Juan 15:2 - Chol: I T’an Dios

² Jini mi' tsep loq'uel pejtelel j c'ʌb mach bʌ anic mi' yʌc' i wut. Pejtelel mu' bʌ i yʌc' i wut, mi caj i porajin cha'an ñumen cabʌl mi' yʌc' i wut.

Jiñi Tsiji' bʌ Wen T'añ cha'añ Estudio

² Pejtelel i c'ʌb ac' mach bʌ añic mi' yʌc' i wut ti' joñon, mi caj i tsep loq'uel; pejtelel mu' bʌ i yʌc' i wut, mi caj i porajin cha'añ ñumen ca'bʌl mi' yʌc' i wut.

Chol de Tumbalá Bible

² Jini mi' tsep loq'uel pejtelel j c'ʌb mach bʌ anic mi' yʌc' i wut. Pejtelel mu' bʌ i yʌc' i wut, mi caj i porajin cha'an ñumen cabʌl mi' yʌc' i wut.

Jiñi Tsiji' bʌ Wen T'añ cha'añ Estudio

² Pejtelel i c'ʌb ac' mach bʌ añic mi' yʌc' i wut ti' joñon, mi caj i tsep loq'uel; pejtelel mu' bʌ i yʌc' i wut, mi caj i porajin cha'añ ñumen ca'bʌl mi' yʌc' i wut.

Chol Tila

² C Tyat mi' tsepe' loq'uel ba'ical bʌ i c'ʌb tyac yubil mach bʌ ba'an mi yʌc' i wut. Pero mi' ts'itya' tsep loq'uel jini i c'ʌb tyac mu' bʌ i yʌc' i wut cha'an i más ac' i wut.

Juan 15:2 Iomraidhean Croise

Job 17:9

Ma'anic mi' xoy i bijlel jini toj bʌ. Mi' yutsi p'ojlel i p'ʌtʌlel jini mach bʌ anic i mul.

Salmos 92:14

C'ʌlʌl che' ñoxobix mi caj i chʌn ac'ob i wut. Che'ʌch añob bajche' wen yʌx bʌ te' am bʌ i yetsel. Cabʌl i yopol.

Proverbios 4:18

Pero i bijlel jini tojo' bʌ che' yilal bajche' i pasibal q'uin. Ñumen mi' tsictiyel i c'ʌc'al c'ʌlʌl ti xinq'uiñil.

Isaias 27:9

Che'ʌch tsi' pocbeyob loq'uel i mul Jacob. Tsi' jisa pejtelel jini dioste' yic'ot pulʌntib, yic'ot oy tac ba' tsi' ch'ujutesayob q'uin, cha'an ma'anix mi' chʌn cha'leñob jini quisintic jax bʌ. Tsi' yʌc'ʌ ti bic'tiyel jini xajlel am bʌ ti pulʌntib cha'an ma'anic mi' chʌn ch'ujutesañob.

Isaias 29:19

Tijicña mi caj i yubiñob ti lac Yum jini pec' bʌ mi' melob i bʌ. Jini pobrejo' bʌ mi caj i tajob i ñuclel ti jini Ch'ujul Bʌ i cha'an Israel.

Daniel 11:35

Cha'tiquil uxtiquil año' bʌ i ña'tʌbal mi caj i poj ñopob. Jiñʌch i yilʌbentel i pusic'al, pero mi caj i cha' toj'añob. Mi caj i sʌq'uesʌntelob. Che'ʌch mi caj i yujtel jinto mi' ts'ʌctiyel i yorajlel wocol ña'tʌbil bʌ i cha'an Dios.

Oseas 6:3

La' laj cʌñe' lac Yum. La' lac cha'len wersa cha'an mi lac chʌn ñop, come cha' tal ba' añonla. Che' bajche' mi' pʌs i sʌclel jini q'uin che' mi' sʌc'an, che'ʌch mi caj i tilel ti lac tojlel. Tal che' bajche' jini ñaxan bʌ ja'al ti' yorajlel pac'”, che'ob.

Malaquias 3:3

Lac Yum lajal mi caj i mel winicob che' bajche' jini mu' bʌ i sʌq'uesan plata ti c'ajc. Mi caj i sʌq'uesan jini levíjob che' bajche' oro yic'ot plata cha'an mi' yʌq'ueñob Dios i majtan che' bajche' yom ti sʌc bʌ i pusic'al.

Mateo 13:12

Come majqui jach an i cha'an mi caj i yʌq'uentel yambʌ jinto mi' wen oñ'an. Majqui jach ma'anic i cha'an mi caj i lu' chilbentel chuqui an i cha'an.

Mateo 13:33

Tsi' subeyob yambʌ t'an ti lajiya: I yumʌntel jini am bʌ ti panchan lajalʌch bajche' levadura. Tsi' ch'ʌmʌ juntiquil x'ixic. Tsi' yotsa ti uxp'is harina jinto tsi' xaxa ti pejtelel, che'en.

Mateo 15:13

Jesús tsi' subeyob: Pejtelel pimel mach bʌ pʌc'bilic cha'an c Tat am bʌ ti panchan mi' caj ti bojquel.

Mateo 21:19

Che' bʌ tsi' q'uele te' i c'aba' higuera ya' lʌc'ʌl ti' ti' bij tsa' majli ba'an. Ma'anic chuqui tsi' taja. I yopol jach ya'an. Jesús tsi' sube: Mach ma' chʌn ac' a wut ti pejtelel ora, che'en. Ora jach tsa' caji ti tiquin jini te'.

Mateo 25:29

Come jini am bʌ i cha'an mi caj i yʌq'uentel yambʌ. Che' jini wen on i cha'an. Majqui jach ma'anic i cha'an mi caj i lu' chilbentel pejtelel chuqui an i cha'an.

Mateo 3:10

Wʌle ac'bil hacha ti' yebal te'. Mi' sejq'uel pejtelel jini te' mach bʌ anic mi' yʌc' wen bʌ i wut. Mi' chojquel ti c'ajc.

Mateo 3:12

An i wejlʌjib ti' c'ʌb. Mi' wen wejlan i yajñib trigo. Mi' lot jini trigo ti' yotlel. Mi caj i pulben i sujl ti c'ajc mach bʌ yujilic yajpel. Che' tsi' yʌlʌ Juan.

Mateo 7:19

Pejtelel jini te' mach bʌ anic mi' yʌc' uts'at bʌ i wut mi' sejq'uel. Mi' chojquel ti c'ajc.

Marcos 4:20

Jini wejch'ubil bʌ ti wen bʌ lum jiñobʌch mu' bʌ i yubiñob jini t'an. Mi' jac'ob. Mi' yʌc'ob i wut ti lujump'ejl i cha'c'al, ti uxc'al, ti jo'c'al. Che' tsi' yʌlʌ Jesús.

Lucas 8:13

Jini año' bʌ ti xajlelol, jiñobʌch mu' bʌ i yubiñob jini t'an. Ti' tijicñʌyel i pusic'al mi' bʌc' jac'ob, pero ma'anic i wi' ti' pusic'al. Mi' poj ñopob, pero che' mi' yilʌbentelob i pusic'al mi' cha' cʌyob.

Juan 15:1

Joñon jini Isujm bʌ Ac'on. C Tat jiñʌch Xpora.

Juan 15:16

Jatetla ma'anic tsa' la yajcayon. Joñon tsac yajcayetla. Tsa cʌq'ueyetla la' we'tel cha'an mi la' majlel la' wʌc' la' wut mu' bʌ caj i jalijel, cha'an mi' yʌq'ueñetla c Tat pejtelel chuqui mi la' c'ajtiben tij c'aba'.

Juan 15:3

Sʌquetixla cha'an jini t'an tsa' bʌ c subeyetla.

Juan 15:6

Jini mach bʌ anic mi' yajñel ti joñon, mi caj i chojquel loq'uel che' bajche' mach bʌ wenic bʌ i c'ʌb ac'. Mi' tiquin. Mi caj i tempʌyel cha'an mi' chojquel ti c'ajc.

Juan 15:8

Mi' caj ti pʌstʌl i ñuclel c Tat, che' mi la' wʌc' cabʌl la' wut. Che' jini, xcʌnt'añetla c cha'an.

Juan 17:12

Che' wʌ'to añon quic'otob ti pañimil, tsaj cʌntayob ti a c'aba'. Tsaj cʌnta jini xñopt'añob tsa' bʌ a wʌq'ueyon. Ma'anic tsa' sajti mi juntiquilic, jini jach mu' bʌ i majlel ti tojmulil cha'an mi' ts'ʌctiyel i Ts'ijbujel Dios.

Romanos 11:17

Tsa' jajqui loq'uel lamital i c'ʌb te'. Jatet i c'ʌbet yambʌ olivo te' mach bʌ anic i c'ʌjñibal, yilol jach bʌ tsa' coli ti mate'el. Tsa' otsʌntiyet ba' tsa' jajqui loq'uel i c'ʌb. Tsa' taja a p'ʌtʌlel ti' wi' yic'ot ti' yetsel jini wen bʌ olivo te'.

Romanos 11:22

Ña'tan, che' jini, i yutslel i pusic'al Dios yic'ot i mich'ajel. Ña'tan i mich'ajel ti' tojlel jini tsa' bʌ yajliyob. Ña'tan i yutslel i pusic'al ti a tojlel mi xuc'ul ma' wajñel ti' yutslel i pusic'al. Machic jini, jatet ja'el mi caj a tsejpel loq'uel.

Romanos 8:28

La cujil mi' c'ʌn Dios pejtelel chuqui tac mi' yujtel cha'an i wenlel jini mu' bʌ i c'uxbiñob Dios, jini pʌybilo' bʌ i cha'an che' bajche' tsi' wʌn ña'ta.

1 Corintios 13:1

Muq'uic c cha'len t'an ti' t'an tac winicob yic'ot ti' t'an ángelob, mi ma'anic j c'uxbiya, tsintsiñayon bajche' tsucu taq'uin. Lajalon bajche' tsucu taq'uin mu' bʌ i cujtʌl.

Tito 2:14

Tsi' yʌc'ʌ i bʌ ti chʌmel cha'añonla cha'an mi' mʌñonla loq'uel ti pejtelel lac jontolil, cha'an mi' sʌq'uesañonla, cha'an mi' yotsañonla ti' cha'an, cha'an mi lac bʌx'an ti' melol pejtelel chuqui wen.

Hebreos 12:15

Tsajiletla ame anic juntiquil ti la' tojlel mu' bʌ i ñusʌben i yutslel i pusic'al Dios. Cʌntan la' bʌ ame anic jini ch'aj bʌ mu' bʌ i tech mich'ajel ti la' pusic'al ame i bib'esʌbeñob i pusic'al cabʌlob.

1 Juan 2:19

Tsa' loq'uiyob majlel ti lac tojlel, come mach lac cha'añobic. Lac cha'añobic, wʌ'to añob la quic'ot c'ʌlʌl wʌle. Pero tsa' loq'uiyob cha'an mi' tsictiyel mach lac cha'añobic.

Apocalipsis 3:19

Jini mu' bʌ j c'uxbin mic tic'. Mic ju'sʌben i pusic'al. Jini cha'an yom bʌxetla. Cʌyʌla la' mul.