeñob c pi'ʌlob p'ʌtʌlet. Mi caj c sub a ñuclel ti' yojlil jini mu' bʌ i tempañob i bʌ.

Salmos 43:4

Che' jini mi caj c majlel ba'an i puluntib a majtan, c Dios. Jatet i tijicñʌyelet c pusic'al. Jatet c Dioset. Mi caj c sub a ñuclel ti música am bʌ i ch'ajñal.

Salmos 48:14

Come Dios jiñʌch lac Dios ti pejtelel ora. Mi caj i toj'esañonla majlel c'ʌlʌl jinto mi lac chʌmel.

Salmos 68:18

Tsa'ix letsi ti chan. Tsa'ix i pʌyʌyob majlel jini cʌchʌlo' bʌ. Tsa'ix i taja i majtan tac cha'an mi' yʌq'ueñob winicob, Yic'ot jini mu' bʌ i ñusañob i t'an. Wʌ' mi caj i yajñel lac Yum Dios la quic'ot.

Salmos 89:26

Mi caj i pejcañon: Jatet c Tatet, C Dioset, c Xajlelet ba' ch'oyol j coltʌntel, che'en.

Isaias 41:10

Mach a cha'len bʌq'uen, come añon quic'otet. Mach yomic ma' lij a bʌ come a Dioson. Mi caj c wen p'ʌtesañet. Mi caj j coltañet. Mi caj j cʌntañet ti p'ʌtʌl bʌ j c'ʌb jini ñoj bʌ.

Jeremias 31:33

Jiñʌch jini tsijib xuc'ul bʌ t'an mu' bʌ c mel yic'ot i p'olbal Israel, che'en lac Yum. Mi caj c ts'ijban c t'an ya' ti' pusic'alob. Che' jini mi caj i mulañob c t'an. Che' jini mero c cha'añʌch mi caj j q'uelob. Che' jini i Dioson.

Jeremias 32:38

Che' jini mero c cha'añob mi caj j q'uelob. Joñon i Dioson.

Ezequiel 36:28

Mi caj la' chumtʌl ya' ti lum tsa' bʌ cʌq'ue la' ñojte'elob. Mi caj la' wochel tic tejclum. Mi caj cochel ti la' Dios.

Ezequiel 37:27

Ya' ti' t'ejl cotot mi caj i chumtʌlob. Mi caj cochel ti' Dios. Mi caj i yochelob tic tejclum.

Mateo 12:50

Come majqui jach mi' cha'len chuqui yom c Tat am bʌ ti panchan jiñʌch quijts'in, quijti'an yic'ot c ña', che'en Jesús.

Mateo 25:40

Jini Rey mi caj i subeñob: “Isujm mic subeñetla, che' bʌ tsa' la' colta juntiquil quermano, anquese mach ñuquic, tsa' la' coltayon ja'el”, che'en.

Mateo 28:7

Cucula ti ora. Subenla xcʌnt'añob i cha'an: “Tsa'ix ch'ojyi Jesús ba'an chʌmeño' bʌ. Awilan, woli' majlel i pijtañetla ti Galilea. Ya' mi caj la' q'uel”. Awilan, tsa'ix c subeyetla, che'en.

Marcos 12:26

Cha'an i sujmlel jini chʌmeño' bʌ mu' bʌ i tejchelob ch'ojyel, ¿mach ba anic tsa' la q'uele ti' jun Moisés ba' Dios tsi' pejca ti alʌ te'? Dios tsi' sube: “Joñon i Dioson Abraham, i Dioson Isaac, i Dioson Jacob”.

Marcos 16:19

Lac Yum Jesús che' bʌ tsa' ujti i subeñob jini t'an, tsa' pʌjyi letsel ti panchan. Tsa' buchle ti' ñoj Dios.

Lucas 10:4

Mach mi la' ch'ʌm majlel i yajñib taq'uin, mi chim, mi xʌñʌbʌl. Mach mi la' wʌq'ueñob cortesía jini xñumelob ti bij.

Juan 13:1

Che' maxto tilemic i q'uiñilel Pascua, yujilix Jesús tsa'ix tili i yorajlel cha'an mi' cʌy pañimil, cha'an mi' majlel ba'an i Tat. Tsi' c'uxbi i cha'año' bʌ ti pañimil. Ma'anic tsi' cʌyʌ i c'uxbiñob.

Juan 13:3

Yujil Jesús anix ti' wenta pejtelel chuqui tac an come i Tat tsi' yʌq'ue. Yujil ja'el tsa' tili ti Dios, yujil ya' mi' cha' majlel ba'an Dios.

Juan 14:2

Ti' yotot c Tat an cabʌl chumlibʌl. Machic an chumlibʌl, tsac subeyetla, come mic majlel c chajpʌbeñetla la' wajñib.

