Juan 19:30 - Chol: I T’an Dios

³⁰ Che' bʌ tsa'ix i ch'ʌmʌ jini vinagre Jesús, tsi' yʌlʌ: Tsa'ix ts'ʌctiyi, che'en. Tsi' ju'sa i jol. Tsi' yʌc'ʌ ti loq'uel i ch'ujlel.

Jiñi Tsiji' bʌ Wen T'añ cha'añ Estudio

³⁰ Che' bʌ Jesús tsi' leme jiñi vinagre, tsi' yʌlʌ: —Tsa'ix ts'ʌctiyi. Tsi' ju'sa i jol, tsi' yʌc'ʌ majlel i ch'ujlel.

Chol de Tumbalá Bible

³⁰ Che' bʌ tsa'ix i ch'ʌmʌ jini vinagre Jesús, tsi' yʌlʌ: Tsa'ix ts'ʌctiyi, che'en. Tsi' ju'sa i jol. Tsi' yʌc'ʌ ti loq'uel i ch'ujlel.

Jiñi Tsiji' bʌ Wen T'añ cha'añ Estudio

³⁰ Che' bʌ Jesús tsi' leme jiñi vinagre, tsi' yʌlʌ: —Tsa'ix ts'ʌctiyi. Tsi' ju'sa i jol, tsi' yʌc'ʌ majlel i ch'ujlel.

Chol Tila

³⁰ Jesús ti' ts'u'u jini paj bʌ vino. Che' jini ti yʌlʌ: Tsa'ix lu' ts'ʌctiyi tsa' bʌ tyʌliyon c cha'len, che'en. Ti tinle. Ti sajti.

Juan 19:30 Iomraidhean Croise

Genesis 3:15

Mi caj cʌq'ueñet la' contrajin la' bʌ jatet yic'ot jini x'ixic. Che' ja'el mi caj i contrajiñob i bʌ i p'olbal jini x'ixic yic'ot a p'olbal. I p'olbal jini x'ixic mi caj i low a jol. Jatet mi caj a lowben i tun'oc, che'en Dios.

Salmos 22:15

Jilemix c p'ʌtʌlel che' bajche' i xejt'il p'ejt tsa' bʌ i wen tiqui. Mi' ñottʌl cac' cha'an tiquin c ti'. Wola' ñolchocoñon ti mucoñibʌl.

Isaias 53:10

Anquese tsa' tic'lʌnti ti' c'ʌb winicob, che'ʌch yom i pusic'al lac Yum. Lac Yum tsi' yʌq'ue i yubin ch'ijiyem bʌ. Che' bʌ tsa'ix i yʌc'ʌ i bʌ ti chʌmel i wenta tsʌnsʌbil bʌ i majtan Dios cha'an mi' toj mulil, mi caj i q'uel i p'olbal. Cuxul mi caj i yajñel ti pejtelel ora. Ti' caj i ye'tel mi caj i yujtel ti uts'at chuqui yom lac Yum.

Isaias 53:12

Jini cha'an mi caj cʌq'uen cabʌl i ñuclel ti' tojlel winicob. Mi caj i yʌq'uentel i chobejtʌbal yic'ot jini p'ʌtʌlo' bʌ cha'an i tem cha'añob jach mi' majlel, come tsi' yʌc'ʌ i bʌ ti chʌmel. Tsa' ajq'ui ti toj mulil che' bajche' xñusa mandar. Tsi' cuchbeyob i mul cabʌlob. Tsi' c'ajtibe Dios cha'an mi' ñusʌbeñob i mul xñusa mandarob.

Daniel 9:24

Mu' to caj i ñusañob wocol a pi'ʌlob yic'ot i tejclum lujump'ejl i chʌnc'al (70) semana jinto mi' laj cʌyob i mul, jinto mi' cha' sʌq'uesʌntelob. Che' jini mi caj i tejchel i yumʌntel jini toj bʌ mu' bʌ caj i yajñel ti pejtelel ora che' bajche' tsi' wʌn subuyob jini x'alt'añob. Mi caj i cha' sʌq'uesʌntel jini C'ax Ch'ujul bʌ Ajñibʌl am bʌ ti Templo.

Daniel 9:26

Che' ñumenix cha'p'ejl i chʌnc'al (62) semana, mi caj i tsʌnsʌntel jini Yajcʌbil bʌ anquese ma'anic i mul. Mi caj i jisʌntel Jerusalén yic'ot jini Templo che' bajche' ti but'ja'lel. Mach chʌn lajmix wocol yic'ot bʌbʌq'uen bʌ guerra c'ʌlʌl ti' jilibal pañimil, come che'ʌch tsi' ña'ta Dios.

Zacarias 13:7

I Yum Panchan yic'ot Pañimil woli' chʌn al: La' tilic i contra cha'an mi' low jini Xcʌntaya c cha'an, jini c pi'ʌl ti e'tel, lajal bʌ quic'ot. La' tsʌnsʌntic jini Xcʌntaya. Mi caj i pam pujquelob jini tiñʌme'. Pero mi caj c sujtel cha'an mij coltan jini ch'o'ch'oco' bʌ.

