Juan 14:17 - Chol: I T’an Dios

¹⁷ Jiñʌch jini Espíritu mu' bʌ i pʌs i sujmlel Dios. Jini i cha'año' bʌ pañimil mach mejlic i yʌq'uentelob, come ma'anic mi' q'uelob, ma'anic mi' cʌñob ja'el. Jatetla mi la' cʌn, come mi' yajñel la' wic'ot. Mi caj i yajñel ti la' pusic'al.

Jiñi Tsiji' bʌ Wen T'añ cha'añ Estudio

¹⁷ Jiñʌch jiñi Espíritu mu' bʌ i pʌs isujmlel Dios, jiñi i cha'año' bʌ pañimil mach mejlic i yʌq'ueñtelob, come ma'añic mi' q'uelob, ma'añic mi' cʌñob ja'el; pero jatetla mi la' cʌn, come mi' yajñel la' wic'ot, mi caj i yajñel ti la' pusic'al.

Chol de Tumbalá Bible

¹⁷ Jiñʌch jini Espíritu mu' bʌ i pʌs i sujmlel Dios. Jini i cha'año' bʌ pañimil mach mejlic i yʌq'uentelob, come ma'anic mi' q'uelob, ma'anic mi' cʌñob ja'el. Jatetla mi la' cʌn, come mi' yajñel la' wic'ot. Mi caj i yajñel ti la' pusic'al.

Jiñi Tsiji' bʌ Wen T'añ cha'añ Estudio

¹⁷ Jiñʌch jiñi Espíritu mu' bʌ i pʌs isujmlel Dios, jiñi i cha'año' bʌ pañimil mach mejlic i yʌq'ueñtelob, come ma'añic mi' q'uelob, ma'añic mi' cʌñob ja'el; pero jatetla mi la' cʌn, come mi' yajñel la' wic'ot, mi caj i yajñel ti la' pusic'al.

Chol Tila

¹⁷ Jiñʌch Ch'ujul bʌ c Ch'ujlel mu' bʌ i pʌs i sujmlel Dios. Jini i cha'año' bʌ mulawil mach ch'ujbi i yʌq'uentyelob Ch'ujul bʌ c Ch'ujlel como mach ch'ujbi i q'uejlel. Mach ch'ujbi i cʌñob je'el. Jatyetla mi la' cʌn, como mi yajñel la' wic'ot. Mi quejel i bele' ajñel ti la' pusic'al.

Juan 14:17 Iomraidhean Croise

Proverbios 14:10

Lac bajñel jach mi laj cʌn i wocol lac pusic'al. Che' ja'el i tijicñʌyel lac pusic'al, mach mejlic i cʌn yambʌ.

Isaias 57:15

Jini cuxul bʌ ti pejtelel ora, Ch'ujul Bʌ i c'aba', woli i yʌl: Joñon chumulon ti chan ti Ch'ujul bʌ Cajñib, pero wʌ' chumulon ja'el yic'ot jini mu' bʌ i mel i bʌ ti pec', yic'ot jini am bʌ i wocol. Mic ñuq'uesʌben i pusic'al jini uts bʌ. Mi cʌq'uen i tijicñʌyel jini am bʌ ti c'oj'ol.

Isaias 59:21

Jiñʌch jini t'an mu' bʌ cʌq'ueñob: Jini quEspíritu mu' bʌ cʌq'ueñetla ma'anic mi caj i cʌyetla. Mi caj la' mulan chuqui tac uts'at. Mi caj la' ts'a'len chuqui tac mach uts'atic, jatetla yic'ot la' walobilob ti pejtelel ora. Che' tsi' yʌlʌ lac Yum.

Ezequiel 36:27

Mi caj cotsan ti la' tojlel jini quEspíritu cha'an mi la' jac' c subal yic'ot c t'an.

Mateo 10:20

Come mach jateticla muq'uetla ti t'an, pero i yEspíritu la' Tat mi' c'ʌn la' wej ti t'an.

Juan 14:16

Joñon mi caj j c'ajtiben c Tat. Mi caj i yʌq'ueñetla yambʌ la' waj Pi'leya, cha'an mi' yajñel la' wic'ot ti pejtelel ora.

Juan 14:23

Jesús tsi' sube: Jini mu' bʌ i c'uxbiñon mi caj i jac'beñon c t'an. Mi caj i c'uxbintel cha'an c Tat. Mi caj c tilel lojon ba'an. Mi caj c cha'len lojon chumtʌl quic'ot.

Juan 15:26

Mi caj c chocbeñetla tilel la' waj Pi'leya ch'oyol bʌ tic Tat. Jiñʌch jini Espíritu ch'oyol bʌ tic Tat mu' bʌ i ts'ʌctesan i sujmlel c t'an. Che' mi' tilel mi caj i yʌc'on ti cʌjñel.

Juan 16:13

Che' julemix jini Espíritu mu' bʌ i pʌs i sujmlel, mi caj i yʌq'ueñetla la' cʌn pejtelel i sujmlel. Come ma'anic mi' c'ʌn i bajñel pusic'al i tsictesan chuqui tac mi' sub. Mi' sub pejtelel chuqui tac mi' yubin. Mi' caj i subeñetla chuqui tac tal.

Juan 6:40

Jiñʌch chuqui yom c Tat tsa' bʌ i chocoyon tilel. Yom mi' tajob i cuxtʌlel mach bʌ anic mi' jilel pejtelel mu' bʌ i q'uelob i Yalobil, mu' bʌ i ñopob. Joñon mi caj c techob ch'ojyel ti jini cojix bʌ q'uin, che'en Jesús.

