Juan 19:11 - Chol: I T’an Dios

¹¹ Jesús tsi' jac'ʌ: Machic tsi' yʌq'ueyet a p'ʌtʌlel jini am bʌ ti chan, ma'anic a p'ʌtʌlel cha'an ma' contrajiñon. Jini cha'an jini tsa' bʌ i yʌc'ʌyon ti a c'ʌb ñumen an i mul, che'en.

Jiñi Tsiji' bʌ Wen T'añ cha'añ Estudio

¹¹ Jesús tsi' jac'ʌ: —Machic tsi' yʌq'ueyet a p'ʌtʌlel jiñi am bʌ ti chañ, ma'añic a p'ʌtʌlel cha'añ ma' contrajiñon, jiñi cha'añ, jiñi tsa' bʌ i yʌc'ʌyon ti a c'ʌb ñumen añ i mul, —che'en.

Chol de Tumbalá Bible

¹¹ Jesús tsi' jac'ʌ: Machic tsi' yʌq'ueyet a p'ʌtʌlel jini am bʌ ti chan, ma'anic a p'ʌtʌlel cha'an ma' contrajiñon. Jini cha'an jini tsa' bʌ i yʌc'ʌyon ti a c'ʌb ñumen an i mul, che'en.

Jiñi Tsiji' bʌ Wen T'añ cha'añ Estudio

¹¹ Jesús tsi' jac'ʌ: —Machic tsi' yʌq'ueyet a p'ʌtʌlel jiñi am bʌ ti chañ, ma'añic a p'ʌtʌlel cha'añ ma' contrajiñon, jiñi cha'añ, jiñi tsa' bʌ i yʌc'ʌyon ti a c'ʌb ñumen añ i mul.

Chol Tila

¹¹ Jesús ti yʌlʌ: Machic Dios ti yʌq'ueyet a p'ʌtyʌlel mach'an chʌ bʌ ch'ujbi a saj tyumbeñon. Jin cha'an más on i mul jini año' bʌ i ye'tyel cha'an israelob tsa' bʌ yʌc'ʌyon ti a c'ʌb. Che' ti yʌlʌ Jesús.

Juan 19:11 Iomraidhean Croise

1 Cronicas 29:11

A cha'añʌch a ñuclel yic'ot a p'ʌtʌlel, yic'ot a c'uxbintel, yic'ot a yumʌntel, yic'ot pejtelel chubʌ'añʌl. Come laj a cha'añʌch ti panchan yic'ot ti pañimil. C Yum a cha'añʌch a yumʌntel. Mi' yujtel che' bajche' a wom ti pejtelel pañimil.

Salmos 39:9

Tsaj cʌyʌ c cha'len t'an. Ma'anix mi caw quej, Come jatet tsa' wʌc'ʌyon ti wocol.

Salmos 62:11

Tsi' cha'le t'an Dios. Cha'yajl tsa cubi iliyi: I bajñel an i p'ʌtʌlel Dios.

Lamentaciones 3:37

¿Mach ba p'ʌtʌlic i t'an lac Yum? Che' mi' cha'len t'an mi' bʌc' ujtel che' bajche' tsi' yʌlʌ. Tilem ti' pusic'al lac Yum chuqui mi' yujtel.

Daniel 4:17

Jiñʌch i mandar jini Ñuc bʌ xQ'uelojel. Tsi' choco tilel yic'ot jini ch'ujul bʌ ángelob cha'an mi' ña'tʌntel ti pejtelel pañimil an i p'ʌtʌlel lac Yum ti' tojlel yumʌlob ti pañimil. Mi' yʌq'uen i yumʌntel majqui jach yom. Mi' wa'chocon jini pec'o' bʌ winicob ti' tojlel i pi'ʌlob.

Daniel 4:25

Mi caj a tʌts' a bʌ ti' tojlel winicob. Mi caj a wajñel yic'ot bʌte'el. Mi caj a c'ux jam che' bajche' wacax. Jini tijil mi caj i yʌch'esan a bʌc'tal. Wucp'ejl jab mi caj a wajñel che' bajche' iliyi, jinto ma' wen cʌn jini Dios am bʌ i p'ʌtʌlel ti' tojlel pejtelel yumʌlob ti pañimil. Mi' wa'chocon ti yumʌl majqui jach yom.

Daniel 4:32

Mi caj a chojquel loq'uel ti' tojlel winicob. Mi caj a wajñel yic'ot bʌte'el wucp'ejl jab. Mi caj a c'ux jam che' bajche' tat wacax jinto ma' wen cʌn jini Dios am bʌ ti chan am bʌ i p'ʌtʌlel ti pejtelel tejclum tac ti pañimil. Mi' wa'chocon ti yumʌl majqui jach yom, che'en.

Daniel 4:35

Pejtel winicob ti pañimil ma'anic i c'ʌjñibal ti' tojlel. Mi' mel che' bajche' yom ti' tojlel jini año' bʌ ti panchan yic'ot jini chumulo' bʌ ti pañimil. Ma'anic majch mi mejlel i mʌctʌben i p'ʌtʌlel. Ma'anic majch mi mejlel i suben: “¿Chuqui woli a mel?” Mach mejlic ti tijq'uel.