Mateo 20:28

Che'ʌch mi' mel i Yalobil Winic. Come ma'anic tsa' tili cha'an mi' coltʌntel. Tsa' tili cha'an mi' coltan winicob x'ixicob, cha'an mi' yʌc' i bʌ ti chʌmel cha'an i tojol i mul cabʌlob. Che' tsi' yʌlʌ Jesús.

Mateo 27:50

Che' bʌ tsi' cha' cha'le c'am bʌ t'an, Jesús tsi' yʌc'ʌ ti majlel i ch'ujlel.

Mateo 3:15

Jesús tsi' sube Juan: La' aq'uenticon ch'ʌmja' wʌle. Come che' yom mi lac cha'len cha'an mi lac ts'ʌctesan pejtelel chuqui toj, che'en. Tsi' jac'ʌ i yʌq'uen che' bajche' tsi' yʌlʌ.

Marcos 15:37

Jesús wen c'am tsi' cha'le t'an. Tsa' chʌmi.

Lucas 22:37

Come mic subeñetla. Wersa mi caj cujtel bajche' mi yʌl ti' ts'ijbujel Dios. Mi yʌl: “Tsa' tsijqui yic'ot xmulilob”. Che'ʌch ts'ijbubil. Ts'ʌcʌl mi' caj ti ujtel chuqui tac ts'ijbubil cha'añon, che'en Jesús.

Lucas 23:46

Jesús wen c'am tsi' cha'le t'an. Tsi' yʌlʌ: C Tat, mi cʌq'ueñet c ch'ujlel ti a c'ʌb, che'en. Che' ujtemix i yʌl, tsa' chʌmi.

Juan 10:11

Joñon jini wen bʌ Xcʌnta tiñʌme'on. Jini wen bʌ Xcʌnta tiñʌme' mi' yʌc' i bʌ ti chʌmel cha'an i tiñʌme'.

Juan 10:18

Ma'anic majch mi' yʌc'on ti chʌmel. Mic bajñel ac' c bʌ ti chʌmel. An c p'ʌtʌlel cha'an mi cʌc' c bʌ, an ja'el c p'ʌtʌlel cha'an mic cha' cuxtiyel. Jiñʌch que'tel tsa' bʌ aq'uentiyon cha'an c Tat, che'en Jesús.

Juan 17:4

Tsac pʌsʌ a ñuclel ila ti pañimil. Tsa'ix c ts'ʌctesa jini e'tel tsa' bʌ a wʌq'ueyon cha'an mic mel.

Juan 19:28

Yujilix Jesús ts'ʌctiyemix ti pejtelel. Tsi' yʌlʌ cha'an mi' ts'ʌctiyel i Ts'ijbujel Dios: Tiquinix c ti', che'en.

Juan 4:34

Jesús tsi' subeyob: Jiñʌch c we'el che' mic mel chuqui yom c Tat tsa' bʌ i chocoyon tilel. Jiñʌch c we'el che' ts'ʌcʌl mic melben i ye'tel.

Romanos 10:4

Come ti Cristo tsa' ts'ʌctiyi i c'ʌjñibal mandar, come mi' yʌq'uentel toj bʌ i pusic'al majqui jach mi' ñop.

Romanos 3:25

Come Dios tsi' wa'choco Cristo cha'an mi' tojbeñob i mul yic'ot i ch'ich'el, cha'an mi' lajmel i mich'ajel ti' tojlel pejtel mu' bʌ i ñopob. Che' jini tsiquil tojʌch Dios tsa' bʌ i to'ol q'uelbeyob i mul winicob x'ixicob ti yambʌ ora che' woli to i cuchbeñob i mul.

1 Corintios 5:7

Chocola loq'uel jini tsucul bʌ la' melbal come tsijib melbiletix la. Come jini lac Tiñʌme' cha'an Pascua jiñʌch Cristo tsa' bʌ ajq'ui ti chʌmel cha'añonla.

Filipenses 2:8

Che' bʌ tsa' ajni bajche' winic, tsi' peq'uesa i bʌ. Tsi' wen jac'be Dios c'ʌlʌl tsi' yʌc'ʌ i bʌ ti chʌmel ya' ti cruz.

Hebreos 12:2

Toj jach yom mi lac tsajcan majlel Jesús mu' bʌ i yʌq'ueñonla lac ñop. Mi caj i ts'ʌctesʌbeñonla ja'el chuqui mi lac ñop. Jesús ma'anic tsi' xoyo i bijlel ti' tojlel wocol, come tsi' q'uele jini tijicña bʌ woli bʌ i pijtan. Jini cha'an tsi' yʌc'ʌ i bʌ ti quisin che' bʌ tsa' chʌmi ti cruz. Tsa' buchle ti' ñoj Dios ya' ti' yumʌntel.

Hebreos 9:22

Che' bajche' mi' yʌl jini mandar, cojach yic'ot ch'ich' mi' sʌq'uesʌntel ti pejtelel. Machic mi' bejq'uel i ch'ich'el i majtan Dios, ma'anic i ñusʌntel mulil.