Juan 17:21 - Chol: I T’an Dios

²¹ cha'an mi' yajñelob ti jump'ejl jach i pusic'al pejtelel xñopt'añob. Che' bajche' añet ti joñon, c Tat, añon ja'el ti jatet, la' ajñicob ja'el ti joñonla cha'an mi' ñopob jini año' bʌ ti pañimil jatet tsa' chocoyon tilel.

Jiñi Tsiji' bʌ Wen T'añ cha'añ Estudio

²¹ cha'añ mi' yajñelob ti jump'ejl jach i pusic'al, che' bajche' añet ti joñon c Tat, che' ja'el añon ti jatet, la' ajñicob ja'el ti joñonla ti' junmojt cha'añ mi' ñopob jiñi año' bʌ ti pañimil cha'añ jatet tsa' chocoyon tilel.

Chol de Tumbalá Bible

²¹ cha'an mi' yajñelob ti jump'ejl jach i pusic'al pejtelel xñopt'añob. Che' bajche' añet ti joñon, c Tat, añon ja'el ti jatet, la' ajñicob ja'el ti joñonla cha'an mi' ñopob jini año' bʌ ti pañimil jatet tsa' chocoyon tilel.

Jiñi Tsiji' bʌ Wen T'añ cha'añ Estudio

²¹ cha'añ mi' yajñelob ti jump'ejl jach i pusic'al, che' bajche' añet ti joñon c Tat, che' ja'el añon ti jatet, la' ajñicob ja'el ti joñonla ti' junmojt cha'añ mi' ñopob jiñi año' bʌ ti pañimil cha'añ jatet tsa' chocoyon tilel.

Chol Tila

²¹ Mij c'ajtibeñet cha'an mi quejel i yajñel ti junsujm i pensal che' bajche' mi la cajñel ti junsujm. Jatyet añet ti joñon. Joñon añon ti jatyet. Che' bajche' mij c'ajtibeñet cha'an jini lac cha'año' bʌ mi yajñel ti junsujm i pensal cha'an ti laj caj cha'an jini mach'ʌ ba'an mi' ch'ujbin mi quejel i ña'tyan ti a chocoyon tyʌlel ti mulawil.

Juan 17:21 Iomraidhean Croise

Jeremias 32:39

Mi caj cʌq'ueñob jump'ejl i pusic'al yic'ot jump'ejl i bijlel, cha'an mi' bʌc'ñañoñob ti pejtelel ora. Che' jini tijicñayob mi caj i chumtʌlob. Tijicñayob ja'el i yalobilob ti pejtelel ora.

Sofonias 3:9

Ti jim bʌ q'uin mi caj cʌq'ueñob c winicob jump'ejl jach bʌ t'an cha'an mi' laj pejcañoñob ti' Yum, cha'an comol mi' ch'ujutesañoñob.

Zacarias 14:9

Lac Yum mi caj i yochel ti Rey ti' tojlel pejtel pañimil. Ti jim bʌ ora jini jach lac Yum mi caj i ch'ujutesʌntel come juntiquil jach. Ma'anic yambʌ.

Marcos 3:24

Mi tsi' t'oxoyob i bʌ ti leto jini año' bʌ ti' wenta juntiquil yumʌl, mach mejlic ti jalijel i yumʌntel.

Juan 10:16

Anto yambʌ c tiñʌme' mach bʌ ochemic ti jini corral. Wersa mic pʌy tilel ja'el. Mi caj i yubin c t'an. Junmojt jach mi caj i lu' ajñelob yic'ot juntiquil Xcʌnta tiñʌme'.

Juan 10:30

Joñon quic'ot c Tat junlajalon lojon, che'en Jesús.

Juan 10:38

Mi wolic melben i ye'tel c Tat, anquese ma'anic mi la' ñopon, ñopola que'tel cha'an mi la' cʌñon, cha'an mi la' ña'tan ti isujm c Tat an ti joñon, joñon añon tic Tat, che'en.

Juan 11:42

Cujil ma' wubibeñon c t'an ti pejtelel ora. Tsa' jach c subeyet jini t'an cha'an mi' yubiñob jini año' bʌ tic joytilel, cha'an mi' ñopob tsa' chocoyon tilel, che'en Jesús.

Juan 13:32

Mi tsa'ix pʌsle i ñuclel Dios ti' Yalobil, mi caj i pʌstʌl i ñuclel i Yalobil ti Dios. Dios mi' caj i bʌc' tsictesan i ñuclel i Yalobil.

Juan 13:35

Che' jini, pejtelel winicob mi caj i ña'tañob xcʌnt'añetla c cha'an che' mi la' c'uxbin la' bʌ, che'en Jesús.

