Juan 13:5 - Chol: I T’an Dios

⁵ Tsi' jebe ja' ti poc'. Tsa' caji i pocbenob i yoc xcʌnt'añob. Tsi' sujcubeyob ti jini pisil tsa' bʌ i cʌchʌ ti' ñʌc'.

Jiñi Tsiji' bʌ Wen T'añ cha'añ Estudio

⁵ Tsi' je'be ja' ti poc', tsa' caji i pocbeñob i yoc xcʌnt'añob i cha'añ; tsi' sujcubeyob ti jiñi pisil tsa' bʌ i cʌchʌ ti' ñʌc'.

Chol de Tumbalá Bible

⁵ Tsi' jebe ja' ti poc'. Tsa' caji i pocbenob i yoc xcʌnt'añob. Tsi' sujcubeyob ti jini pisil tsa' bʌ i cʌchʌ ti' ñʌc'.

Jiñi Tsiji' bʌ Wen T'añ cha'añ Estudio

⁵ Tsi' je'be ja' ti poc', tsa' caji i pocbeñob i yoc xcʌnt'añob i cha'añ; tsi' sujcubeyob ti jiñi pisil tsa' bʌ i cʌchʌ ti' ñʌc'.

Chol Tila

⁵ Ti' jebe ja' ti poc'. Ti queji i pocben i yoc jujuntiquil ajcʌnt'añob i cha'an. Ti' sujcubeyob i yoc ti sujquic'ʌbʌl cʌchʌl bʌ ti xinil.

Juan 13:5 Iomraidhean Croise

Genesis 18:4

La' c ch'ʌm lojon tilel ts'ita' ja' cha'an mi la' poc la' woc. C'aja la' wo ti' yebal jini te'.

Genesis 19:2

Tsi' yʌlʌ: C yumob, awocolic, ochenla ti cotot, come la' winicon. Ñusanla ac'ʌlel ilayi, poco la' woc. Che' ti sʌc'ajel mi mejlel la' ch'ojyel cha'an mi la' cha' majlel, che'en Lot. Tsi' yʌlʌyob: Mach che'ic yom. Mi caj c ñusan lojon ac'ʌlel ti jumpat, che'ob.

Genesis 43:24

Tsi' pʌyʌyob ochel ti' yotot José. Tsi' yʌq'ueyob ja'. Tsi' pocbeyob i yoc. Tsi' yʌq'ueyob tsepbil bʌ jam cha'an i burro tac.

2 Reyob 3:11

Josafat tsi' jac'ʌ: ¿Mach ba anic ilayi juntiquil x'alt'an i cha'an lac Yum mu' bʌ mejlel i coltañonla? che'en. Juntiquil winic israel bʌ tsi' jac'ʌ: Wʌ'an Eliseo i yalobil Safat, jini tsa' bʌ i tem cha'le e'tel yic'ot Elías, che'en.

Salmos 51:2

Lu' pocbeñon loq'uel c jontolil. Sʌq'uesʌbeñon c pusic'al cha'an tsac cha'le mulil.

Exodo 29:4

Yom ma' pʌy majlel Aarón yic'ot i yalobilob ti' ti' jini Tabernáculo cha'an ma' pocbeñob i c'ʌb yic'ot i yoc ti ja'.

Isaias 1:16

¡Pocox la' bʌ; sʌq'uesan la' bʌ! ¡Cʌyʌx la' mel jontolil ti' tojel c wut!

Ezequiel 36:25

Mi caj c muletla yic'ot yʌx bʌ ja' cha'an mic sʌq'uesañetla ti pejtelel la' bibi'lel. Che' sʌquetla ma'anix mi caj la' chʌn ch'ujutesan dioste' tac.

Levitico 14:8

Jini winic tsa' bʌ lajmi mi caj i wuts' i pislel. Mi caj i tsepben pejtelel i tsutsel i cuctal, mi caj i cha'len ts'ʌmel. Mi mejlel i cha' majlel ti chumtʌl ti' mal jini tejclum. Pero anto yom mi' ñumel wucp'ejl q'uin cha'an mi' cha' ochel ti pisil bʌ i yotot.

Zacarias 13:1

I Yum Panchan yic'ot Pañimil woli' chʌn sub: Ti jim ora mi caj i jambentelob Cuxul bʌ Ja' jini xchumtʌlob ti Israel yic'ot ti Jerusalén. Jini ja' mi caj i sʌq'uesañob ti pejtelel i mul yic'ot pejtelel i bibi'lel.

Lucas 7:38

Che' ya' wa'al jini x'ixic ti' pat Jesús, tsa' caji ti uq'uel. Tsa' chʌjq'ui jubel i ya'lel i wut ti' yoc Jesús. Tsi' sujcube ti' tsutsel i jol. Tsi' ts'ujts'ube i yoc. Tsi' boño ti jini xojocña bʌ ts'ac.