1 Corintios 14:15

¿Bajche' yom che' jini? Mi caj c pejcan Dios tic ch'ujlel, mi caj c pejcan tic ña'tʌbal ja'el. Mi caj c cha'len c'ay tic ch'ujlel, mi caj c cha'len c'ay tic ña'tʌbal ja'el.

1 Corintios 2:14

Jini mach bʌ anic Espíritu yic'ot, ma'anic mi' ch'ʌmben isujm jini ch'oyol bʌ ti' yEspíritu Dios, come mi' yʌl tonto jax. Mach mejlic i ch'ʌmben isujm, come cojach jini Espíritu mi' yʌq'ueñonla lac ch'ʌmben isujm.

1 Corintios 3:16

¿Mach ba la' wujilic? Jatetla i templojetla Dios. I yEspíritu Dios mi' chumtʌl la' wic'ot.

1 Corintios 6:19

¿Mach ba la' wujilic? La' bʌc'tal i templojʌch jini Ch'ujul bʌ Espíritu tsa' bʌ i yʌq'ueyetla Dios mu' bʌ i yajñel ti la' pusic'al. Mach la' bajñel wentajic la' bʌ.

2 Corintios 13:5

Ña'tan la' bʌ mi woli la' ñop Cristo ti isujm. Ña'tanla bajche' añetla. ¿Mach ba la' wujilic? Woli' yajñel Jesucristo ti jatetla mi isujm woli la' ñop. Mi ma'anic, chocbiletla ti Dios.

2 Corintios 6:16

I templo Dios ¿jim ba i pi'ʌl jini dios tac? Joñonla i templojonla jini cuxul bʌ Dios che' bajche' tsi' yʌlʌ Dios: “Mi caj c chumtʌl ti' tojlelob. Ya' mij caj ti ajñel. Mi caj cochel ti' Dios. Mi caj cotsañob tic cha'an”. Che' tsi' yʌlʌ Dios.

Gálatas 4:6

I yalobiletla. Dios tsi' choco tilel ti lac pusic'al i yEspíritu i Yalobil mu' bʌ i yʌl: Papa, c Tat, che'en.

Efesios 2:22

Ti lac Yum wa'chocobiletla ja'el ti jump'ejl chumlibʌl ba' mi' chʌmtʌl Dios ti Espíritu.

Efesios 3:17

cha'an mi' chumtʌl Cristo ti la' pusic'al cha'an woli la' ñop. Che' jini mi caj i tam'an la' wi' che' tsʌts cʌyʌletla ti Cristo, che' c'ux mi la' wubin.

Colosenses 1:27

Dios yom i yʌc' ti cʌjñel ti' tojlel pejtelel winicob x'ixicob jini c'ax ñuc bʌ i sujmlel mach bʌ tsictiyemic ti yambʌ ora. Jini ñuc bʌ ti cʌñol jiñʌch Cristo woli bʌ i yajñel ti la' pusic'al. Jiñʌch mu' bʌ i yʌq'ueñetla la' pijtan la' ñuclel.

2 Timoteo 1:14

Cʌntan jini uts'at tac bʌ tsa' bʌ i yʌc'ʌ ti a wenta jini Ch'ujul bʌ Espíritu chumul bʌ ti lac pusic'al.

1 Juan 2:27

Tsa'ix aq'uentiyetla jini Ch'ujul bʌ Espíritu woli bʌ i chʌn ajñel ti jatetla. Jini cha'an mach wersajic mi' cʌntesañetla yambʌ, come cʌntesʌbiletla ti Espíritu ti pejtelel chuqui yom. Isujmʌch i cʌntesa, mach lotic. Che' bajche' tsi' cʌntesayetla, che'ʌch yom mi la' chʌn ajñel ti Jesús.

1 Juan 3:24

Jini mu' bʌ i ch'ujbiben i mandar mi' yajñel ti Dios. Dios mi' yajñel ti jini winic ja'el. Cʌntesʌbilonla cha'an jini Espíritu tsa' bʌ i yʌq'ueyonla, la cujil woli' yajñel Dios ti joñonla.

1 Juan 4:4

Calobilob, i cha'añetla Dios. Tsa'ix la' t'uchtayob come ñumen ñuc jini am bʌ ti a pusic'al bajche' jini am bʌ ti pañimil.

1 Juan 4:6

Joñonla i cha'añonla Dios. Jini mu' bʌ i cʌn Dios mi' yubin lac t'an. Jini mach bʌ anic mi' cʌn Dios ma'anic mi' yubin lac t'an. Che' jini mi laj cʌn jini Espíritu mu' bʌ i sub i sujmlel yic'ot jini espíritu mu' bʌ i cha'len lot.

1 Juan 5:7

An uxchajp mu' bʌ i tsictesañob i sujmlel:

Apocalipsis 2:17

Jini am bʌ i chiquin la' i yubiben i t'an jini Espíritu mu' bʌ i suben xñopt'añob. Jini mu' bʌ i mʌjlel i cha'an mi caj cʌq'uen i c'ux mucul bʌ maná. Mi caj cʌq'uen jump'ejl sʌsʌc bʌ alʌ xajlel, ba' otsʌbil tsiji' bʌ i c'aba'. Ma'anic majch yujil chuqui otsʌbil, cojach jini mu' bʌ i ch'ʌm”.