Juan 14:21 - Chol: I T’an Dios

²¹ Jini mu' bʌ i cʌn c mandar, mu' bʌ i jac', jiñʌch mu' bʌ i c'uxbiñon. Jini mu' bʌ i c'uxbiñon, mi caj i c'uxbintel cha'an c Tat. Joñon mi caj j c'uxbin ja'el. Mi caj cʌq'ueñetla la' wen cʌñon. Che' tsi' yʌlʌ Jesús.

Jiñi Tsiji' bʌ Wen T'añ cha'añ Estudio

²¹ Jiñi mu' bʌ i cʌn c mandar yic'ot mu' bʌ i jac', jiñʌch mu' bʌ i c'uxbiñon. Jiñi mu' bʌ i c'uxbiñon, mi caj i c'uxbintel tic Tat, joñon ja'el mi caj j c'uxbin, mi caj cʌq'ueñetla la' wen cʌñon.

Chol de Tumbalá Bible

²¹ Jini mu' bʌ i cʌn c mandar, mu' bʌ i jac', jiñʌch mu' bʌ i c'uxbiñon. Jini mu' bʌ i c'uxbiñon, mi caj i c'uxbintel cha'an c Tat. Joñon mi caj j c'uxbin ja'el. Mi caj cʌq'ueñetla la' wen cʌñon. Che' tsi' yʌlʌ Jesús.

Jiñi Tsiji' bʌ Wen T'añ cha'añ Estudio

²¹ Jiñi mu' bʌ i cʌn c mandar yic'ot mu' bʌ i jac', jiñʌch mu' bʌ i c'uxbiñon. Jiñi mu' bʌ i c'uxbiñon, mi caj i c'uxbintel tic Tat, joñon ja'el mi caj j c'uxbin, mi caj cʌq'ueñetla la' wen cʌñon.

Chol Tila

²¹ Jini mu' bʌ i ña'tyan c xic'ojel, mu' bʌ i jac' c xic'ojel mi' tsictisan cha'an yoque melel mi' p'untyañon. C Tyat mi quejel i p'untyan jini mu' bʌ i p'untyañon. Jonon mi quej c p'untyan je'el. Mi quej cʌq'ueñetla la' wen cʌñon. Che' ti yʌlʌ Jesús.

Juan 14:21 Iomraidhean Croise

2 Reyob 18:6

Tsi' chʌn tsajca lac Yum. Ma'anic tsi' tʌts'ʌ i bʌ ti' tojlel. Tsi' wen jac'be i mandar lac Yum che' bajche' tsi' subu Moisés.

Salmos 35:27

La' i cha'leñob c'ay mu' bʌ i q'ueloñob ti toj. La' ñuc'ac i pusic'al. La' i yʌlob ti pejtelel ora: La' sujbic i ñuclel lac Yum, che'ob Come tijicña lac Yum che' wen chumul i winic.

Exodo 33:18

Moisés tsi' sube: Pʌsbeñon a ñuclel, che'en.

Proverbios 8:17

Mij c'uxbin jini mu' bʌ i cha'leñob wersa i tajob wen bʌ i ña'tʌbal. Jini mu' bʌ i sajcañob wen bʌ i ña'tʌbal mi caj i tajob.

Jeremias 31:31

Tal jini q'uin tac che' mi caj c mel tsijib xuc'ul bʌ t'an yic'ot i p'olbal Israel yic'ot i p'olbal Judá.

Sofonias 3:17

Come lac Yum an a wic'ot. Jini P'ʌtʌl Bʌ mi caj i coltañet. Tijicña mi caj i yubin yic'otet. Mi caj i yʌq'ueñet a c'aj a wo. Mi caj i c'uxbiñet. Mi caj i cha'len c'ay come tijicña mi' q'uelet.

Lucas 11:28

Jesús tsi' sube: Ñumen tijicñayob mu' bʌ i yubibeñob i t'an Dios mu' bʌ i jac'ob, che'en.

Juan 14:15

Mi c'ux mi la' wubiñon, mi caj la' jac'beñon c mandar.

Juan 14:18

Ma'anic mi caj j cʌyetla ti meba'. Cha' talon ba' añetla.

Juan 15:14

Jatetla c pi'ʌletla che' mi la' cha'len chuqui mic subeñetla.

Juan 16:14

Mi caj i pʌs c ñuclel, come mi caj i lu' ch'ʌm ti' wenta. Mi caj i yʌq'ueñetla la' cʌn.

Juan 16:27

Come c Tat ja'el mi' c'uxbiñetla, come jatetla mi la' c'uxbiñon. Tsa'ix la' ñopo tilemon ti Dios.

Juan 17:23

Añon ti' tojlelob, añet ti joñon, cha'an mero jump'ejlob jach i pusic'al. Che' jini, jini año' bʌ ti pañimil mi caj i ña'tañob jatet tsa' chocoyon tilel. Mi mejlel i ña'tañob ja'el c'ux tsa' wubiyob, che' bajche' c'ux tsa' wubiyon.

