Juan 20:16 - Chol: I T’an Dios

¹⁶ Jesús tsi' yʌlʌ: María, che'en. Tsi' sutq'ui i bʌ i q'uel. Tsi' sube: Raboni, che'en. (Jini mi' yʌl ti lac t'an, Maestro.)

Jiñi Tsiji' bʌ Wen T'añ cha'añ Estudio

¹⁶ Jesús tsi' su'be: —¡María! Che' jiñi, tsi' sutq'ui i bʌ i q'uel, tsi' su'be: —¡Raboni! (yom mi yʌl ti lac t'añ, xcʌntesa).

Chol de Tumbalá Bible

¹⁶ Jesús tsi' yʌlʌ: María, che'en. Tsi' sutq'ui i bʌ i q'uel. Tsi' sube: Raboni, che'en. (Jini mi' yʌl ti lac t'an, Maestro.)

Jiñi Tsiji' bʌ Wen T'añ cha'añ Estudio

¹⁶ Jesús tsi' su'be: —¡María! Che' jiñi, tsi' sutq'ui i bʌ i q'uel, tsi' su'be: —¡Raboni! (yom mi yʌl ti lac t'añ, xcʌntesa).

Chol Tila

¹⁶ Che' jini Jesús ti' sube: María, che'en. Ti' sutqui i bʌ i suben ti hebreo t'an: Raboni, che'en. Yom i yʌle' Maestro.

Juan 20:16 Iomraidhean Croise

Genesis 22:1

Che' bʌ tsa' ujti iliyi, Dios tsi' yʌc'ʌ ti prueba Abraham. Tsi' pejca: Abraham, che'en. Tsi' jac'ʌ: Wʌ' añon, che'en.

Genesis 22:11

I yángel lac Yum am bʌ ti panchan tsi' pejca. Tsi' yʌlʌ: Abraham, Abraham, che'en. Tsi' jac'ʌ: Wʌ' añon, che'en.

Genesis 45:12

La' wilan, ti la' pejtelel yic'ot quijts'in Benjamín wolix la' q'uel joñoñʌch woli bʌ c pejcañetla.

Exodo 3:4

Che' bʌ lac Yum tsi' q'uele woli' majlel Moisés cha'an mi' q'uele', Dios tsi' pejca ti jini alʌ te': Moisés, Moisés, che'en. Tsi' jac'ʌ: Wʌ' añon, che'en.

Exodo 33:17

Lac Yum tsi' sube Moisés: Mi caj c mel ja'el ili tsa' bʌ a subeyon, come tsa'ix c pʌsbeyet i yutslel c pusic'al. Mij cʌñet ti a c'aba', che'en.

Cantares 3:4

Che' bʌ tsaj cʌyʌyob, mach jalic tsac taja jini mu' bʌ j c'uxbin. Tsac tsʌts chucu tij c'ʌb cha'an ma'anic mi' cʌyon. Tsac pʌyʌ ochel ti' yotot c ña', ti' wʌyibʌl c ña' tsa' bʌ i cʌntayon.

Cantares 5:2

Che' wʌyʌlon ti ac'ʌlel, tsa' caji ti ch'ojyel c pusic'al ti ñajal. Tsa cubibe i t'an jini c'uxbibil bʌ c cha'an. Wa'al ti' ti' c wʌyib, woli' c'ajtin ochel ba' añon. Jambeñon abi c'uxbibilet bʌ c cha'an, quijñam, x'ujcuts a t'ojol jax bʌ, come tsac ñusa ac'ʌlel ti jumpat. Ach'onix cha'an ye'eb, che'en.

Isaias 43:1

Pero wʌle woli' yʌl lac Yum tsa' bʌ i mele Jacob: Mach a cha'len bʌq'uen Israel, come joñon tsac mʌñʌyet. Tsa cotsʌbeyet a c'aba'. C cha'añet.