Lucas 7:44

Jesús tsi' sutq'ui i bʌ i q'uel jini x'ixic. Tsi' sube Simón: ¿Woli ba a q'uel jini x'ixic? Tsa' ochiyon ti a wotot. Ma'anic tsa' wʌq'ueyon ja' cha'an coc. Ili x'ixic tsa' chʌjq'ui jubel i ya'lel i wut ti coc. Tsi' sujcubeyon ti' tsutsel i jol.

Juan 13:10

Jesús tsi' sube: Jasʌl mi' pocbentel i yoc jini pocbilix bʌ. Che' jini, sʌquix ti pejtelel. Jatetla sʌquetla, pero mach pejteleticla, che'en Jesús.

Juan 13:6

Tsa' tili Jesús ba'an Simón Pedro. Pedro tsi' sube: C Yum, ¿mu' ba' caj a pocbeñon coc? che'en.

Juan 13:8

Pedro tsi' sube: Ma'anic mi caj a pocbeñon coc ti pejtelel ora, che'en. Jesús tsi' sube: Mi ma'anic mic poquet, mach c cha'añetic, che'en.

Juan 19:34

Juntiquil soldado tsi' jeq'ue ti yebal i ch'i'lat yic'ot i lanza. Ti ora jach tsa' loq'ui i ch'ich'el yic'ot ja'.

Hechos 22:16

Wʌle, ¿chucoch woliyet ti pijt? Ch'ojyen. Pejcan Dios ti' c'aba' Jesús. Ch'ʌmʌ ja', la' pojquic loq'uel a mul”. Che' tsi' subeyon Ananías.

1 Corintios 6:11

Lamitaletla che'ʌch tsa' la' mele, pero wʌle pocbiletixla ti' c'aba' lac Yum Jesucristo cha'an ti' yEspíritu lac Dios. Tsa'ix ajq'uiyetla ti' wenta Dios. Wolix la' q'uejlel ti toj.

Efesios 5:26

cha'an mi' yotsañob ti ch'ujul, cha'an mi' sʌq'uesañob ti' t'an che' bajche' ti ja'.

1 Timoteo 5:10

Yom mi' tsictiyel ti' tojlel i pi'ʌlob mi an wen bʌ i melbal, mi tsi' cosa i yalobilob, mi tsi' cha'le p'untaya, mi tsi' pocbeyob i yoc i cha'año' bʌ Dios, mi tsi' colta jini tsa' bʌ i tajayob wocol, mi tsi' yʌc'ʌ i bʌ ti pejtelel wen bʌ i melbal.

Hebreos 10:22

Jini cha'an la' lac lʌc'tesan lac bʌ ba'an Dios ti jump'ejl lac pusic'al. Mach yomic tile bixel lac pusic'al che' mi lac ñop. Yom sʌq'uesʌbil lac pusic'al. Yom pocbil lac bʌc'tal ti yʌx bʌ ja'.

1 Juan 1:7

Pero mi woliyonla ti xʌmbal ti' sʌclel pañimil, che' bajche' mi' yajñel Dios ti' sʌclel pañimil, che' jini mi lac wen cʌn lac bʌ. I ch'ich'el Jesús i Yalobil Dios woli' sʌq'uesañonla ti pejtelel mulil.

1 Juan 5:6

Jiñʌch Jesucristo tsa' bʌ tili. Dios tsi' tsictesa che' bʌ tsi' ch'ʌmʌ ja' yic'ot che' bʌ tsi' yʌc'ʌ i ch'ich'el. Mach ti ja'ic jach tsi' tsictesa, pero yic'ot ja' yic'ot i ch'ich'el. Testigojʌch jini Espíritu ja'el, come i sujmlelʌch jini Espíritu.

Apocalipsis 1:5

yic'ot ja'el Jesucristo, jini xuc'ul bʌ Testigo mu' bʌ i yʌc' ti cʌjñel i sujmlel. Jiñʌch tsa' bʌ ñaxan tejchi loq'uel ba'an chʌmeño' bʌ. I yumʌch jini reyob ti pañimil. Cristo mi' c'uxbiñonla. Tsi' pocbeyonla loq'uel lac mul ti' ch'ich'el.

Apocalipsis 7:14

Tsac sube: C yum, a wujil jatet, cho'on. Tsi' subeyon: Tsa' loq'uiyob ti ñuc bʌ wocol. Tsa'ix i wuts'uyob i pislel. Tsi' sʌq'uesayob ti' ch'ich'el jini Tiñʌme'.

Juezob 19:21

Che' jini tsi' pʌyʌ majlel ti' yotot. Tsi' yʌq'ue chuqui mi' c'ux jini burro tac yic'ot ja' cha'an mi' pocob i yoc. Tsa' cajiyob ti we'el ti uch'el.

1 Samuel 25:41

Tsa' ch'ojyi. Tsi' ñucchoco i wut ti lum. Tsi' yʌlʌ: Yom cu. Um ba' añon. Muq'uix c peq'uesan c bʌ c melbeñob i ye'tel i winicob c yum, che'en.