Juan 17:13 - Chol: I T’an Dios

¹³ Wʌle talon ba' añet. Wolic sub jini t'an ti pañimil cha'an mi' ts'ʌctiyel i tijicñʌyel i pusic'al che' bajche' i tijicñʌyel c pusic'al.

Jiñi Tsiji' bʌ Wen T'añ cha'añ Estudio

¹³ Wʌle talon ba'añet woli c su'b jiñi t'añ ti pañimil, cha'añ mi' ts'ʌctiyel i tijicñʌyelob i pusic'al che' bajche' i tijicñʌyel c pusic'al.

Chol de Tumbalá Bible

¹³ Wʌle talon ba' añet. Wolic sub jini t'an ti pañimil cha'an mi' ts'ʌctiyel i tijicñʌyel i pusic'al che' bajche' i tijicñʌyel c pusic'al.

Jiñi Tsiji' bʌ Wen T'añ cha'añ Estudio

¹³ Wʌle talon ba' añet. Wolic su'b jiñi t'añ ti pañimil, cha'añ mi' ts'ʌctiyel i tijicñʌyelob i pusic'al che' bajche' i tijicñʌyel c pusic'al.

Chol Tila

¹³ Wale mi quejel c cha' tyʌlel ya' ba'añet. Pero mij c'ajtibeñet ili tyac che' wʌ' tyo añon ti mulawil cha'an wen c'ajacña i yoj mi yajñelob che' bajche' c'ajacña coj.

Juan 17:13 Iomraidhean Croise

Nehemias 8:10

Esdras tsi' subeyob: Sujtenixla ti la' wotot. C'uxula sumuc bʌ we'elʌl. Japʌla tsaj bʌ i ya'lel ts'usub. Chocbeñob majlel we'elʌl jini mach bʌ chajpʌbilobic, come ch'ujul mi' q'uel ili q'uin lac Yum. Mach mi la' mel la' pusic'al, come jiñʌch la' p'ʌtʌlel che' tijicñayetla ti lac Yum, che'en.

Salmos 126:5

Jini mu' bʌ i cha'leñob pac' yic'ot e'tel Tijicña mi caj i cha'leñob c'ajbal.

Salmos 43:4

Che' jini mi caj c majlel ba'an i puluntib a majtan, c Dios. Jatet i tijicñʌyelet c pusic'al. Jatet c Dioset. Mi caj c sub a ñuclel ti música am bʌ i ch'ajñal.

Juan 13:3

Yujil Jesús anix ti' wenta pejtelel chuqui tac an come i Tat tsi' yʌq'ue. Yujil ja'el tsa' tili ti Dios, yujil ya' mi' cha' majlel ba'an Dios.

Juan 15:11

Jini t'an tsac subeyetla cha'an mi' yajñel ti la' pusic'al i tijicñʌyel c pusic'al, cha'an mi' ts'ʌctiyel i tijicñʌyel la' pusic'al.

Juan 16:33

Tsac subeyetla jini t'an cha'an mi la' taj i ñʌch'tilel la' pusic'al ti joñon. Ti pañimil mi caj la' taj wocol. La' ñuc'ac la' pusic'al, come tsac jisʌbe i yumʌntel pañimil, che'en.

Juan 17:11

Mach chʌn añonix ti pañimil pero añob to ti pañimil. Joñon cha' talon ba' añet. C Ch'ujutat, cʌntañob ti a c'aba' jini xñopt'añob tsa' bʌ a wʌq'ueyon cha'an mi' yajñelob ti jump'ejl jach i pusic'al che' bajche' joñonla.

Juan 3:29

Jini mu' bʌ i pʌy i yijñam, jiñʌch xñujpuñijel. Wen tijicña i pusic'al i cʌñʌ bʌ che' an ti' t'ejl jini xñujpuñijel che' mi' yubiben i t'an. Che' jini woli' ts'ʌctiyel i tijicñʌyel c pusic'al ti' tojlel Cristo.

Juan 7:33

Jesús tsi' yʌlʌ: Jumuc' jax wʌ' añon la' wic'ot. Mic cha' majlel ya' ba'an jini tsa' bʌ i chocoyon tilel.

Hechos 13:52

Jini xcʌnt'añob wen tijicñayob i pusic'al. But'ulob ti Ch'ujul bʌ Espíritu.

Romanos 14:17

Come ti' yumʌntel Dios ma'anic mi coltañonla we'elʌl yic'ot uch'el. Mi' coltañonla toj bʌ lac pusic'al yic'ot i ñʌch'tilel yic'ot i tijicñʌyel lac pusic'al ch'oyol bʌ ti Ch'ujul bʌ Espíritu.

Gálatas 5:22

Pero i yʌc'bal jini Espíritu jiñʌch laj c'uxbiya, i tijicñʌyel lac pusic'al, i ñʌch'tʌlel lac pusic'al, lac p'ʌtʌlel ti' cuchol wocol, yic'ot p'untaya, coltaya, i xuc'tʌlel lac pusic'al,

Hebreos 12:2

Toj jach yom mi lac tsajcan majlel Jesús mu' bʌ i yʌq'ueñonla lac ñop. Mi caj i ts'ʌctesʌbeñonla ja'el chuqui mi lac ñop. Jesús ma'anic tsi' xoyo i bijlel ti' tojlel wocol, come tsi' q'uele jini tijicña bʌ woli bʌ i pijtan. Jini cha'an tsi' yʌc'ʌ i bʌ ti quisin che' bʌ tsa' chʌmi ti cruz. Tsa' buchle ti' ñoj Dios ya' ti' yumʌntel.

1 Juan 1:4

Wolic ts'ijban lojon ili jun cha'an mi' ts'ʌctiyel i tijicñʌyel lac pusic'al.

2 Juan 1:12

Anto cabʌl chuqui com c ts'ijbubeñetla. Mach comic c pejcañetla ti jun. Wolic ña'tan c jula'tañetla cha'an mi lac pejcan lac bʌ che' temel añonla cha'an mi la cubin i tijicñʌyel lac pusic'al.