Mateo 14:27

Jesús tsi' bʌc' pejcayob. Tsi' subeyob: Tijicñesan la' pusic'al come joñoñʌch. Mach mi la' cha'len bʌq'uen, che'en.

Marcos 10:51

Jesús tsi' sube: ¿Chuqui a wom mic tumbeñet? che'en. Jini xpots' tsi' sube: Maestro, com mi' cha' c'otel c wut, che'en.

Lucas 10:41

Pero Jesús tsi' sube: Marta, Marta, cabʌl ma' tsic a pusic'al, cabʌl ma' mel a pusic'al cha'an a we'tel.

Juan 1:38

Jesús tsi' sutq'ui i bʌ. Tsi' q'uele woli' tsajcañob majlel. Tsi' subeyob: ¿Chuqui woli la' sajcan? che'en. Tsi' subeyob: Rabí, ¿baqui jijlemet? che'ob. (Rabí mi' yʌl ti lac t'an, Maestro.)

Juan 1:49

Natanael tsi' jac'be: Maestro, i Yalobilet Dios, i Reyet Israel, che'en.

Juan 10:3

Jini xcʌnta corral mi' jamben jini xcʌnta tiñʌme'. Jini tiñʌme' mi' yubiben i t'an i yaj cʌntaya. Mi' pejcan i tiñʌme' ti' c'aba'. Mi' pʌy loq'uel.

Juan 11:28

Tsa' ujti ti t'an Marta, tsa' majli. Tsi' mucul pʌyʌ majlel María i yijts'in. Tsi' sube: Wʌ'an lac Maestro. Woli' pʌyet, che'en.

Juan 13:13

Mi la' pejcañon ti la' Maestro yic'ot ti la' Yum. Uts'at chuqui mi la' wʌl, come isujm joñonʌch.

Juan 20:28

Tomás tsi' jac'be: C Yum, c Dios, che'en.

Juan 3:2

Nicodemo tsa' tili ba'an Jesús ti ac'ʌlel. Tsi' sube: Rabí, cujil lojon maestrojet, chocbilet tilel i cha'an Dios. Come ma'anic majqui mi mejlel i pʌs i yejtal i p'ʌtʌlel che' bajche' jatet mi ma'anic Dios yic'ot, che'en.

Juan 5:2

Lʌc'ʌl ti' yochib tiñʌme' ti Jerusalén an ts'ʌmibʌl i c'aba' Betesda ti' t'an hebreojob. An jo'p'ejl corredor ti' joytilel ts'ʌmibʌl.

Juan 6:25

Che' bʌ tsi' tajayob Jesús ti junwejl colem ñajb, tsi' c'ajtibeyob: Maestro, ¿baqui ora tsa' juliyet wʌ'i? che'ob.

Hechos 10:3

Che' ti och'ajel q'uin an chuqui tsi' q'uele tilem bʌ ti panchan. Juntiquil i yángel Dios tsa' ochi ba'an. Jini ángel tsi' pejca: Cornelio, che'en.

Hechos 9:4

Tsa' yajli ti lum. Tsi' yubi t'an tsa' bʌ i sube: Saulo, Saulo, ¿chucoch ma' tic'lañon? che'en.

1 Samuel 3:10

Lac Yum tsa' cha' tili ti wa'tʌl ti' tojlel Samuel. Tsi' cha' pʌyʌ che' bajche' tsi' pejca ti ñaxan. Tsi' yʌlʌ: Samuel, Samuel, che'en. Samuel tsi' jac'ʌ: Subeñon chuqui a wom c Yum, come a winicon. Wolic ñich'tañet, che'en.

1 Samuel 3:6

Lac Yum tsi' cha' pejca Samuel. Ti ora tsa' cha' ch'ojyi, tsa' majli ba'an Elí. Tsi' sube: Um ba'añon. Tsa cubi wola' pʌyon. ¿Chuqui a wom? che'en. Elí tsi' jac'ʌ: Calobil, ma'anic wolic pʌyet. Cha' cucux ti ñoltʌl, che'en.