Daniel 5:21

Tsa' chojqui loq'uel ti' tojlel winicob. Tsa' sujti che' bajche' bʌte'el. Tsa' ajni ti jamil. Tsi' c'uxu jam che' bajche' wacax. Tsa' ach'a i bʌc'tal ti tijil jinto tsi' cʌñʌ jini Dios am bʌ ti Panchan am bʌ i p'ʌtʌlel ti' tojlel yumʌlob ti pañimil. Mi' wa'chocon ti yumʌl majqui jach yom.

Mateo 26:65

Jini c'ax ñuc bʌ motomaj tsi' tsili i pislel. Tsi' yʌlʌ: Tsa'ix i cha'le p'ajoñel. ¿Chuqui to i c'ʌjñibal xtoj'esa t'añob? Awilan, tsa'ix la' wubi i p'ajoñel.

Mateo 27:2

Che' bʌ tsa'ix i cʌchʌyob tsi' pʌyʌyob majlel. Tsi' yʌc'ʌyob ti' c'ʌb jini gobernador i c'aba' Pilato.

Mateo 6:13

Mach ma' wʌc'on lojon ba' mic pʌjyel lojon ti mulil. Cʌntañon lojon ame yajlicon lojon ti jontolil. Come a cha'añʌch a yumʌntel yic'ot a p'ʌtʌlel yic'ot a ñuclel ti pejtelel ora. Amén. Che' yom mi la' mel oración.

Marcos 14:44

Jini Judas tsa' bʌ i yʌc'ʌ Jesús ti' c'ʌb i contra tsi' wʌn subeyob bajche' mi caj i cʌñob: Jini mu' bʌ c ts'ujts'un, jiñʌch. Chucula, pʌyʌla majlel ti uts'at. Che' tsi' yʌlʌ Judas.

Lucas 22:53

Che' ya' añon quic'otetla jujump'ejl q'uin ti Templo ma'anic tsa' la' chucuyon. Wʌle la' cha'añʌch ili ora. I yorajlelix mi' pʌstʌl i p'ʌtʌlel ic'ch'ipan bʌ pañimil. Che' tsi' yʌlʌ Jesús.

Juan 18:13

Tsi' ñaxan pʌyʌyob majlel ba'an Anás, i ñij'al Caifás, jini ñuc bʌ motomaj ti jini jabil.

Juan 18:3

Judas tsi' pʌyʌ tilel junmojt soldadojob yic'ot xcʌntayajob i cha'an motomajob yic'ot fariseojob. Tsa' tiliyob yic'ot c'ajc yic'ot taj yic'ot espada.

Juan 19:10

Pilato tsi' sube: ¿Mach ba anic ma' jac'beñon c t'an? ¿Mach ba a wujilic an c p'ʌtʌlel cha'an mic ch'ijet ti cruz? An c p'ʌtʌlel ja'el cha'an mi cʌq'uet ti colel, che'en.

Juan 3:27

Juan tsi' jac'ʌ: Ma'anic chuqui mi' tajob winicob, cojach mu' bʌ i tilel ti Dios am bʌ ti panchan.

Juan 7:30

Jini cha'an tsi' ña'tayob i ñup' Jesús. Ma'anic majch tsi' chucu come maxto c'otemic i yorajlel.

Juan 9:41

Jesús tsi' subeyob: Xpots'eticla, ma'anic la' mul. Pero mi la' lon al woli' c'otel la' wut. Jini cha'an chʌn an la' mul, che'en.

Hechos 2:23

Jini Jesús tsa' ajq'ui ti' c'ʌb winicob che' bajche' tsi' yʌlʌ Dios ti wajali. Dios tsi' wʌn ña'ta chuqui mi' caj ti ujtel. Jatetla tsa'ix la' xic'be xñusa mandarob cha'an mi' chucob Jesús. Tsi' ch'ijiyob ti cruz. Tsi' tsʌnsayob.

Hechos 3:13

I Dios Abraham, i Dios Isaac, i Dios Jacob, i Dios lac ñojte'el tsa'ix i tsictesa i ñuclel i Yalobil, jiñʌch Jesús. Jatetla tsa'ix la' wʌc'ʌ ti' c'ʌb i contra. Tsa' la' ts'a'le ti' tojlel Pilato, che' bʌ tsi' ña'ta i yʌc' ti colel.

Hechos 4:28

Tsi' tempayob i bʌ cha'an mi' cha'leñob pejtelel chuqui tsa' wʌn ña'ta mi' caj ti ujtel.

Romanos 11:36

Come ch'oyol ti Dios pejtelel chuqui tac an. Ti pejtelel cʌntʌbil i cha'an Dios. I cha'añʌch Dios ti pejtelel. La' sujbic i ñuclel Dios ti pejtelel ora. Amén.

Romanos 13:1

Ti pejteleletla jac'benla i t'an jini año' bʌ i ye'tel ti pañimil, come ch'oyolʌch jini e'tel ti Dios. Dios tsi' wa'choco jini año' bʌ i ye'tel.

Santiago 1:17

Pejtelel wen bʌ lac majtan yic'ot pejtelel uts'at bʌ lac majtan mi' tilel ti Dios. Mi' jubel tilel ti lac Tat, tsa' bʌ i mele ec' ti pejtelel. Ma'anic mi' q'uextiyel i pusic'al. Ma'anic mi' yʌjñel mi ts'ita'ic.

Santiago 4:17

Majqui jach mi' ña'tan chuqui yom melol pero mach che'ic mi' mel, añʌch i mul.