Juan 11:51 - Chol: I T’an Dios

⁵¹ Mach tilemic jini t'an ti' bajñel pusic'al. Pero cha'an tsi' cha'le i ye'tel ti ñuc bʌ motomaj ti jini jabil, jini cha'an tsi' yʌlʌ mi caj i chʌmel Jesús cha'an i q'uexol winicob x'ixicob ti' lumal.

Jiñi Tsiji' bʌ Wen T'añ cha'añ Estudio

⁵¹ Mach tilemic jiñi t'añ ti' bajñel pusic'al, cha'añ ti' caj tsi' mele i ye'tel ti ñuc bʌ motomaj ti jiñi ja'bil, jiñi cha'añ tsi' wʌn alʌ mi caj i chʌmel Jesús cha'añ i q'uexol wiñicob x'ixicob ti' lumal.

Chol de Tumbalá Bible

⁵¹ Mach tilemic jini t'an ti' bajñel pusic'al. Pero cha'an tsi' cha'le i ye'tel ti ñuc bʌ motomaj ti jini jabil, jini cha'an tsi' yʌlʌ mi caj i chʌmel Jesús cha'an i q'uexol winicob x'ixicob ti' lumal.

Jiñi Tsiji' bʌ Wen T'añ cha'añ Estudio

⁵¹ Mach tilemic jiñi t'añ ti' bajñel pusic'al, cha'añ ti' caj tsi' mele i ye'tel ti ñuc bʌ motomaj ti jiñi ja'bil, jiñi cha'añ tsi' wʌn alʌ mi caj i chʌmel Jesús cha'añ i q'uexol wiñicob x'ixicob ti' lumal.

Chol Tila

⁵¹ Pero mach'an ti bajñel yʌlʌ iliyi Caifás cha'an ti' bajñel i pensal. Pero cha'an ñoj ñuc bʌ cura ti jim bʌ jabil ñijcʌbil ti Dios i wʌ ale' cha'an Jesús mi quejel i sajtyel cha'an ti pejtyelel israelob.

Juan 11:51 Iomraidhean Croise

Exodo 28:30

Yom ma' wotsan ya' ti' tajn jini bujcʌl cha'p'ejl xajlel i c'aba' Urim yic'ot Tumim, am bʌ i c'ʌjnibal cha'an mi la' cʌntesʌntel. Mi caj i yajñel ti' tojlel i pusic'al jini Aarón che' mi' yochel ya' ti cotot. Ya'i mi' ch'ʌm majlel Aarón i c'aba'ob i yalobilob Israel che' bajche' jajayajl mi' yochel.

Daniel 9:26

Che' ñumenix cha'p'ejl i chʌnc'al (62) semana, mi caj i tsʌnsʌntel jini Yajcʌbil bʌ anquese ma'anic i mul. Mi caj i jisʌntel Jerusalén yic'ot jini Templo che' bajche' ti but'ja'lel. Mach chʌn lajmix wocol yic'ot bʌbʌq'uen bʌ guerra c'ʌlʌl ti' jilibal pañimil, come che'ʌch tsi' ña'ta Dios.

Numeros 22:28

Che' jini lac Yum tsi' yʌc'ʌ ti t'an jini burro. Tsa' caji i suben Balaam: ¿Chuqui tsac tumbeyet cha'an uxyajlix tsa' to'o jats'ʌyon? che'en.

Numeros 24:2

Che' bʌ tsi' can q'uele pañimil, tsi' q'uele israelob ti mojt ti mojt ya' ba' chumulob ti joctʌl. I yEspíritu lac Yum tsa' c'oti ba'an Balaam. Tsi' yʌc'ʌ ti t'an:

Mateo 20:28

Che'ʌch mi' mel i Yalobil Winic. Come ma'anic tsa' tili cha'an mi' coltʌntel. Tsa' tili cha'an mi' coltan winicob x'ixicob, cha'an mi' yʌc' i bʌ ti chʌmel cha'an i tojol i mul cabʌlob. Che' tsi' yʌlʌ Jesús.

Juan 10:15

Che' ja'el mi' cʌñon c Tat. Mij cʌn c Tat. Mi cʌc' c bʌ ti chʌmel cha'an jini tiñʌme'.

Juan 11:49

Juntiquil motomaj i c'aba' Caifás, tsa' bʌ i cha'le i ye'tel ti c'ax ñuc bʌ motomaj ti jini jach bʌ jabil, tsi' subeyob: Ma'anic chuqui la' wujil jatetla.

Juan 18:13

Tsi' ñaxan pʌyʌyob majlel ba'an Anás, i ñij'al Caifás, jini ñuc bʌ motomaj ti jini jabil.

1 Corintios 13:2

Anic j c'ʌjñibal ti subt'an yic'ot c ña'tʌbal ti pejtelel i sujmlel mach bʌ tsictiyemic ti yambʌ ora, yic'ot pejtelel chuqui tac ña'tʌbil ti pañimil, muq'uic c ñop Dios ti xuc'ul bʌ c pusic'al cha'an mic tʌts' wits, pero mi ma'anic j c'uxbiya, ma'anic j c'ʌjñibal.

2 Corintios 5:21

Come Cristo ma'anic tsi' wis ñopo mulil, pero Dios tsi' yʌq'ue i cuch pejtelel lac mul ti' bʌc'tal ya' ti cruz cha'an mi' yʌq'ueñonla toj bʌ lac pusic'al ti Cristo.

Gálatas 3:13

Pero ya' ti cruz Cristo tsi' mʌñʌyonla loq'uel ti' p'ʌtʌlel jini mandar mu' bʌ i yʌc'onla ti chojquel, come tsa' chojqui ti Dios cha'añonla, come ts'ijbubil: “Chocbil ti Dios majqui jach mi' joc'chocontel ti te'”.

1 Pedro 2:24

I bajñel jach tsi' cuchu lac mul ti' bʌc'tal che' bʌ tsa' chʌmi ti te', cha'an mi' jilel i p'ʌtʌlel mulil ti lac tojlel. Cuxulonixla cha'an yom mi lac mel chuqui toj. Lajmesʌbiletla cha'an tsa' lojwi lac Yum.

1 Pedro 3:18

Come Cristo ja'el ti junyajlel tsi' yubi wocol cha'an mulil. Jini Toj bʌ tsi' yʌc'ʌ i bʌ ti chʌmel cha'an jini mach bʌ tojobic, cha'an mi' pʌyonla ti' tojlel Dios. Isujmʌch tsa' tsʌnsʌnti ti' bʌc'tal, pero tsa' cha' cuxtiyi ti jini espíritu.

1 Juan 2:2

Jiñʌch tsa' bʌ i yubi i mich'ajel Dios ti' caj lac mul, mach jinic jach lac mul pero i mul ja'el pejtelel año' bʌ ti pañimil.

1 Samuel 23:9

David tsi' yubi woli' tilel Saúl ti' contra. Tsi' sube Abiatar jini motomaj: Ch'ʌmʌ tilel jini bujcʌl, che'en.

1 Samuel 28:6

Saúl tsi' pejca lac Yum, pero lac Yum ma'anic tsi' jac'be, mi ti' ñajalic, mi ti x'alt'añobic, mi ti Urimic (xajlel mu' bʌ i pejcan motomaj cha'an mi' ña'tan chuqui yom Dios).