Juan 17:11

Mach chʌn añonix ti pañimil pero añob to ti pañimil. Joñon cha' talon ba' añet. C Ch'ujutat, cʌntañob ti a c'aba' jini xñopt'añob tsa' bʌ a wʌq'ueyon cha'an mi' yajñelob ti jump'ejl jach i pusic'al che' bajche' joñonla.

Juan 17:18

Che' bajche' tsa' chocoyon tilel ti pañimil, che' ja'el tsac chocoyob majlel ti pejtelel pañimil.

Juan 17:20

Mach cojic jach ili winicob x'ixicob mic tajob ti oración, pero ti pejtelelob mu' bʌ caj i ñopoñob cha'an ti' t'an ili wʌ' bʌ añob,

Juan 17:25

Toj bʌ c Tat, ma'anic tsi' cʌñʌyet año' bʌ ti pañimil. Joñon tsaj cʌñʌyet. Yujilob xñopt'añob ja'el tsa' chocoyon tilel.

Juan 17:3

Jiñʌch i cuxtʌlel mach bʌ anic mi' jilel, che' mi' cʌñetob jini mero Dios, jini cojach bʌ, yic'ot Jesucristo, tsa' bʌ a choco tilel.

Juan 17:8

Come tsa cʌq'ueyob ili t'an tsa' bʌ a wʌq'ueyon. Tsi' ñopoyob. Yujilobix, isujm tsa' loq'uiyon tilel ba' añet. Tsi' ñopoyob chocbilon tilel a cha'an.

Juan 3:17

Come Dios ma'anic tsi' choco tilel i Yalobil ti pañimil cha'an mi' yotsan ti tojmulil. Tsi' choco tilel cha'an mi' taj i coltʌntel ti' Yalobil.

Juan 5:23

cha'an mi' q'uelob ti ñuc i Yalobil Dios pejtel winicob x'ixicob che' bajche' mi' q'uelob ti ñuc c Tat. Jini mach bʌ anic mi' q'uel ti ñuc i Yalobil Dios mach ñuquic mi' q'uel c Tat tsa' bʌ i chocoyon tilel.

Hechos 2:46

Temel tsa' chʌn ajniyob ti Templo ti jujump'ejl q'uin. Tsi' xet'eyob waj ti' yotot tac. Temel tsi' cha'leyob we'el. Tijicña i pusic'al ti jujuntiquil. Jump'ejlob jach i pusic'al.

Hechos 4:32

Jump'ejlob jach i pusic'al, junchajpob jach i ña'tʌbal jini bajc'ʌl winicob x'ixicob tsa' bʌ i ñopoyob. Ma'anic majqui tsi' yʌlʌ mi i bajñel cha'añʌch i chubʌ'an. I tem cha'añob jach pejtelel i chubʌ'an.

Romanos 12:5

Che' ja'el joñonla anquese cabʌlonla, jump'ejl jach lac bʌc'tal ti Cristo. Lac tem cha'añʌch lac bʌ.

1 Corintios 1:10

Hermanojob, mic subeñetla ti wocol t'an ti' c'aba' lac Yum Jesucristo, yom junlajal mi la' cha'len t'an. Mach mi la' t'ox la' bʌ ti leto. Tem ajñenla ti uts'at ti jump'ejl la' pusic'al ti jump'ejl la' ña'tʌbal.

1 Corintios 12:12

An cabʌl chucbil tac bʌ ti lac bʌc'tal, pero jump'ejl jach lac bʌc'tal. Che'ʌch ja'el i bʌc'tal Cristo yic'ot xñopt'añob.

1 Corintios 6:17

Jini mu' bʌ i yajñel yic'ot lac Yum mi' yochel ti jump'ejl i pusic'al yic'ot lac Yum.

Gálatas 3:28

Mi judíojet, mi griegojet, mi añet ti a yum, mi to'ol che' jach añet, mi winiquet, mi x'ixiquet, ma'anic chuqui mi' cha'len, come juntiquilet jach la ti Cristo Jesús.

Filipenses 1:27

Yom jach mi la' wajñel ti uts'at che' bajche' mi' cʌntesañonla i wen t'an Cristo. Che' jini mi tsaj q'ueleyetla, o mi ma'anic tsaj q'ueleyetla, mi caj cubin xuc'uletla ti jump'ejl la' pusic'al, che' temel mi la' cha'len wersa cha'an mi' ñojpel jini wen t'an.

1 Juan 1:3

Jini q'uelel bʌ c cha'an lojon, jini ñich'tʌbil bʌ c cha'an lojon, jiñʌch mu' bʌ c subeñet lojon cha'an mi la' tem ochel quic'ot lojon ti' ñopol lac Tat yic'ot Jesucristo i Yalobil Dios.

1 Juan 5:7

An uxchajp mu' bʌ i tsictesañob i sujmlel: