Juan 15:11 - Chol: I T’an Dios

¹¹ Jini t'an tsac subeyetla cha'an mi' yajñel ti la' pusic'al i tijicñʌyel c pusic'al, cha'an mi' ts'ʌctiyel i tijicñʌyel la' pusic'al.

Jiñi Tsiji' bʌ Wen T'añ cha'añ Estudio

¹¹ Jiñi t'añ tsa' c su'beyetla cha'añʌch mi' yajñel i tijicñʌyel c pusic'al ti la' tojlel, cha'añ mi' ts'ʌctiyel i tijicñʌyel la' pusic'al.

Chol de Tumbalá Bible

¹¹ Jini t'an tsac subeyetla cha'an mi' yajñel ti la' pusic'al i tijicñʌyel c pusic'al, cha'an mi' ts'ʌctiyel i tijicñʌyel la' pusic'al.

Jiñi Tsiji' bʌ Wen T'añ cha'añ Estudio

¹¹ Jiñi t'añ tsa' c su'beyetla cha'añʌch mi' yajñel i tijicñʌyel c pusic'al ti la' tojlel, cha'añ mi' ts'ʌctiyel i tijicñʌyel la' pusic'al.

Chol Tila

¹¹ Tic lu' subetla iliyi cha'an c'ajacña la' woj cha'an ti joñon yic'ot cha'an mi ts'ʌctiyel c'ajacña bʌ la' woj.

Juan 15:11 Iomraidhean Croise

Isaias 53:11

Mi caj i taj i tijicñʌyel i pusic'al cha'an tsi' colta cabʌlob, cha'an tsa' mʌjli i cha'an che' bʌ tsi' yubi wocol. C winicʌch jini toj bʌ. Che' cʌmbilix i cha'an winicob mi caj i yʌc'ob ti q'uejlel ti toj, come i bajñel mi caj i cuchbeñob i mul.

Isaias 62:4

Ma'anix majqui mi caj i yʌl “cʌybilet”. Ma'anix majqui mi caj i yʌl “jisʌbil a lumal”. Mi caj i yʌlob “c'uxbibilet i cha'an lac Yum” yic'ot “pʌybilet che' bajche' ti ñujpuñijel”, che'ob, come tijicña mi' q'uelet lac Yum. Ñujpuñemet yic'ot.

Jeremias 32:41

Tijicña mi caj cubin che' mic melbeñob chuqui uts'at. Mi caj c cha' pʌc'ob ti jini lum ti pejtelel c pusic'al yic'ot ti pejtelel c ch'ujlel. Xuc'ul mi caj i yajñelob.

Jeremias 33:9

Ili tejclum Jerusalén mi caj i tsictesan c ñuclel. Tijicña mi caj j q'uel. Pejtel tejclum ti yan tac bʌ lum mi caj i q'ueloñob ti ñuc che' tijicña ili tejclum cha'an pejtelel i yutslel c pusic'al mu' bʌ c pʌsben. Mi caj i toj sajtelob i pusic'al che' mi' ña'tañob cha' anix i ñʌch'tʌlel i pusic'al cha'an cabʌl tsaj colta.

Sofonias 3:17

Come lac Yum an a wic'ot. Jini P'ʌtʌl Bʌ mi caj i coltañet. Tijicña mi caj i yubin yic'otet. Mi caj i yʌq'ueñet a c'aj a wo. Mi caj i c'uxbiñet. Mi caj i cha'len c'ay come tijicña mi' q'uelet.

Lucas 15:23

Pʌyʌla tilel jini jujp'em bʌ alʌ tat wacax. Tsʌnsanla. La' laj c'ux. La' lac mel q'uin.

Lucas 15:32

Yom mi lac mel q'uin. Yom mi la cubin i tijicñʌyel lac pusic'al, come chʌmen yubil a wijts'in ti yambʌ ora. Wʌle cha' cuxulix yubil. Jini sajtem bʌ tsa'ix cha' tajle”, che'en. Che' tsi' yʌlʌ Jesús.

Lucas 15:5

Che' bʌ tsa'ix i taja, tijicña i pusic'al mi' yʌc' ti' quejlab.

Lucas 15:9

Che' bʌ tsa'ix i taja mi' pʌy tilel i cʌñʌyo' bʌ yic'ot i pi'ʌlob ti chumtʌl. Mi' subeñob: “Yom tem tijicñayetla quic'ot, come tsac taja jini taq'uin tsa' bʌ c sʌtʌ”, che'en.

Juan 16:24

C'ʌlʌl wʌle ma'anic chuqui tsa' la' c'ajti tij c'aba'. C'ajtinla. Mi caj la' wʌq'uentel cha'an mi' ts'ʌctiyel i tijicñʌyel la' pusic'al.

Juan 16:33

Tsac subeyetla jini t'an cha'an mi la' taj i ñʌch'tilel la' pusic'al ti joñon. Ti pañimil mi caj la' taj wocol. La' ñuc'ac la' pusic'al, come tsac jisʌbe i yumʌntel pañimil, che'en.

Juan 17:13

Wʌle talon ba' añet. Wolic sub jini t'an ti pañimil cha'an mi' ts'ʌctiyel i tijicñʌyel i pusic'al che' bajche' i tijicñʌyel c pusic'al.

Juan 3:29

Jini mu' bʌ i pʌy i yijñam, jiñʌch xñujpuñijel. Wen tijicña i pusic'al i cʌñʌ bʌ che' an ti' t'ejl jini xñujpuñijel che' mi' yubiben i t'an. Che' jini woli' ts'ʌctiyel i tijicñʌyel c pusic'al ti' tojlel Cristo.

Romanos 15:13

Jini Dios mu' bʌ i yʌq'ueñonla lac pijtaya che' mi lac ñop, la' i bujt'esan la' pusic'al ti' tijicñʌyel yic'ot i ñʌch'tilel cha'an mi la' wen pijtan ti' p'ʌtʌlel Ch'ujul bʌ Espíritu.

2 Corintios 1:24

Mach la' yumonic lojon cha'an mic wersa subeñetla chuqui yom mi la' ñop. Wolij coltañetla cha'an mi la' taj i tijicñʌyel la' pusic'al, come xuc'uletla cha'an tsa' la' ñopo Cristo.

Efesios 5:18

Mach yomic mi la' yʌc'an ti vino, come jiñʌch la' wo'lel yujil bʌ jisaya, pero yom but'uletla ti jini Espíritu.

Filipenses 1:25

Che'ʌch wolic ña'tan. Jini cha'an cujil mu' to cajñel quic'otetla, cha'an mi' p'ojlel la' wenlel yic'ot i tijicñʌyel la' pusic'al ti' ñopol Cristo.

1 Tesalonicenses 5:16

Chʌn tijicñesan la' pusic'al.

1 Pedro 1:8

Ma'anic tsa' la' q'uele Jesús, pero mi la' c'uxbin. Ma'anic woli la' q'uel wʌle, pero woli la' ñop. Jini cha'an ma'anic i p'isol i tijicñʌyel la' pusic'al tilem bʌ ti panchan,

1 Juan 1:4

Wolic ts'ijban lojon ili jun cha'an mi' ts'ʌctiyel i tijicñʌyel lac pusic'al.

2 Juan 1:12

Anto cabʌl chuqui com c ts'ijbubeñetla. Mach comic c pejcañetla ti jun. Wolic ña'tan c jula'tañetla cha'an mi lac pejcan lac bʌ che' temel añonla cha'an mi la cubin i tijicñʌyel lac pusic'al.