Hechos 22:18

Tsaj q'uele Jesús tsa' bʌ i subeyon: “Se'ñun a bʌ, loq'uen ti Jerusalén ti ora come ma'anic mi caj i jac'ob chuqui wola' subeñob cha'añon”, che'en.

2 Corintios 12:8

Uxyajl tsaj c'ajtibe lac Yum ti wocol t'an cha'an mi' lajmesʌbeñon c wocol.

2 Corintios 3:18

Che' jini hermanojob, mach chʌn mosolix lac wut yilal. Che' mi laj q'uelben i ñuclel lac Yum che' bajche' ti espejo, mi lac utsi tsictesan i ñuclel. Mi laj q'uextʌyel majlel ti' yejtal Cristo che' mi' mel i ye'tel i yEspíritu lac Yum ti lac pusic'al.

2 Corintios 4:6

Come Dios tsa' bʌ i yʌc'ʌ mandar cha'an mi' tsictiyel i sʌclel pañimil ti ic'ch'ipan bʌ tsi' yʌc'ʌ ti tsictiyel i sʌclel ti lac pusic'al cha'an mi lac ch'ʌmben isujm woli' pʌs i ñuclel Cristo.

Deuteronomio 11:13

Mi tsa' la' wen jac'ʌ pejtel i mandar woli bʌ c subeñetla, mi xuc'ul mi la' c'uxbin lac Yum Dios, mi xuc'ul mi la' bʌc'ñan ti pejtelel la' pusic'al yic'ot ti pejtelel la' ña'tʌbal,

Deuteronomio 7:13

Lac Yum mi caj i c'uxbiñetla. Mi caj i yʌq'ueñetla i yutslel i t'an. Mi caj i yʌq'uetla ti p'ojlel. Uts'at mi caj i colel chuqui tac mi la' pʌc' ti la' lum. Mi caj i p'ojlesʌbeñetla trigo, yic'ot i ya'lel la' ts'usubil, yic'ot aceite, yic'ot i yal tac la' wacax, yic'ot la' tiñʌme' ti jini lum mu' bʌ caj i yʌq'ueñetla che' bajche' tsi' wʌn subeyob la' ñojte'elob.

2 Tesalonicenses 2:16

Jini lac Yum Jesucristo, yic'ot Dios lac Tat tsa' bʌ i c'uxbiyonla, jini tsa' bʌ i yʌq'ueyonla i ñuclel lac pusic'al mach bʌ anic mi' jilel yic'ot wen bʌ lac pijtaya ti' yutslel i pusic'al,

2 Timoteo 4:22

La' ajnic ti a pusic'al lac Yum Jesucristo. La' ajnic la' wic'ot i yutslel i pusic'al Dios.

1 Juan 2:5

Jini mu' bʌ i ch'ujbiben i t'an Jesús, woli' wen c'uxbin Dios. Che' jini la cujil añonla ti Jesús.

1 Juan 3:1

Cabʌl tsi' c'uxbiyonla lac Tat. Jini cha'an mi lac pejcʌntel ti' yalobil Dios. Melel i yalobilonla. Jini cha'an ma'anic mi' cʌñonla i cha'año' bʌ pañimil, come mach i cʌñʌyobic Dios.

1 Juan 5:3

Come i c'uxbintel Dios jiñʌch i ch'ujbibentel i mandar. Mach wocolic i mandar.

2 Juan 1:6

Jiñʌch laj c'uxbiya che' mi lac cha'len xʌmbal che' bajche' mi' yʌl i mandar. Tsa' la' wubi jini mandar c'ʌlʌl ti' cajibal: Yom mi laj c'uxbin lac bʌ.

Apocalipsis 2:17

Jini am bʌ i chiquin la' i yubiben i t'an jini Espíritu mu' bʌ i suben xñopt'añob. Jini mu' bʌ i mʌjlel i cha'an mi caj cʌq'uen i c'ux mucul bʌ maná. Mi caj cʌq'uen jump'ejl sʌsʌc bʌ alʌ xajlel, ba' otsʌbil tsiji' bʌ i c'aba'. Ma'anic majch yujil chuqui otsʌbil, cojach jini mu' bʌ i ch'ʌm”.

Apocalipsis 22:14

Tijicñayob mu' bʌ i wuts'ob i pislel cha'an mi' c'uxbeñob i wut jini te' i yejtal bʌ i cuxtʌlel. Mi caj i yochelob ti' ti' tejclum.

Apocalipsis 3:20

Awilan, wa'alon, wolic jats'ben i ti' otot. Mi an majch mi' yubibeñon c t'an mu' bʌ i jambeñon i ti' otot, mi caj cochel ba'an, mi caj c cha'len we'el yic'ot. Mux caj i cha'len we'el quic'ot ja'el.