Juan 11:53 - Chol: I T’an Dios

⁵³ Ti jini jach bʌ ora tsa' caji i comol pejcañob i bʌ ti jujump'ejl q'uin cha'an mi' ña'tañob bajche' mi mejlel i tsʌnsañob Jesús.

Jiñi Tsiji' bʌ Wen T'añ cha'añ Estudio

⁵³ Ti jiñi jach bʌ ora tsi' ña'tayob cha'añ mi' tsʌnsañob Jesús.

Chol de Tumbalá Bible

⁵³ Ti jini jach bʌ ora tsa' caji i comol pejcañob i bʌ ti jujump'ejl q'uin cha'an mi' ña'tañob bajche' mi mejlel i tsʌnsañob Jesús.

Jiñi Tsiji' bʌ Wen T'añ cha'añ Estudio

⁵³ Ti jiñi jach bʌ ora tsi' ña'tayob cha'añ mi' tsʌnsañob Jesús.

Chol Tila

⁵³ Che' jini, ti jim bʌ q'uin ti queji i bej ña'tyan bajche' mi quejel i tsʌnsan Jesús jini año' bʌ i ye'tyel ba'an israelob.

Juan 11:53 Iomraidhean Croise

Genesis 37:18

I yʌscuñob tsi' q'ueleyob che' ñajt to i tilel José. Che' maxto c'otemic José, tsi' tem ña'tayob i tsʌnsañob.

Nehemias 13:21

Tsac tiq'uiyob. Tsac subeyob: ¿Chucoch woli la' jijlel ti' t'ejl ts'ajc? Mi ma'anic mi la' cʌy la' mel, mux caj j cʌchetla, cho'on. Jini cha'an ma'anix tsa' cha' tiliyob che' ti' yorajlel c'aj o.

Nehemias 4:16

Ti ili ora tsa' caji' jelob i bʌ ti e'tel c winicob. Ojlil tsi' meleyob ts'ajc. Ojlil tsi' chucuyob lanza tac yic'ot mʌctijibʌl tac melbil bʌ ti tsucul taq'uin. Jini yumʌlob tsi' laj coltayob i pi'ʌlob chumulo' bʌ ti Judá

Salmos 113:2

La' sujbic i nuclel i c'aba' lac Yum wʌle yic'ot ti pejtelel ora.

Salmos 2:2

Jini reyob ti pañimil mi' chajpañob i bʌ. Jini yumʌlob mi' temob i t'an Cha'an mi' contrajiñob lac Yum, Yic'ot jini Rey Yajcʌbil bʌ i cha'an.

Salmos 31:13

Tsa'ix cubi c ts'a'lentel ti cabʌlob. An bʌq'uen ti jujunwejl. Che' mi' temob i t'an tij contra, Yomob i tsʌnsañon.

Salmos 71:10

Come j contrajob mi' jop'beñon c mul. Mi' chijtañoñob. Mi' temob i t'an tij contra.

Jeremias 38:15

Jeremías tsi' sube: Mi che'ʌch mic mel bajche' wola' wʌl, ¿mach ba muq'uic a wʌc'on ti chʌmel? Che' mic subeñet bajche' yom ma' mel, ma'anic mi caj a jac', che'en Jeremías.

Jeremias 38:4

Jini cha'an jini yumʌlob tsa' cha' majli i subeñob jini rey: A wocolic la' chʌmic ili winic Jeremías. Come ti' caj i t'an woli' c'uñ'añob soldadojob yic'ot pejtel winicob che' bajche' jaytiquil tsa' cʌleyob wʌ' ti tejclum. Ili winic ma'anic woli coltañob. Woli' yʌc'ob ti jisʌntel, che'ob.

Mateo 12:14

Jini fariseojob tsa' majliyob. Tsi' pejcayob i bʌ cha'an mi' ña'tañob bajche' mi caj i tsʌnsañob Jesús.

Mateo 16:21

Ti jim bʌ ora, Jesús tsa' caji i cʌntesan xcʌnt'añob i cha'an. Tsi' yʌlʌ wersa mi' majlel ti Jerusalén i yubin cabʌl wocol ti' c'ʌb xñoxob año' bʌ i ye'tel yic'ot ñuc bʌ motomajob yic'ot sts'ijbayajob. Wersa mi' caj ti tsʌnsʌntel. Mi caj i cha' tejchel ch'ojyel ti yuxp'ejlel q'uin.

Mateo 22:46

Ma'anic majqui tsa' mejli i wis jac'ben i t'an. Che' ja'el ma'anix majqui tsi' chʌn ñopo i c'ajtiben yan tac bʌ cha'an bʌq'uen.

Mateo 26:4

Tsi' temeyob i t'an cha'an mi' chucob Jesús ti mucul cha'an mi' tsʌnsañob.

Mateo 26:59

Jini ñuc bʌ motomajob yic'ot xñoxob año' bʌ i ye'tel yic'ot pejtelel año' bʌ i ye'tel tsi' sajcayob jini mu' bʌ i cha'leñob jop't'an ti' contra Jesús cha'an mi' yʌc'ob ti chʌmel.

Marcos 14:1

Yom to cha'p'ejl q'uin cha'an i q'uiñilel Pascua che' mi' c'uxob caxlan waj mach bʌ anic i levadurajlel. Jini ñuc bʌ motomajob yic'ot sts'ijbayajob tsi' pejcayob i bʌ cha'an bajche' mi mejlel i chucob Jesús ti lot cha'an mi' tsʌnsañob.

Marcos 3:6

Tsa' loq'uiyob majlel fariseojob. Tsi' temeyob i t'an yic'ot jini herodiañob ti' contra Jesús cha'an yomob i tsʌnsan.

Juan 11:47

Jini cha'an tsi' tempayob i bʌ ñuc bʌ motomajob yic'ot fariseojob. Tsi' yʌlʌyob: ¿Chuqui yom mi lac mel? che'ob. Come cabʌl mi' pʌs i yejtal i p'ʌtʌlel jini winic.

Juan 12:10

Jini ñuc bʌ motomajob tsi' comol pejcayob i bʌ cha'an yomob i tsʌnsan Lázaro ja'el.

Juan 7:1

Ti wi'il Jesús tsa' caji ti xʌmbal ti Galilea. Tsi' cʌyʌ i xʌmbal ti Judea, come judíojob woli' ña'tañob i chuc cha'an mi' tsʌnsañob.

Hechos 5:33

Tsa' wen mich'ayob che' bʌ tsi' yubibeyob i t'an. Yomob i tsʌnsan jini apóstolob.

Hechos 9:23

Che' bʌ tsa' ñumi cabʌl q'uin, jini judíojob tsi' comol pejcayob i bʌ. Tsi' ña'tayob bajche' mi caj i tsʌnsañob Saulo.