Juan 14:28

Tsa' la' wubi chuqui tsac subeyetla: “Mic majlel, pero mic cha' tilel ba' añetla”. Tsa'ic la' wen c'uxbiyon, tijicña la' pusic'al cha'an tsac subeyetla mic majlel ba'an c Tat, come ñumen ñuc c Tat bajche' joñon.

Juan 14:6

Jesús tsi' sube: Joñon i bijlelon isujmlelon, i cuxtʌlelon. Ma'anic majch mi' c'otel ba'an c Tat, jini jach am bʌ tic wenta.

Juan 16:28

Tsa' loq'uiyon tilel ba'an c Tat. Tsa' tiliyon ti pañimil. Ti yambʌ ora mi caj j cʌy pañimil. Mi caj c cha' majlel ba'an c Tat, che'en.

Juan 17:11

Mach chʌn añonix ti pañimil pero añob to ti pañimil. Joñon cha' talon ba' añet. C Ch'ujutat, cʌntañob ti a c'aba' jini xñopt'añob tsa' bʌ a wʌq'ueyon cha'an mi' yajñelob ti jump'ejl jach i pusic'al che' bajche' joñonla.

Juan 17:25

Toj bʌ c Tat, ma'anic tsi' cʌñʌyet año' bʌ ti pañimil. Joñon tsaj cʌñʌyet. Yujilob xñopt'añob ja'el tsa' chocoyon tilel.

Juan 17:5

Wʌle, c Tat, pʌsʌ c ñuclel che' bajche' an c cha'an quic'otet che' maxto anic pañimil.

Juan 20:27

Jesús tsi' sube Tomás: Otsan i yal a c'ʌb ilayi. Q'uele j c'ʌb. Sʌts'ʌ a c'ʌb, otsan ti' yebal c ch'i'lat. Mach yomic tsʌts a pusic'al. Ñopoyon, che'en.

Juan 7:33

Jesús tsi' yʌlʌ: Jumuc' jax wʌ' añon la' wic'ot. Mic cha' majlel ya' ba'an jini tsa' bʌ i chocoyon tilel.

Romanos 8:29

Come Dios tsi' wʌn yajca i cha'año' bʌ. Tsi' wʌn wa'chocoyob cha'an mi' yʌq'uentelob i pusic'al lajal bajche' i pusic'al i Yalobil cha'an mi' taj cabʌl i yijts'iñob jini ascuñʌl bʌ.

2 Corintios 6:18

Mi caj cochel ti la' Tat. Mi caj la' wochel ti calobil”, che'en lac Yum mach bʌ anic i p'isol i p'ʌtʌlel.

Gálatas 3:26

I yalobiletla Dios ti la' pejtelel cha'an tsa' la' ñopo Cristo Jesús.

Hebreos 11:16

Pero tsi' pijtayob jini ñumen wen bʌ i lumal am bʌ ti panchan. Jini cha'an ma'anic mi' cha'len quisin Dios che' mi' diosiñob, come tsa'ix i melbeyob i tejclum.

Hebreos 8:10

Mi caj c mel yambʌ xuc'ul bʌ t'an yic'ot jini israelob che' ñumenix cabʌl q'uin. Jiñʌch iliyi: Mi caj cʌq'ueñob i ña'tan c mandar ti' pusic'al. Mi caj i c'uxbiñoñob come i Dioson. Mi caj c cha'aniñob.

1 Pedro 1:3

La' sujbic i ñuclel Dios i Tat lac Yum Jesucristo, come cabʌl tsi' p'untayonla che' bʌ tsi' yʌq'ueyonla lac cha' ilan pañimil. Jini cha'an an cuxul bʌ lac pijtaya, cha'an tsa' cha' tejchi ch'ojyel Jesucristo ba'an chʌmeño' bʌ.

1 Juan 3:2

C'uxbibilo' bʌ, i yalobilonixla Dios. Maxto tsictiyemic bajche' mi caj la cujtel. Pero la cujil che' mi' tsictiyel Cristo mi caj la cajñel lajal bajche' Cristo, come mi caj laj q'uel che' bajche' an.

Apocalipsis 21:3

Tsa cubi c'am bʌ t'an tsa' bʌ loq'ui ti panchan. Tsi' yʌlʌ: Awilan, wʌ'ix an i chumlib Dios yic'ot winicob x'ixicob. Mi caj i chumtʌl yic'otob. Winicob x'ixicob mi caj i yochelob ti' cha'an bʌ Dios. Mi caj i yajñel Dios yic'otob.

Apocalipsis 21:7

Jini mu' bʌ i mʌjlel i cha'an mi caj i ch'ʌm pejtelel chuqui tac an. Joñon i Dioson. Jini mi caj i yochel ti calobil.